ដំណឹងពិភពលោក

Covid-19៖ ស្ថាប័នស្ថិតិអង់គ្លេស ថាអ្នកស្លាប់​មានជាង ៤១ ០០០នាក់

អ្នកជំងឺជាង ៤១ ០០០នាក់ បានស្លាប់ ដោយសារមេរោគ «Covid-19» នៅចក្រភព អង់គ្លេស ក្នុងនោះអ្នកជំងឺជិត ១០ ០០០នាក់ ជាមនុស្សជរា ដែលស្នាក់ក្នុង​គ្រឹះស្ថាន​ចូលនិវត្តន៍។ នេះ បើតាមតួលេខរាប់ឃើញ ដោយការិយាល័យស្ថិតិជាតិ (ONS) ដែលមានទំហំ ច្រើន​ជាងតុល្យភាពផ្លូវការ ដែលផ្ដល់ដោយ អាជ្ញាធរសុខាភិបាល។

ការិយាល័យនោះ បានផ្សាយតួលេខឲ្យដឹងថា មនុស្សស្លាប់សរុប ៤១ ០២០នាក់ ត្រូវបាន​រាប់ឃើញ នៅលើផ្ទៃប្រទេស រហូតមកដល់ថ្ងៃទី៨ ខែឧសភា ពីរសប្ដាហ៍មុន។ អ្នកស្លាប់ ទាំងនេះ ត្រូវបានបញ្ជាក់ នៅក្នុងលិខិតមរណភាព ថាពួកគេបានស្លាប់ ដោយសារជំងឺ «Covid-19»។

ការិយាល័យស្ថិតិជាតិ បានបញ្ជាក់ នៅក្នុងរបាយការណ៍ របស់ខ្លួនថា ពីក្នុងចំណោមតួលេខខាងលើ មនុស្សស្លាប់ចំនួន ៩ ៧៤៥នាក់ ជាជនជរា ដែលស្នាក់ក្នុងគ្រឹះស្ថាន ចូលនិវត្តន៍។

បើគិតមកដល់ថ្ងៃទី១៩ ខែឧសភានេះ តួលេខរបស់ «ONS» អាចនឹង​កើនឡើងខ្លាំង និងមានចំនួនខុសគ្នា រហូតដល់រាប់ពាន់នាក់ បើធៀបនឹងតុល្យភាពផ្លូវការ ផ្ដល់ដោយ​ក្រសួង​​សុខាភិបាល​​អង់គ្លេស។

តួលេខផ្លូវការមានទំហំតិចជាង ៤១ ០០០នាក់ យ៉ាងច្រើន ! ហេតុអ្វី?

ព្រោះក្រសួងសុខាភិបាល​អង់គ្លេស បានរាប់តែអ្នកស្លាប់ណា ដែលត្រូវបានធ្វើតេស្ដិ៍ រកឃើញ​ថា មាន​លទ្ធផល​«វិជ្ជមាន»​ប៉ុណ្ណោះ។ តុល្យភាពផ្លូវការ នៅយប់ថ្ងៃទី១៩ ខែឧសភា បង្ហាញថា មនុស្សស្លាប់ដោយសារជំងឺនេះ មានចំនួន ៣៥ ៣៤១នាក់ ក្នុងនោះ ៥៤៥នាក់ បានស្លាប់ ក្នុងរយៈពេល២៤ម៉ោង ចុងក្រោយ (ឬថ្ងៃទី១៩ ខែឧសភា)។

បើនិយាយពីអ្នកជំងឺស្លាប់ ចក្រភពអង់គ្លេស បានរងគ្រោះខ្លាំងជាងគេ បន្ទាប់ពី​សហរដ្ឋ​អាមេរិក។

ផ្ទុយទៅវិញ ករណីឆ្លងនៅចក្រភពអង់គ្លេស មានចំនួន ២៤៨ ៨១៨នាក់ ឈរនៅពី​ក្រោយ សហរដ្ឋអាមេរិក (១ ៥៥៦ ០០៦នាក់) រុស្ស៊ី (២៩៩ ៩៤១នាក់) អេស្ប៉ាញ (២៧៨ ១៨៨នាក់) និងប្រទេសប្រេស៊ីល (២៧១ ៦២៨នាក់)៕



លំអិតបន្ថែមទៀត

ដំណឹង

តុល្យភាពថ្មី ៖ ៦,៥ម៉ឺននាក់​ឆ្លង​មេរោគ​«កូរូណា»​ និង​១,៥ពាន់​នាក់បាន​ស្លាប់

តុល្យភាពថ្មី ៖ ចំនួនជនរងគ្រោះ បណ្ដាលពីការឆ្លងមេរោគ​«កូរូណា»ថ្មី នៅតែបន្តកើនឡើង។ របាយការណ៍ប្រចាំថ្ងៃ របស់អាជ្ញាធរចិន បានឲ្យដឹង ក្នុងព្រឹកថ្ងៃសុក្រនេះថា ក្នុងរយៈពេល មួយថ្ងៃព្រហស្បត្តិ៍ម្សិលម៉ិញ ករណីឆ្លងជំងឺខាងលើ មានចំនួនបន្ថែម ...
ដំណឹង

Covid-19៖ វ៉ាក់សាំង​«Sinopharm»​ទទួលភ្លើងខៀវ​បន្ទាន់ពី«WHO»

វ៉ាក់សាំងបង្ការជំងឺកូវីដ-១៩ (Covid-19) ​របស់ប្រទេសចិនកុម្មុយនីស ដែលមានឈ្មោះ «Sinopharm» ទទួលបាន​ការទទួលស្គាល់ ពីអង្គការសុខភាពពិភពលោក «WHO /OMS» ហើយ។ នេះ បើតាមការប្រកាស​របស់អគ្គនាយក របស់អង្គការ​ពិភពលោក​មួយនេះ ...
ដំណឹង

អ៊ីស្ត្រាអែលចាក់វ៉ាក់សាំងឲ្យពលរដ្ឋជាង៦០% ជីវិតវិល​ទៅ«ធម្មតា»វិញ

ជាទិដ្ឋភាពដែលក្រុមប្រទេសនានា នៅបស្ចឹមលោក កំពុងទន្ទឹងរង់ចាំ។ ពលរដ្ឋអ៊ីស្ត្រាអែល កំពុងមានជីវិត​ វិល​ត្រឡប់​ទៅ​«ធម្មតា»វិញ បន្ទាប់ពួកគេប្រមាណជាង៦០ភាគរយ ទទួលបានភាពស៊ាំនឹងមេរោគ ក្រោយពីការចាក់​វ៉ាក់សាំង​បង្ការជំងឺកូវីដ-១៩ (Covid-19) រួច។ រូបភាពដែលបង្ហោះតៗគ្នា នៅលើបណ្ដាញសង្គមទ្វីសធើរ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...