• ហ៊ុន សែន ព្រមាន​កុំឲ្យ​យក​«នំបញ្ចុក» ទៅភ្ជាប់​នឹង​នយោបាយ

    «នំបញ្ចុក ជារបស់ជាតិ មិនមែនជារបស់បក្សនយោបាយណាមួយទេ» នេះ ជាការអះអាង​ឡើង របស់លោកនាយករដ្ឋមន្ត្រី ហ៊ុន សែន ទាក់ទងនឹងយុទ្ធនាការ​ទទួលទាននំបញ្ចុក នៅទូទាំងប្រទេស ដែលលោកបានបញ្ជាឲ្យធ្វើ កាលពីថ្ងៃចន្ទកន្លងមក។ បុរសខ្លាំងកម្ពុជា បានបន្តព្រមានទៀតថា តាមរយៈយុទ្ធនាការនេះ នឹងគ្មានការចរចាណាមួយ ជាមួយគណបក្សសង្គ្រោះជាតិ នោះឡើយ។ លោកនាយករដ្ឋមន្ត្រី បានថ្លែងដូច្នេះ នៅក្នុងពិធីប្រគល់សញ្ញាបត្រ ដល់និស្សិតច្រើនរយនាក់ នៅព្រឹកថ្ងៃទី០៦ ខែមិថុនា ឆ្នាំ២០១៩នេះ ក្នុងមជ្ឈមណ្ឌលកោះពេជ្រ រាជធានីភ្នំពេញ។ លោក ហ៊ុន សែន ថា «នំបញ្ចុក»ជាអត្តសញ្ញាណជាតិ និងមិនមែនជាបញ្ហាបំបែកបំបាក់ជាតិទេ។ បុរសខ្លាំងកម្ពុជាបន្តថា៖ «នំបញ្ចុក ...
  • អេង ឆៃអ៊ាង ថាបើ ហ៊ុន សែន និង សម រង្ស៊ី ទទួលទាន​នំបញ្ចុក​ជាមួយគ្នា…

    អនុប្រធានគណបក្សសង្គ្រោះជាតិ លោក អេង ឆៃអ៊ាង បានលើកឡើងថា បើសិនជាមេដឹកនាំគូបដិបក្ខទាំងពីរ អង្គុយទទួលទាននំបញ្ចុកជាមួយគ្នា នោះទិវានំបញ្ចុក នឹងក្លាយជាទិវា«ផ្សះផ្សា និងបង្រួបបង្រួមជាតិ»។ លោក អេង ឆៃអ៊ាង បានថ្លែងដូច្នេះ នៅលើគណនីហ្វេសប៊ុករបស់លោក កាលពីមុននេះបន្តិច ក្រោមការសាទរពីសំណាក់ប្រិយមិត្តិ និងអ្នកគាំទ្ររបស់លោកជាច្រើន។ មេដឹកនាំគណបក្សប្រឆាំង បានសរសេរយ៉ាងខ្លីថា៖ «ប្រសិនបើ លោក ហ៊ុន សែន និងលោក សម រង្សុី អង្គុយទទួលទាននំបញ្ចុកជាមួយគ្នា នោះទិវានំបញ្ចុកនឹងក្លាយជា ទិវាផ្សះផ្សា និងបង្រួបបង្រួមជាតិ។ អ្នកនយោបាយ គ្មានសត្រូវ ឬមិត្ត នឹងគ្នា ...
  • សុខ ទូច សរសេរពាក្យ​«អាម៉េរិក»​ត្រូវតាម​វចនានុក្រម

    ប្រធានរាជបណ្ឌិត្យសភាកម្ពុជា លោក សុខ ទូច ដែលពីមុនមក ទទួលភាពល្បីល្បាញ នៅលើ​បណ្ដាញសង្គមថា សរសេរអក្សរមួយឃ្លា មានកំហុសអក្ខរាវិរុទ្ធ យ៉ាងហោចពីរពាក្យនោះ បានសរសេរ​នៅពេលនេះ នូវពាក្យដ៏ប្លែកមួយ គឺពាក្យ «អាម៉េរិក» ដែលជាពាក្យត្រឹមត្រូវ តាមវចនានុក្រម​សម្ដេចសង្ឃ ជួន ណាត។ ពាក្យនេះ ជាទូទៅត្រូវបានសរសេរសម្រួល មកត្រឹមជា«អាមេរិក» ដោយអ្នកសរសេរបានបំបាត់ ឬភ្លេចសរសេរ នូវ« ៉» ពីលើ«ម»។ ការបំបាត់ចោល ឬការភ្លេចសរសេរនេះ ទំនងជា នៅក្នុងអក្សរសាស្ត្រខ្មែរ ខ្យល់«អ៊»ដែល​សរសេរ​នៅក្រោយ​ខ្យល់«អ» តែងត្រូវបញ្ចេញសម្លេង ជាខ្យល់«អ»ទាំងអស់។ តែនៅក្នុងការបង្ហោះ កាលពីថ្ងៃទី៣០ ខែមេសា ...
  • ទីប្រឹក្សា​នាយករដ្ឋមន្ត្រី​ប្រាប់​មន្ត្រី​ប្រឆាំង គួរ​«ចោលឆ្អឹង»​នៅក្រៅ​ប្រទេស

    លោក ជុំ កុសល ទីប្រឹក្សានាយករដ្ឋមន្ត្រីកម្ពុជា និងជារដ្ឋលេខាធិការក្រសួងព័ត៌មាន បានផ្ដល់យោបល់ ឲ្យថ្នាក់ដឹកនាំគណបក្ស​ប្រឆាំង គប្បី«ចោលឆ្អឹង»នៅក្រៅប្រទេស ដើម្បីអ្វីមួយ ដែលមន្ត្រីរដ្ឋាភិបាលរូបនេះ អះអាងថា ជាការរស់នៅសុខសាន្ដ របស់ប្រជាពលរដ្ឋកម្ពុជា។ ការលើកឡើងរបស់លោក ជុំ កុសល ធ្វើឡើងដើម្បីប្រតិកម្មតប ទៅអនុប្រធានគណបក្សសង្គ្រោះជាតិ លោក អេង ឆៃអ៊ាង ដែលបានបង្ហោះសារខ្លីមួយ កាលពីព្រឹកម៉ិញ នៅលើបណ្ដាញសង្កមថា «ទីក្រុងគុជ នៃប្រទេសហង្សសេដ្ឋកិច្ច ពេលភ្លៀងលិចទឹក រដូវក្តៅដាច់ទឹក ដាច់ភ្លើង !»។ នៅចំពោះសារខ្លី តែមានន័យបែប«ចំអក»ខាងលើ ទីប្រឹក្សានាយករដ្ឋមន្ត្រី ដែលល្បីខាងធ្វើអត្ថាធិប្បាយនយោបាយ ផ្អៀងទៅគណបក្សកាន់អំណាច ...
  • អេង ