ដំណឹងពិភពលោក

ហ្គូហ្គ័ល និងហ្វេសប៊ុក ស្នើឲ្យ​បុគ្គលិក​ខ្លួន​ធ្វើការ​«ពីផ្ទះ» រហូតដល់​ឆ្នាំ​២០២១

បើទោះ​ជា​ទីស្នាក់ការ​នានា របស់មហាយក្សទាំងពីរ គ្រោងនឹងបើកឡើងវិញ នៅរដូវក្ដៅ​នេះ​ក៏ដោយ តែការធ្វើការ«ពីផ្ទះ» នៅតែជាជម្រើសដ៏ល្អ សម្រាប់រយៈពេល ពីពេលនេះ រហូតដល់​ចប់ ឆ្នាំ២០២០។

លោក «Sundar Pichai» អគ្គនាយកក្រុមហ៊ុន ហ្គូហ្គ័ល (Google) បានប្រកាសកាល​ពីថ្ងៃ​ព្រហស្បត្តិ៍ នៅក្នុងកិច្ច​ប្រជុំធំ ដែលធ្វើតាមបណ្ដាញវីដេអូ ប្រចាំសប្ដាហ៍ បានពន្យល់ថា បុគ្គលិកដែលចាំបាច់ ត្រូវវិលទៅធ្វើការ នៅការិយាល័យវិញ នឹងអាចធ្វើបាន ចាប់ពី​ខែមិថុនា ឬខែកក្កដា តែត្រូវអនុវត្តន៍ តាមវិធានការពារសុវត្ថិភាព ដែលកំណត់ឡើង ជាកំហិត។

តែបើពួកគេគ្មានភាពចាំបាច់ទេ ពួកគេអាចបន្តធ្វើការ ពីលំនៅដ្ឋាន រហូតដល់​បណ្ដាច់​ឆ្នាំ២០២០។

ក្រុមហ៊ុន ហ្គូហ្គ័ល ស្ថិតក្រោមក្រុមហ៊ុនមេ ឈ្មោះ «Alphabet» ដែលដឹកនាំដោយលោក «Sundar Pichai» តែម្នាក់។ ក្រុមហ៊ុន «Alphabet» មានបុគ្គលិកប្រមាណជា ១០០ ០០០នាក់ នៅក្នុងពិភពលោក។

សម្រាប់ក្រុមហ៊ុន ហ្វេសប៊ុក (Facebook) វិញ ក៏បានប្រកាសប្រហាក់ប្រហែលគ្នានេះដែរ។ ក្រុមហ៊ុនយក្ស ខាងបណ្ដាញសង្កមមួយនេះ គ្រោងនឹងបើក ការិយាល័យរបស់ខ្លួន ចាប់ពីថ្ងៃទី៦ ខែកក្កដាខាងមុខ តែបើបណ្ដាបុគ្គលិក នៅតែអាចធ្វើការ ពីផ្ទះរបស់​ពួកគេ រហូតដល់ឆ្នាំ២០២១ បើសិនជាពួកគេមានបំណងដូច្នេះ។

ហ្វេសប៊ុក មានបុគ្គលិកប្រមាណជា ៤៥ ០០០នាក់ នៅជុំវិញពិភពលោក (តួលេខ​នៅចុង​ឆ្នាំ២០១៩)។ នេះ គេមិនរាប់បញ្ចូល ពីបុគ្គលិក​​ច្រើនពាន់នាក់​ផ្សេងទៀត ដែលធ្វើការ ជាមួយក្រុមហ៊ុនផ្សេង តែមានកិច្ចសន្យា ជាមួយហ្វេសប៊ុកនោះផងទេ។

កាលពីខែមុន លោក «Mark Zuckerberg» អគ្គនាយកក្រុមហ៊ុន ហ្វេសប៊ុក បាន​បញ្ជាក់​ថា ក្រុមហ៊ុនលោក នឹងមិនរំពឹង ឲ្យមានការជួបជុំបុគ្គលិក ចាប់ពី៥០នាក់​ឡើងទៅ នៅមុន​ខែកក្កដា ឆ្នាំ២០២១នោះឡើយ៕



លំអិតបន្ថែមទៀត

ដំណឹង

សហគ្រាសចិន ទិញវ៉ាក់សាំងពីអាល្លឺម៉ង់ ខណៈប៉េកាំង​បង្ហាញវ៉ាក់សាំងខ្លួន

សហគ្រាសចិន ឈ្មោះ«FosunPharma» បានប្រកាសថាខ្លួន បានបញ្ជាទិញវ៉ាក់សាំងបង្ការជំងឺកូវីដ (Covid-19) ចំនួនយ៉ាងហោច១០០លានដូស ពីសហគ្រាស«BioNTech» របស់ប្រទេសអាល្លឺម៉ង ហើយថាវ៉ាក់សាំងទាំងនេះ នឹងនាំមកដល់ប្រទេសចិន ក្នុងដើមឆ្នាំ២០២១នេះ។ នេះ បើតាមសេចក្ដីប្រកាសព័ត៌មានមួយ ...
ដំណឹង

តេដ្រូស៍ ព្រមានពី«ការរាតត្បាត​ដ៏សាហាវ នឹងកើតមានក្នុងពេលខាងមុខ»

«បើគ្មានការរួបរួមជាតិ និងសាមគ្គីភាព នៅក្នុងពិភពលោកទេ សូមរំពឹងទុកទៅថា ការរាតត្បាត​ដ៏សាហាវ នឹងកើតមានទៀត នៅថ្ងៃខាងមុខ។ សូមរួមគ្នា ដើម្បីបញ្ចៀសរឿងដ៏ខ្លោចផ្សារនេះ។» ខាងលើនេះ ជាការព្រមានឡើង របស់លោក តេដ្រូស៍ ...
ដំណឹង

មន្ទីរពិសោធ​ក្រុង​វូហាន ​បដិសេធការបែកធ្លាយ​មេរោគ​«Covid-19»

មន្ទីរពិសោធ​ក្រុង​វូហាន (Wuhan – ចិន) ដែលរងការចោទ ពីប្រព័ន្ធផ្សព្វផ្សាយអាមេរិក ជុំវិញការបែកធ្លាយដំបូងគេ នៃមេរោគ «Covid-19» បានចេញមុខ កាលពីថ្ងៃអាទិត្យ ធ្វើការបដិសេធ រាល់ការទទួលខុសត្រូវ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.