កម្ពុជាដំណឹង

អេង ឆៃអ៊ាង ថាបើ ហ៊ុន សែន និង សម រង្ស៊ី ទទួលទាន​នំបញ្ចុក​ជាមួយគ្នា…

អនុប្រធានគណបក្សសង្គ្រោះជាតិ លោក អេង ឆៃអ៊ាង បានលើកឡើងថា បើសិនជាមេដឹកនាំគូបដិបក្ខទាំងពីរ អង្គុយទទួលទាននំបញ្ចុកជាមួយគ្នា នោះទិវានំបញ្ចុក នឹងក្លាយជាទិវា«ផ្សះផ្សា និងបង្រួបបង្រួមជាតិ»។

លោក អេង ឆៃអ៊ាង បានថ្លែងដូច្នេះ នៅលើគណនីហ្វេសប៊ុករបស់លោក កាលពីមុននេះបន្តិច ក្រោមការសាទរពីសំណាក់ប្រិយមិត្តិ និងអ្នកគាំទ្ររបស់លោកជាច្រើន។

មេដឹកនាំគណបក្សប្រឆាំង បានសរសេរយ៉ាងខ្លីថា៖

«ប្រសិនបើ លោក ហ៊ុន សែន និងលោក សម រង្សុី អង្គុយទទួលទាននំបញ្ចុកជាមួយគ្នា នោះទិវានំបញ្ចុកនឹងក្លាយជា ទិវាផ្សះផ្សា និងបង្រួបបង្រួមជាតិ។ អ្នកនយោបាយ គ្មានសត្រូវ ឬមិត្ត នឹងគ្នា មួយជីវិតឡើយ !»

ប្រសិនបើ លោក ហ៊ុន សែន និងលោក សម រង្សុី អង្គុយទទួលទាននំបញ្ចុកជាមួយគ្នា នោះទិវានំបញ្ចុកនឹងក្លាយជា ទិវាផ្សះផ្សា និងបង្រួបបង្រួមជាតិ ។ អ្នកនយោបាយ គ្មានសត្រូវ ឬមិត្ត នឹងគ្នា មួយជីវិតឡើយ !

Publiée par Eng Chhai Eang sur Lundi 3 juin 2019


កាលពីព្រឹកម៉ិញ លោក ហ៊ុន សែន បានប្រកាសឲ្យសមាជិក-សមាជិកា និងអ្នកគាំទ្រគណបក្សប្រជាជនទាំងអស់ យកថ្ងៃទី៩ ខែមិថុនាខាងមុខ ជាថ្ងៃទទួលទាននំបញ្ចុកជុំគ្នា។ កាលពីប៉ុន្មានសប្តាហ៍មុន ថ្ងៃទី៩ ខែមិថុនានេះ ត្រូវបានក្រុមអ្នកគាំទ្រគណបក្សប្រឆាំង កំណត់ឡើងសម្រាប់ធ្វើ«បុណ្យនំបញ្ចុកសាមគ្គី» ក្នុងគោលបំណងប្រហាក់ប្រហែលគ្នា គឺដើម្បីលើកតម្លៃ ចំណីអាហារប្រពៃណីជាតិ និងរឹតចំណងមេត្រីភាព រវាងខ្មែរ និងខ្មែរ។

ថ្លែងនៅចំពោះនិស្សិតច្រើនពាន់នាក់ ក្នុងរាជធានីភ្នំពេញ លោក ហ៊ុន សែន បានលើកឡើងថា៖

«បើគេយកថ្ងៃ៩ ជាទិវានំបញ្ចុក យើងក៏ប្រកាសយកអាថ្ងៃ៩ហ្នឹង ស៊ីនំបញ្ចុក។ ស៊ីឲ្យវាព្រាត។ ហើយវាខ្វះ… ខាងអាពួកផ្កាប់មុខ វាខ្វះនំបញ្ចុកស៊ី ហៅវាមកចូលស៊ីមក។ ហើយបើវាហៅយើង ទៅចូលស៊ី ក៏ទៅចូលស៊ីជាមួយវាទៅ។ នំបញ្ចុកសាមគ្គិជាតិ មិនមែននំបញ្ចុកបំបែកបំបាក់ជាតិទេ។»

🔴🔴 លោក ហ៊ុន សែន៖ «ហ្អែងប្រកាសស៊ីនំគ្រក់ អញក៏ស៊ីនំគ្រក់ ហ្អែងប្រកាសស៊ីបាញ់ឆែវ អញក៏ប្រកាសស៊ីបាញ់ឆែវ លើកលែងតែហ្អែងប្រកាសស៊ីដំថ្ម ឲ្យហ្អែងច្រាសតែឯងទៅ»

