កម្ពុជាដំណឹង

សម រង្ស៊ី អះអាង​មិនងាយឈឺ នឹងជំងឺ​កូវីដ-១៩ ព្រោះលោក​ជាខ្មែរ

លោក សម រង្ស៊ី ឈរថតរូប នៅកណ្ដាលសង្កាត់ទី៦ នៃរដ្ឋធានីប៉ារីស ក្នុងថ្ងៃទី៣០ ខែតុលា ឆ្នាំ២០២០។ (រូបថតលើហ្វេសប៊ុក)
លោក សម រង្ស៊ី ឈរថតរូប នៅកណ្ដាលសង្កាត់ទី៦ នៃរដ្ឋធានីប៉ារីស ក្នុងថ្ងៃទី៣០ ខែតុលា ឆ្នាំ២០២០។ (រូបថតលើហ្វេសប៊ុក)

មេដឹកនាំប្រឆាំង ដែលកំពុងរស់នៅនិរទេសខ្លួន ក្នុងប្រទេសបារាំង បានអះអាងថា លោកមិនងាយធ្លាក់ខ្លួនឈឺ នឹងជំងឺ​កូវីដ-១៩ (Covid-19) នោះឡើយ ដោយសារលោក​មានឈាមជ័រ ជាជនជាតិខ្មែរ។

លោក សម រង្ស៊ី បានអះអាងដូច្នេះ នៅលើបណ្ដាញសង្គម ជាមួយនឹងរូបថតមួយសន្លឹក ដែលលោកថត នៅក្នុងសង្កាត់ទី៦​ដ៏ស្ងប់ស្ងាត់ នៃរដ្ឋធានីប៉ារីស ក្នុងថ្ងៃសុក្រ ទី៣០ ខែតុលានេះ ដែល​ជាថ្ងៃដំបូង ដែលរដ្ឋាភិបាលបារាំង ប្រកាសដាក់បម្រាមជាថ្មី ក្នុង​ការបង្ខាំង​​ពលរដ្ឋទូទាំង​ប្រទេស ឲ្យរស់នៅក្នុងផ្ទះ ដើម្បីទប់ស្កាត់រលកទី២ នៃការរាតត្បាត​ជំងឺកូវីដ-១៩។

ប្រធានស្ដីទីគណបក្សសង្គ្រោះជាតិ បានរៀបរាប់ខ្លះៗ ទាក់ទងនឹងបម្រាមនេះថា៖

«ចាប់ពីថ្ងៃ ៣០ តុលា នេះ ដល់ថ្ងៃ ០១ ធ្នូ អាជ្ញាធរបារាំង តម្រូវឲ្យប្រជាពលរដ្ឋ​ទូទាំង​ប្រទេស ឃុំខ្លួនឯងនៅក្នុងផ្ទះ (Confinement) ដើម្បីទប់ស្កាត់កុំឲ្យជំងឺកូវីដ-១៩ រាលដាលកាន់តែខ្លាំងឡើង។»

«ពលរដ្ឋម្នាក់ៗ អាចចេញពីផ្ទះបានតែម្តងក្នុង ១ ថ្ងៃ ក្នុងរយៈពេលតែ ១ ម៉ោង ដោយនៅក្នុងបរិវេណតែ ១គីឡូម៉ែត្រ ជុំវិញផ្ទះ។»

បន្ទាប់មកមេដឹកនាំប្រឆាំង បានប្រកាសថា លោកជាកូនខ្មែរ មានគ្រាប់ឈាម​ក្រហមពិសេស ដែលការពាររូបលោក ពីការធ្លាក់ខ្លួនឈឹ នឹងជំងឺ​កូវីដ-១៩ ឬបើធ្លាក់ខ្លួន​ឆ្លងជំងឺនេះ ក៏លោក​មិនឈឺធ្ងន់ធ្ងរ ណាស់ណានោះដែរ។ លោកសរសេរថា៖

«ខ្ញុំមានសំណាងណាស់ ដោយកើតមកជាជនជាតិខ្មែរ ដែលមានគ្រាប់ឈាម​ក្រហម​ពិសេស (Hémoglobine E) ដែលការពារមិនឲ្យឈឺ ពីជំងឺកូវីដ-១៩ ឬបើឈឺ ក៏ឈឺ​មិនធ្ងន់ធ្ងរណាស់ទេ។»

