កម្ពុជាដំណឹង

Covid-19៖ កម្ពុជា​រក​ឃើញ​ករណី​ឆ្លង​ជាថ្មី បន្ទាប់ពី​ស្ងប់ស្ងាត់​អស់ជាង​១ខែ

បន្ទាប់ពី​ស្ងប់ស្ងាត់​អស់ជាង​១ខែ នៅថ្ងៃព្រហស្បត្តិ៍ម្សិលម៉ិញ​នេះ ប្រទេសកម្ពុជា បានអះអាងរកឃើញករណីឆ្លងថ្មី នៃជំងឺ«Covid-19» លើបុរសកម្ពុជាម្នាក់ ដែលបាន​វិលត្រឡប់ ពីក្រៅប្រទេស។ នេះ បើតាមសេចក្ដីប្រកាសព័ត៌មានមួយ របស់ក្រសួងសុខាភិបាល នៅយប់ថ្ងៃទី២១ ខែឧសភា ឆ្នាំ២០២០។

ក្រសួងសុខាភិបាល បានរៀបរាប់ថា បុរសកម្ពុជាម្នាក់នោះ មានអាយុ ២៦ឆ្នាំ ត្រូវបានធ្វើតេស្ដី៍ ចេញលទ្ធផល«វិជ្ជមាន» និងជាអ្នកដំណើរ វិញត្រឡប់ពីប្រទេសហ្វីលីពីន ដោយបន្តជើងយន្តហោះ ពីកូរ៉េខាងត្បូង មុននឹងមកដល់កម្ពុជា កាលពីរាត្រីថ្ងៃទី២០ ខែឧសភា ម្សិលមិញ។

សេចក្ដីប្រកាសព័ត៌មាន បានបញ្ជាក់ទៀតថា បុរសអ្នកជំងឺ ដែលមានទីលំនៅ នៅឃុំកំពង់ត្រាច ស្រុកកំពង់ត្រាច ខេត្តកំពត ត្រូវបានបញ្ជូនទៅដាក់ ឱ្យស្ថិតក្រោមការព្យាបាល ដាច់ដោយឡែក នៅឯមន្ទីរពេទ្យមិត្តភាព ខ្មែរ-សូវៀត។

ក្រៅពីបុរសកម្ពុជារូបនេះ នៅមានអ្នកដំណើរសរុប ៦៣នាក់ផ្សេងទៀត ដែលបានជិះក្នុងយន្ដហោះតែមួយ ក្នុងនោះ មានពលរដ្ឋកម្ពុជា ៣៤នាក់ ជនជាតិ​កូរ៉េខាងត្បូង ២៣នាក់ ជនជាតិប៊ែលហ្សិក ១នាក់ ជនជាតិចិនតៃវ៉ាន់ ១នាក់ ជនជាតិហូឡង់ ១នាក់ និងជនជាតិជប៉ុន ៣នាក់។

ក្រសួង​សុខាភិបាល បានបញ្ជាក់ទៀត​ថា អ្នក​ដំណើរ​ទាំងអស់​ ត្រូវ​បាន​ដាក់​ឱ្យ​រង់ចាំ ​នៅ​ព្រលាន​យន្ត​ហោះ​អន្តរជាតិ​ភ្នំពេញ​ នៅ​ពេល​ហោះ​ហើរ​មក​ដល់ ​ដើម្បី​រង់ចាំ​ការ​ពិនិត្យ​សុខភាព និង​យក​វត្ថុ​សំណាក ​នៅ​ពិនិត្យ​នៅ​វិទ្យាស្ថាន​ប៉ាស្ទ័រ។

ក្រោយពីរកឃើញបុរសខ្មែរខាងលើ ថាមានផ្ទុកមេរោគនោះ អ្នកដំណើរដទៃទៀត​ត្រូវបានបញ្ជូនទៅរក្សាទុក ដាច់ដោយឡែក (ធ្វើចត្តាឡីស័ក) នៅឯសណ្ឋាគារមួយ ស្ថិតក្នុងរាជធានីភ្នំពេញ ក្នុងថ្ងៃព្រហស្បត្តិ៍នេះ។