Publiée par MONOROOM.info sur Dimanche 2 juin 2019


រីឯលោក សម រង្ស៊ី ក៏បានថ្លែងឡើងដែរ តាមរយៈទំព័រហ្វេសប៊ុករបស់លោក កាលពីប៉ុន្មាននាទីមុន អំពាវនាវឲ្យមានការជួបជុំគ្នា «ពិសារនំបញ្ចុកជាមួយគ្នា យ៉ាងសប្បាយរីករាយទាំងអស់គ្នា ដោយគ្មានការភ័យខ្លាច»។ លោកបានសរសេរថា៖

«សូមបងប្អូននិងកូនក្មួយ អញ្ជើញអ្នកជិតខាង មកទទួលទាននំបញ្ចុកនេះ ជាមួយយើងផង ហើយបើគេអញ្ជើញយើង ទៅហូបជាមួយគេ សូមអញ្ជើញទៅ ដោយចិត្តរីករាយ ក្នុងស្មារតីភាតរភាព ពីព្រោះយើងទាំងអស់គ្នា ជាមហាគ្រួសារខ្មែរតែមួយ៕»

០៣ មិថុនា ២០១៩ / 03 June 2019 ទិវានំបញ្ចុកសាមគ្គី / Eating Khmer noodles together nationwide. ថ្ងៃអាទិត្យ ទី ០៩…

Publiée par Sam Rainsy sur Lundi 3 juin 2019


លំអិតបន្ថែមទៀត

កម្ពុជា

ឡៅ ម៉ុងហៃ សុំព្រះរាជា​លើកលែង​ទោស​និង​ផ្ដល់ងារ​«សម្ដេច»​ឲ្យ សម រង្ស៊ី

បរមងារជា«សម្ដេច សម រង្ស៊ី» អាចទៅរួចឬទេ? ទោះរួចឬមិនរួច វាជាការស្នើឡើង របស់លោក ឡៅ ម៉ុងហៃ អ្នកវិភាគឯករាជ្យដ៏មានឥទ្ធិពលមួយរូប ដោយហៅមេដឹកនាំប្រឆាំងដ៏សំខាន់ របស់ប្រទេសកម្ពុជា ថាជា​«រដ្ឋបុរសខ្មែរ ...
កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

មេដឹកនាំប្រឆាំង លោក សម រង្ស៊ី បានអះអាងថា ព្រះមហាក្សត្រ ព្រះបាទ នរោត្តម សីហមុនី ទ្រង់នឹងដាក់រាជ្យ ប្រសិនបើច្បាប់«សញ្ជាតិ១»ត្រូវបានអនុម័ត តាមការចង់បាន របស់លោកនាយករដ្ឋមន្ត្រី ...
កម្ពុជា

បែកធ្លាយ ៖ ហ៊ុន សែន ឲ្យឆ្នៃសាលារៀន ធ្វើជា​មន្ទីរពេទ្យ​​«Covid-19»

បែកធ្លាយ ៖ នាយករដ្ឋមន្ត្រី នៃរដ្ឋាភិបាលឯកបក្ស នៅកម្ពុជា លោក ហ៊ុន សែន បានបញ្ជា ទៅគណៈអភិបាលខេត្តក្រុងទាំងអស់ (លើកលែងតែរាជធានីភ្នំពេញ) ឲ្យជ្រើសរើសយកសាលារៀន ដើម្បីកែឆ្នៃធ្វើជាមន្ទីរពេទ្យ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...
កម្ពុជា

អ្នកជំនាញ អ.ស.ប៖ ការឃុំខ្លួនយុវជន៧រូប ធ្វើឡើងដោយ​«បំពាន»

ការឃុំខ្លួនយុវជន៧រូប (ក្នុងនោះមានព្រះសង្ឃ១អង្គ) ទំនងជាត្រូវបានធ្វើ ដោយ«បំពាន»។ នេះ បើតាម​ការលើក​ឡើង របស់ក្រុមអ្នកជំនាញ​ខាងសិទ្ធិមនុស្ស របស់អង្គការសហប្រជាជាតិ ដោយជំរុញ​ទៅអាជ្ញាធររបប​ក្រុងភ្នំពេញ ឲ្យដោះលែងពួកគេ​ឲ្យនៅក្រៅឃុំ ដោយអនុលោម​​តាមច្បាប់ជាតិ និងអន្តរជាតិ។ ក្រុមអ្នកជំនាញទាំងនោះ ...