កម្ពុជាដំណឹង

ហ៊ុន សែន ព្រមាន​ចាប់ខ្លួន អ្នកថាលោកទៅព្យាបាលយ៉ាងសម្ងាត់នៅសិង្ហបូរី

លោក ហ៊ុន សែន នាយករដ្ឋមន្ត្រីកម្ពុជា។ (រូបថត AFP)

លោក ហ៊ុន សែន បាន«ព្រមាន​ចាប់ខ្លួន» ជនម្នាក់ដែលបង្ហើបដំណឹង​លេចឮមួយថា រូបលោកត្រូវបានបញ្ជូនចេញ ពីកម្ពុជា «យ៉ាងសម្ងាត់» ទៅព្យាបាលជំងឺរលាកផ្លូវដង្ហើម ឬ«Covid-19» នៅឯមន្ទីរពេទ្យ ក្នុងប្រទេសសិង្ហបូរី។

ថ្លែងក្នុងពិធីសម្ពោធ ដាក់ឱ្យប្រើប្រាស់ នូវផ្លូវជាតិលេខ៥៥ ក្នុងព្រឹកថ្ងៃចន្ទ ទី០៩ ខែមីនា ឆ្នាំ ២០២០នេះ លោក ហ៊ុន សែន បានបង្ហើបថា ម្ចាស់ដំណឹងម្នាក់នោះ ស្នាក់នៅក្នុងស្រុកកំពង់ត្របែក ខេត្តព្រៃវែង ហើយបាននិយាយបែបនេះ ច្រើនដងរួចហើយ។

ជាមួយនឹងភាសា ហ្អែង-អញ ដែលជាទម្លាប់រាល់ដងរបស់លោក មេដឹកនាំកម្ពុជារូបនេះ បានបញ្ជាក់ថា លោកស្គាល់អត្តសញ្ញាណ របស់ជនម្នាក់នោះ តាមរយៈការលួចថត ឬការលួចស្ដាប់សម្លេង។ លោកថា៖

«អាមួយនោះ… ផ្តាំហ្អែង ហ្អែងនៅកំពង់ត្របែក។ អាហ្នឹងវាថា ខ្ញុំត្រូវបានគេបញ្ជូនដោយស្ងាត់បំផុត ទៅពេទ្យសិង្ហបុរី។ ប្រយ័ត្នណា! អញឲ្យប៉ូលីស ទៅយកដល់ផ្ទះ […] ហ្អែងត្រូវដឹងថា ហ្អែងម្ងៃៗ ហ្អែងនិយាយពីស្អីខ្លះ កុំគិតស្មានថាគេមិនដឹង។ គ្រាន់តែព្រមានទេ… លើកក្រោយ តែហ្អែងដដែលហ្នឹង អញចាប់ហើយ! អញចាប់យកហ្អែងហ្នឹង មកឃុំហើយ។»

«រឿងពីរ ដែលគេឲ្យចាប់សម្លេង។ រឿងទីមួយ ប្រឆាំងភេវរកម្ម រឿងទីពីរ ប្រឆាំងអំពើពុករលួយ។ អាហ្នឹង គេឲ្យចាប់សម្លេង។ អញ្ចឹង អានៅកំពង់ត្របែក អញចង្អុយចំនៅព្រៃវែង។ ចុះឡើងៗ វាថាខ្ញុំហ្នឹង គេបញ្ជូនដោយសម្ងាត់ ទៅពេទ្យស៊ាំងហ្គាពួរ។»

លោកនាយករដ្ឋមន្ត្រី មិនបានបង្ហើបថា តើជននេះ ជាអ្នកណាឲ្យច្បាស់ទេ តែលោកថា ជនម្នាក់នេះ ស្ថិតនៅក្នុងក្រុមមួយ នៃអ្នកប្រើប្រាស់បណ្ដាញសង្គម ដែលមានសមាសភាពចូលរួម មកពីមនុស្សនៅក្រៅប្រទេស៕



លំអិតបន្ថែមទៀត

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...
ដំណឹង

Covid-19៖ អៀរ៉ង់ហាមឃាត់វ៉ាក់សាំង របស់​អាមេរិក និងអង់គ្លេស

មគ្គុទេសន៍ដ៏កំពូល (Ayatolla) របស់ប្រទេសអៀរ៉ង់ លោក «Ali Khamenei» បានប្រកាសនៅថ្ងៃសុក្រទី៨ ខែមករានេះ ហាមឃាត់ការនាំចូល នូវថ្នាំវ៉ាក់សាំង​បង្ការជំងឺកូវីដ (Covid-19) ដែលផលិតដោយសហរដ្ឋអាមេរិក និងអង់គ្លេស ...
កម្ពុជា

ញឹម វណ្ណដា ដែល​ត្រូវ​ដកចេញ​ព្រោះ«ភូតភរ» បានឡើង​ជា​ទីប្រឹក្សា​រដ្ឋាភិបាល

មានកំហុសពីបទ«ខ្វះការទទួលខុសត្រូវ» និង«ភូតភរ» រហូតត្រូវលោកនាយករដ្ឋមន្ត្រី ហ៊ុន សែន បរិហារជាសាធារណៈ តែលោក ញឹម វណ្ណដា នៅតែមានតំណែង នៅក្នុងរដ្ឋាភិបាលលោក ហ៊ុន សែន ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.