បើនិយាយតាមន័យត្រង់ គេមិនឃើញ​មានសារនយោបាយ នៅក្នុងការបង្ហោះ​របស់លោក​ខាងលើទេ។

ក្នុងពេលកន្លងមក លោក សម រង្ស៊ី បានផ្សព្វផ្សាយ នូវការសិក្សាស្រាវជ្រាវជាច្រើន ទាំងនៅតាម​សារព័ត៌មាន និងនៅលើបណ្ដាញសង្គម ស្ដីពីប្រព័ន្ធឈាមក្រហមពិសេស ដែលលោក​អះអាង​ថា អាចការពារប្រជាជនកម្ពុជា ពីការរាតត្បាត​នៃជំងឺដ៏ចង្រៃ​ខាងលើ។

កាលពីប៉ុន្មានសប្ដាហ៍មុន លោកបានប្រកាស ពីគម្រោងវិលចូលប្រទេសកម្ពុជា សារជាថ្មី​ទៀត បន្ទាប់ពីការប៉ុនប៉ងវិលចូលប្រទេស កាលពីលើកមុនៗ មិនទទួលបានលទ្ធផល ដូចការទន្ទឹងទុក របស់ក្រុមអ្នកគាំទ្រលោក។

យ៉ាងណា ក៏គម្រោងធ្វើមាតុភូមិ​ជាថ្មីរបស់លោក ទំនងជាមិនអាចធ្វើទៅរួចទេ រវាងពី​ពេលនេះ រហូតដល់ថ្ងៃទី១ ខែធ្នូខាងមុខ ក្រោមបម្រាម«បិទប្រទេស»ជាលើកទី២ របស់​រដ្ឋាភិបាលបារាំង៕



You may also like

កម្ពុជា

សម រង្ស៊ី ចង្អុល​បង្ហាញថា តុលាការ​ក្រុង​ភ្នំពេញ​«ពិតជាអាយ៉ង​ ហ៊ុន សែន»

ប្រធាន​ស្ដីទី​គណបក្ស​សង្គ្រោះជាតិ បានពន្យល់ថា បើចង់ដឹងស៊ីជម្រៅ ពីករណី​ចោទប្រកាន់ ទៅលើលោក កឹម សុខា តុលាការក្រុងភ្នំពេញ គួរកោះហៅរូបលោក ទៅសាកសួរ ដោយហេតុថា នៅក្នុងពេលដែលលោក កឹម ...
កម្ពុជា

Covid-19៖ អាជ្ញាធរវៀតណាម រក​ឃើញ​បុរសម្នាក់​ឈឺជំងឺ ​ចេញពី​កម្ពុជា

បុរសជាតិវៀតណាមម្នាក់ អាយុ៣៩ឆ្នាំ ដែលទើបនឹងធ្វើដំណើរ ​ចេញពី​កម្ពុជា ត្រូវបាន​ធ្វើតេស្ដិ៍ រកឃើញថា ឈឺជំងឺ«Covid-19» កាលពីល្ងាចថ្ងៃសៅរ៍ម្សិលម៉ិញ។ នេះ បើតាម​ការផ្សាយ កាលពីមុននេះបន្តិច របស់ទីភ្នាក់ងារព័ត៌មាន «VNA» ...
កម្ពុជា

មន្ត្រី CNRP ត្រូវខុទ្ទកាល័យ​ប្រធានាធិបតី​បារាំងទទួលជួប​ នៅសប្ដាហ៍​ក្រោយ

ខុទ្ទកាល័យប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) នឹងទទួលជួបតំណាងរបស់គណបក្សសង្គ្រោះជាតិ នៅសប្ដាហ៍​ក្រោយ ដើម្បីអនុញ្ញាតឲ្យពួកគេដាក់ញត្តិទាមទារ និងជម្រាបជូនប្រធានាធិបតីបារាំង ពីស្ថានភាពវិបត្តិនយោបាយ នៅកម្ពុជា។ នេះ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...