ករណីឆ្លង ដែលត្រូវបានរកឃើញខាងលើ ជាករណីលើកដំបូង បន្ទាប់ពីកម្ពុជាអះអាងថា ពុំបានរកឃើញករណីឆ្លងថ្មី អស់រយៈពេល ៣៩ថ្ងៃមកហើយនោះ គិតចាប់តាំង ពីថ្ងៃទី១២ ខែមេសា ថ្ងៃដែលកម្ពុជាបានប្រកាស រកឃើញករណីឆ្លងចុងក្រោយ លើបុរសសញ្ជាតិកាណាដា ដើមកំណើតចិន អាយុ ៥០ឆ្នាំ និងនារីជនជាតិវៀតណាម អាយុ២៤ឆ្នាំ នៅរាជធានីភ្នំពេញ។

ចំនួនសរុបនៃអ្នកឆ្លង នៅប្រទេសកម្ពុជា ដែលគិតទាំងករណីថ្មី នៅថ្ងៃព្រហស្បត្តិ៍នេះ បានកើនឡើង ដល់១២៣នាក់ ខណៈ១២២នាក់ ត្រូវបានក្រសួងសុខាភិបាលអះអាង បានជាសះស្បើយ​ពីជំងឺ តាំងពីថ្ងៃទី១៦ ខែឧសភាមកម្លេះ។ នៅថ្ងៃនោះ រដ្ឋាភិបាលក្រុងភ្នំពេញ បានទាំងធ្វើវីដេអូអបអរសាទរ ពីការជាសះស្បើយ នៃអ្នកជំងឺទាំងអស់ ដោយ​អួតអាង​ពីការដឹកនាំ «ប្រកបដោយគតិបណ្ឌិត» របស់លោកនាយករដ្ឋមន្ត្រី ហ៊ុន សែន ក្នុងការគ្រប់គ្រង និងប្រឆាំង ទល់នឹងជំងឺដ៏ចង្រៃ៕ 



លំអិតបន្ថែមទៀត

កម្ពុជា

EU នឹង​មិនផ្អាក​ការសម្រេច​របស់ខ្លួន ក្នុង​ការព្យួរ​«EBA»​ពីកម្ពុជា​ឡើយ

គ្មានទេ! គ្មានការឆ្លើយតប ជាវិជ្ជមានឡើយ ពីសំណាក់សហភាពអ៊ឺរ៉ុប (EU) ចំពោះ​សំណើរ​​​របស់​​ក្រុម​​សហគ្រិនកម្ពុជា ដែលចង់ឲ្យសហភាព​អ៊ឺរ៉ុបយោគយល់ ដោយផ្អាក ឬពន្យាពេល​​ការសម្រេចព្យួរ ប្រព័ន្ធអនុគ្រោះពន្ធ ហៅថា «EBA» ពីប្រទេសកម្ពុជា ...
កម្ពុជា

Covid-19៖ បុរសពីរនាក់ រត់ចេញ​ពីមណ្ឌល​ធ្វើ​ចត្តាឡីស័ក ក្នុង​ខេត្ត​ព្រៃវែង

ហេតុការណ៍បានកើតឡើង នៅវេលាម៉ោងប្រមាណជា ៤ល្ងាចថ្ងៃទី៣ ខែសីហា ឆ្នាំ២០២០​នេះ។ បុរសពីរនាក់ ម្នាក់មានអាយុ២១ឆ្នាំ និងម្នាក់ទៀតអាយុ៣២ឆ្នាំ បានរត់ចេញ​ពីមណ្ឌលធ្វើចត្តាឡីស័ក វិទ្យាល័យ​កំពង់លាវ ក្នុងខេត្តព្រៃវែង និងបានគេចខ្លួន​បាត់​ស្រមោល ខណៈក្រុម​អាជ្ញាធរ ...
វិភាគ អត្ថាធិប្បាយ

អ្នក​វិភាគ​និយាយ​ពី​ស្ដេច ដែល​គ្មាន​អំណាច​ផ្ទុយ​ពី​«រដ្ឋធម្មនុញ្ញ»

បើទោះ«រដ្ឋធម្មនុញ្ញ»កម្ពុជា បានចែងថា ព្រះមហាក្សត្រសោយរាជ្យសម្បត្តិ ដោយគ្មានអំណាចក៏ដោយ តែព្រះអង្គ​នៅ​មាន​ព្រះរាជសិទ្ធិមួយចំនួន ដែលច្បាប់ដ៏កំពូលនេះ បានប្រគល់ថ្វាយទ្រង់។ ប៉ុន្តែព្រះរាជសិទ្ធិនេះ មិនមាន​ការអនុវត្ត​ទេ រាប់ពីរជ្ជកាលស្ដេ​ចមុន រហូតមកដល់រជ្ជកាលស្ដេចបច្ចុប្បន្ន។ នេះ បើតាមលោក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...