កម្ពុជាបានប្រកាសឲ្យដឹង ពីមរណភាពរបស់ បុរសវ័យចំណាស់​ម្នាក់ទៀត ដែលវិជ្ជមានកូវីដ-១៩ (Covid-19) នៅថ្ងៃទី១៤ ខែមីនា ឆ្នាំ២០២១នេះ។ នេះបើតាម​សេចក្តីប្រកាស​ព័ត៌មានរបស់ក្រសួងសុខាភិបាល ដែលបញ្ជាក់ថា បុរសវ័យ៦៩ឆ្នាំ រស់នៅភូមិជ័យឧត្តម ឃុំព្រែកខ្សាយ«ខ» ស្រុកពាមរក៍ ខេត្តព្រៃវែង និងបានស្លាប់ ដោយសារ​ជំងឺ​ស្ទះសរសៃឈាមបេះដូង។

សេចក្ដីប្រកាសព័ត៌មាន បានឲ្យដឹងថា បុរសរូបនេះ ទើបនឹងចូលមកសម្រាកព្យាបាល នៅក្នុងមន្ទីរពេទ្យបង្អែក​ខេត្ត​ព្រៃវែង ថ្ងៃទី១៣ ខែមីនាម្សិលមិញ និងបានទទួលមរណភាព នៅម៉ោង ៩និង៤០នាទី ព្រឹកថ្ងៃទី១៤ ខែមីនានេះ។

បើតាមក្រសួងសុខាភិបាល​បានបន្តថា ពេលមកដល់មន្ទីរពេទ្យខេត្ត សភាព​អ្នកជំងឺនៅពេលនោះ មិនមាន​អាការៈ​ក្អក មិនមានហត់ ឬក្តៅខ្លួននោះទេ ប៉ុន្តែ​សម្ពាធឈាមរបស់គាត់ ​ឡើងខ្ពស់ខុសធម្មតា​។ អ្នកជំងឺបានប្រាប់ក្រុមគ្រូពេទ្យថា គាត់​ធ្លាប់ទៅពិនិត្យ និងព្យាបាល​ជំងឺប្រចាំកាយរបស់ខ្លួន នៅគ្លីនិកឯកជន។

នៅវេលាម៉ោង៦ព្រឹក ថ្ងៃទី១៤ ខែមីនា អ្នកជំងឺរូបនេះបានចេញធ្វើលំហាត់ប្រាណអស់ពេលជាយូរ ហើយក៏ចូល​សម្រាន្ត​​ក្នុងបន្ទប់​ខ្លួនវិញ រហូតដល់​អ្នក​ជំងឺម្នាក់សម្រាកជិតនោះ ដាស់ឱ្យបរិភោគអាហារពេលព្រឹក ទើបដឹងថា​អ្នកជំងឺ​បានស្លាប់ទៅហើយ។ ក្រុម​គ្រូពេទ្យ​បានសន្និដ្ឋានថា អ្នកជំងឺរូបនេះ​ស្លាប់ដោយសារជំងឺ​ស្ទះ​សរសៃឈាមបេះដូង តែមិនមែនស្លាប់ដោយសារជំងឺកូវីដ-១៩ នោះទេ។

គ្មានរបាយការណ៍ នៃការធ្វើកោសល្យវិច្ច័យ ទៅលើសាកសព ត្រូវបានក្រសួងសុខាភិបាល​យកមកធ្វើជា​អំណះអំណាង នៅក្នុង​សេចក្ដីប្រកាស​ព័ត៌មានរបស់ខ្លួនទេ។

ករណីអ្នកជំងឺស្លាប់ បន្ទាប់ពីរកឃើញមានវិជ្ជមានកូវីដ-១៩ មានចំនួនសរុប៥នាក់ហើយ រាប់ចាប់តាំងពីកម្ពុជា ទទួល​ការរាតត្បាត​ដំបូង ក្នុងខែមករា ឆ្នាំ២០២០នោះមក។ តែពីក្នុងចំណោមអ្នកជំងឺស្លាប់ទាំង៥ មានតែមួយករណី​ប៉ុណ្ណោះ ដែលក្រសួងសុខាភិបាល​ទទួលស្គាល់ថា មានមូលហេតុ​បណ្ដាលពីជំងឺកូវីដ-១៩ គឺបុរសវ័យ៥០ឆ្នាំម្នាក់ រស់នៅ​រាជធានីភ្នំពេញ ដែលទទួលមរណភាព នៅព្រឹក​ថ្ងៃទី១១ ខែមីនាកន្លងមក។

