ប្រទេសកម្ពុជា បានប្រកាសឲ្យដឹង ពីករណីអ្នកជំងឺ«ស្លាប់ទី៥» ក្នុងព្រឹកថ្ងៃទី២៣ ខែមីនានេះ ពីក្នុងចំណោម​អ្នកជំងឺ​សរុប កើនឡើងដល់​ចំនួន១៧៨៨នាក់ ដែលត្រូវបានរកឃើញ ផ្ទុកមេរោគកូវីដ-១៩ (Covid-19) នៅទូទាំង​ប្រទេស។ នេះបើតាមសេចក្ដីប្រកាសព័ត៌មាន របស់ក្រសួងសុខាភិបាល​ដែលបានចេញ​នៅមុននេះបន្តិច។

អ្នកជំងឺថ្មី ដែលបានទទួលអនិច្ចកម្ម ដោយសារជំងឺរាតត្បាត ជាស្ត្រីអាយុ៦២ឆ្នាំ រស់នៅសង្កាត់ស្ទឹងមានជ័យ ខណ្ឌ​មានជ័យ រាជធានី​ភ្នំពេញ។ អ្នកស្រីបានផុតដង្ហើម នៅវេលា​ម៉ោង​៥និង៤០នាទីព្រឹក ក្នុងមន្ទីរពេទ្យរុស្ស៊ី (ភ្នំពេញ) ទីកន្លែងដែលអ្នកស្រី បានចូលមក​ព្យាបាលខ្លួន កាលពីព្រឹកថ្ងៃទី២១ ខែមីនា ឆ្នាំ២០២១ ដោយអាការៈហត់ខ្លាំង មុននឹងអ្នកស្រី​​ត្រូវបាន​រកឃើញថា មាននផ្ទុកមេរោគ​កូវីដ-១៩

សេចក្តីប្រកាសព័ត៌មាន របស់ក្រសួងសុខាភិបាល បានបញ្ជាក់ថា ដោយអ្នកជំងឺមាន​អាការៈរលាកសួត​ទាំង​សងខាង​ធ្ងន់ធ្ងរ ដែលធ្វើឲ្យសួត​ចុះខ្សោយខ្លាំង ទើបក្រុមគ្រូពេទ្យមិនអាចជួយសង្គ្រោះបាន បើទោះជាបានប្រើប្រាស់​ម៉ាស៊ីនជំនួយការដកដង្ហើមបន្ថែម តាំងពីអ្នកជំងឺ​បានចូល​​​មកព្យាបាលភ្លាម នៅក្នុងមន្ទីរពេទ្យម្លេះ។

ប្រភពផ្សេងទៀត បានអះអាងថា ស្ត្រីវ័យ៦២ខាងលើ ជាម្ដាយរបស់តារាកំប្លែង នាង អ៊ិន ស្រីពីន។

មកដល់ថ្ងៃនេះ បើគិតរួមទាំងជនរងគ្រោះផ្សេងទៀត ដែលបានស្លាប់ ក្នុងមណ្ឌលធ្វើចត្តាឡីស័ក និងក្នុង​អំឡុងពេល​សម្រាកព្យាបាល នៅឯមន្ទីរពេទ្យផង ប្រទេសកម្ពុជាមានអ្នកស្លាប់ ១០នាក់ហើយ។

តែមានតែជន​រងគ្រោះ​៥នាក់ប៉ុណ្ណោះ ដែលអាជ្ញាធរសុខាភិបាល អះអាងថា ទទួលមរណភាពដោយជំងឺកូវីដ-១៩។ រីឯជន​រងគ្រោះ​​៥នាក់​ទៀត (ក្នុងនោះ​២នាក់ជាជនជាតិចិន) ត្រូវបានអាជ្ញាធរប្រកាសថា ស្លាប់ដោយសារ​ជំងឺ​«ខ្យល់គ» «គាំងបេះដូង» ឬមានអាការៈ«ញៀនថ្នាំ»ជាដើម។

ក្នុងសេចក្ដីប្រកាសព័ត៌មានមួយផ្សេងទៀត ដែលចេញផ្សាយក្នុងព្រឹកថ្ងៃទី២៣ ខែមីនាដដែល ក្រសួង​សុខាភិបាល​បានអះអាងថា មកដល់ម៉ោងនេះ កម្ពុជាបានរកឃើញ​អ្នកជំងឺកូវីដ-១៩ សរុប​មានចំនួន ១៧៨៨នាក់ ក្នុងនោះ​អ្នកជំងឺ​ដែលបានជាសះស្បើយ មានចំនួន ៩៩៩នាក់ ខណៈអ្នកជំងឺ ដែលកំពុង​សម្រាក​ព្យាបាល នៅឯមន្ទីរពេទ្យ មានចំនួន ៧៨៣នាក់។

រីឯអ្នកជំងឺថ្មី ដែលត្រូវបានរកឃើញ​វិជ្ជមានកូវីដ ក្នុងថ្ងៃនេះ មានចំនួន៣៥នាក់៕



You may also like

កម្ពុជា

ហ៊ុន សែន ថា​ព័ត៌មាន​ស្ដីពី​អង្ករ​សិប្បនិមិត្ត ជា​«សង្គ្រាមចិត្តសាស្ត្រ»

លោកនាយករដ្ឋមន្ត្រី ហ៊ុន សែន បានចាត់ទុកព័ត៌មាន ដែលនិយាយពីអង្ករសិប្បនិមិត្ត ក្នុងពេលកន្លងមក ថាជា«សង្គ្រាមចិត្តសាស្ត្រ»។ មេដឹកនាំរូបនេះមិនជឿថា មានអង្ករប្រភេទនេះ ចរាចរលក់ដូរនៅលើទីផ្សារ ដោយលោកគិតថា តម្លៃឧស្សហកម្ម និងសិប្បកម្ម ...
កម្ពុជា

ថ្ងៃ៨មីនា៖ ហ៊ុន សែន លើកពី​«ស្ត្រី​និងការអភិវឌ្ឍ ​ក្នុងបរិការណ៍​កូវីដ-១៩»

តើមានអ្វីទាក់ទងគ្នា រវាងទិវាអន្តរជាតិស្ដីពីសិទ្ធិស្ត្រី ថ្ងៃ៨មីនា និងជំងឺរាតត្បាតកូវីដ-១៩ (Covid-19)? សម្រាប់​លោក​នាយករដ្ឋមន្ត្រី ហ៊ុន សែន បានភ្ជាប់ព្រឹត្តិការណ៍ទាំងពីរនេះ ទៅក្នុងប្រធានបទថ្មី​មួយ ដែលលោកដាក់​ឈ្មោះ​ឱ្យថា៖ «ស្ត្រី​និងការអភិវឌ្ឍ ក្នុងបរិការណ៍​កូវីដ-១៩»។ ...
វប្បធម៌ និងជីវិត

ក្រសួងសុខាភិបាលបង្ហាញ ពី​វិធាន​១០ចំណុច សម្រាប់ធ្វើចត្តាឡីស័ក

តើការធ្វើចត្តាឡីស័ក ត្រូវធ្វើឡើង តាមរបៀបណា? ខាងក្រោមនេះ ជាការពន្យល់របស់ក្រសួងសុខាភិបាលកម្ពុជា ដែលបង្ហាញ ពីវិធាន១០ចំណុច ដើម្បីអ្វីមួយ ដែលក្រុមអ្នកជំនាញផ្នែកសុខភាព លើកឡើងថា ជាការបំបាក់ការរាតត្បាត នៃជំងឺ«Covid-19»។ ទស្សនាវដ្ដីមនោរម្យ.អាំងហ្វូ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...