យុវជនខ្មែរម្នាក់​បាន​ស្លាប់​ នៅក្នុង​​មណ្ឌល​ចត្តាឡីស័​ក​​មួយកន្លែង ស្ថិតក្នុងមណ្ឌល​ស្វាយឃ្លាំង ស្ថិត​ក្នុង​​ស្រុក​ក្រូចឆ្មារ​ ខេត្ត​ត្បូងឃ្មុំ កាលពី​យប់​ថ្ងៃពុធ ទី២២ ខែកក្កដា​ម្សិលមិញ។ នេះ បើតាម​ការអះអាង របស់លោក កែវ វណ្ណៈ ប្រធាន​មន្ទីរ​សុខាភិបាល​ខេត្ត​ត្បូងឃ្មុំ ដោយ​លើក​ឡើង​បន្ថែមថា មរណភាពនេះ ទំនងជាមកពី«ខ្យល់គរ»។

យុវជនពេញកម្លាំងរូបនោះ អាយុ២១ឆ្នាំ ជាពលករធ្វើដំណើរតាមផ្លូវគោក ត្រឡប់ពី​ប្រទេស​ម៉ាឡេស៊ី ដោយ​ឆ្លងកាត់​តាមប្រទេសថៃ កាលពីថ្ងៃទិ១៥ ខែកក្កដា ឆ្នាំ២០២០ តាមច្រក​ប៉ោយប៉ែត។

ស្រង់សំដីដោយសារព័ត៌មានក្នុងស្រុក លោកប្រធានមន្ទីរបានឲ្យដឹងថា ការ​ស្លាប់​របស់​យុវជនខាងលើ ត្រូវ​បាន​សន្និដ្ឋាន​ជាបឋម​ថា បណ្ដាលមកពី«​ខ្យល់គរ» ព្រោះ​មានអាកា​រ​ត្រជាក់​រាងកាយ សន្លប់​បាត់ស្មារតី មុននឹង​ស្លាប់។

លោក​  កែវ វណ្ណៈ បញ្ជាក់​ថា ក្រោយ​​ទទួលមរណភាព សំណាក​ពី​សព​យុវជន ត្រូវបានយក​ទៅ​​ត្រួតពិនិត្យ​ ដើម្បី​ស្វែងរក​មេរោគ«Covid-19» ​នៅ​ឯវិទ្យាស្ថាន​ប៉ាស្ទ័រ ក្នុង​រាជធានី​ភ្នំពេញ។

ផ្ទុយពីអ្នកដំណើរច្រើនរយនាក់ ដែលក្រសួងសុខាភិបាល អះអាងថា ត្រូវបានដាក់​ឲ្យធ្វើ​ចត្តាឡីស័ក បន្ទាប់ពី​ពួកគេ​ជាន់ជើង លើទឹកដីខ្មែរនោះ យុវជនខាងលើនេះ មិនត្រូវ​បាន​​ក្រុម​អាជ្ញាធរសុខាភិបាល ដាក់ឲ្យធ្វើ​ចត្តាឡីស័កទេ។

លោក កែវ វណ្ណៈ បានបញ្ជាក់ទៀតថា នៅថ្ងៃទី១៩ ខែកក្កដា បន្ទាប់ពីបានធ្វើតេស្ដិ៍ ចេញ​លទ្ធផលអវិជ្ជមាន យុវជន​ត្រូវបានអនុញ្ញាត ឲ្យធ្វើដំណើរ​ទៅកាន់​ស្រុក​កំណើត ក្នុងខេត្ត​ត្បូងឃ្មុំ។ តែយុវជន​បាន«ស្ម័គ្រចិត្ត» ចូលស្នាក់នៅ​ដាច់​ដោយឡែក រយៈពេល​១៤ថ្ងៃ (រាប់ពី​ថ្ងៃ​ទី១៩ ខែកក្កដា) ក្នុងមណ្ឌលធ្វើចត្តាឡីស័ក អនុវិទ្យាល័យ​«ស្វាយឃ្លាំង» រហូតធ្វើ​មរណភាព នៅថ្ងៃពុធម្សិលម៉ិញ។

ក្នុងព្រឹកថ្ងៃទី២៣ ខែកក្កដានេះ ក្រសួងសុខាភិបាលកម្ពុជា បានបញ្ចេញតួលេខផ្លូវការ ឲ្យដឹងថា កម្ពុជាមានអ្នក​ឆ្លងជំងឺ «Covid-19» សរុបចំនួន១៩៨នាក់ ក្នុងនោះអ្នកជំងឺ ដែលបាន ជាសះស្បើយរួចហើយ មានចំនួន​១៤២នាក់៕



លំអិតបន្ថែមទៀត

កម្ពុជា

ហ៊ុន សែន ព្រមាន​ចាប់ខ្លួន អ្នកថាលោកទៅព្យាបាលយ៉ាងសម្ងាត់នៅសិង្ហបូរី

លោក ហ៊ុន សែន បាន«ព្រមាន​ចាប់ខ្លួន» ជនម្នាក់ដែលបង្ហើបដំណឹង​លេចឮមួយថា រូបលោកត្រូវបានបញ្ជូនចេញ ពីកម្ពុជា «យ៉ាងសម្ងាត់» ទៅព្យាបាលជំងឺរលាកផ្លូវដង្ហើម ឬ«Covid-19» នៅឯមន្ទីរពេទ្យ ក្នុងប្រទេសសិង្ហបូរី។ ថ្លែងក្នុងពិធីសម្ពោធ ...
កម្ពុជា

ហ៊ុន សែន គ្រោងឲ្យ​មន្ត្រី​ទៅស្នាក់​នៅ​«សៀមរាប» ជំនួស​អ្នក​ទេសចរណ៍

ដើម្បីដោះស្រាយវិបត្តិ មេរោគ«កូរូណា»ថ្មី ដែលកំពុងរួមរិតវិស័យទេសចរណ៍កម្ពុជា លោកនាយករដ្ឋមន្ត្រី ហ៊ុន សែន គ្រោងបើកកិច្ចប្រជុំគណៈរដ្ឋមន្ត្រី និងកិច្ចប្រជុំធំៗផ្សេងទៀត នៅក្នុងខេត្ត«សៀមរាប»។ គម្រោងបើកកិច្ចប្រជុំនេះ ត្រូវបានបុរសខ្លាំងកម្ពុជា ពន្យល់ថា គឺដើម្បីឲ្យក្រុមមន្ត្រីរាប់រយ-រាប់ពាន់នាក់ ...
ដំណឹង

មេរោគ​«កូរូណា»៖ បាត់ខ្លួន គីម ជុង-អ៊ុន ជិត​បី​សប្ដាហ៍​ហើយ

មេដឹកនាំកូរ៉េកុម្មុយនីស្ដិ៍ លោក គីម ជុង-អ៊ុន (Kim Jong-un) បានបាត់ខ្លួនយ៉ាងអាថ៌កំបាំង ក្នុងប៉ុន្មានថ្ងៃចុងក្រោយ ខណៈមេរោគ«កូរូណា»ថ្មី កំពុងបន្តចម្លង យ៉ាងរីករាលដាល នៅក្នុងប្រទេសចិន និងក្នុងតំបន់។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...