​គិត​មកដល់ថ្ងៃនេះ ប្រទេសកម្ពុ​ជាមាន​អ្នក​ឆ្លងជំងឺ​កូ​វីដ​-១៩ សរុប​១៣០៥​នាក់ ក្នុងនោះអ្នកជំងឺចំនួន៧៩២នាក់ ត្រូវបានរកឃើញ ថាបានឆ្លងជំងឺ ពីក្នុងព្រឹត្តិការណ៍​សហគមន៍​២០​កុម្ភៈ ដែលបានរីករាលដាល ក្នុង​រាជធានី​ភ្នំពេញ ខេត្តកណ្តាល ព្រះសីហនុ ព្រៃវែង ស្វាយរៀង កោះកុង កំពង់ធំ កំពង់ចាម សៀមរាប និងខេត្ត​បាត់ដំបង​។ អ្នកជំងឺ​ចំនួន ៦៤៧​នាក់ បាន​ជាសះស្បើយ ខណៈ​អ្នក​ជំងឺចំនួន ៦៥៦ នាក់​ទៀត កំពុង​បន្ត​សម្រាក​ព្យាបាល​៕



លំអិតបន្ថែមទៀត

កម្ពុជា

កម្ពុជាប្រកាស​«ករណីស្លាប់​ដំបូង»​បន្ទាប់ពី ហ៊ុន សែន ឲ្យត្រៀម​«ប៉ាឆា»

ប្រទេសកម្ពុជាបានប្រកាសឲ្យដឹង ពីមរណភាព​របស់អ្នកជំងឺកូវីដ-១៩ម្នាក់ ដែលបានសម្រាក​ព្យាបាល នៅមន្ទីរពេទ្យ​រុស្ស៉ី (ភ្នំពេញ) និងដែលជា«ករណីស្លាប់​ដំបូង» រាប់ចាប់ពីពេលកម្ពុជា រកឃើញករណីឆ្លង​ទីមួយ ក្នុងខែមករា​ឆ្នាំ២០២០​នោះមក។ នេះ បើតាម​សេចក្ដីប្រកាសព័ត៌មាន របស់ក្រសួងសុខាភិបាល ដែលចេញផ្សាយ​នៅព្រឹកថ្ងៃ​ព្រហស្បត្តិ៍ ...
កម្រមាន

អាយុ​១៨ឆ្នាំ រង​ពិការភាព​មិនស្លាប់​មិនរស់ ព្រោះ​ការវះកាត់​ពង្រីក​សុដន់

យុវតីស្រស់សោភាម្នាក់ បានធ្លាក់ខ្លួន រង​ពិការភាព​មិនស្លាប់​មិនរស់ ត្រូវការសង្គ្រោះបន្ទាន់ នៅក្នុងមន្ទីរពេទ្យ បន្ទាប់ពីរូបនាង បានចូលទៅឲ្យគ្លីនិកមួយ ធ្វើការវះកាត់ពង្រីកសុដន់។ រឿងរ៉ាវនេះ បានឈានទៅដល់ ដំណាក់កាលស្វែងរកយុត្តិធម៌ ពីសំណាក់ក្រុមគ្រួសាររបស់នាង នៅក្នុងតុលាការអាមេរិក ...
កម្ពុជា

Covid-19៖ អ្នកស្រាវជ្រាវ​មួយក្រុម ថា​កម្ពុជាបានឆ្លង ជាង​១ពាន់​ករណី

«ជាង​១ពាន់​ករណី» ជាតួលេខផ្ដល់ដោយ អ្នកស្រាវជ្រាវមួយក្រុម ដែលគណនារកឃើញ តាំងពីថ្ងៃទី២ ខែមេសា ឆ្នាំ២០២០ តែមិនមែនជាតួលេខ នៅថ្ងៃទី១១ ខែមេសានេះ ដែលរដ្ឋាភិបាលលោក ហ៊ុន សែន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...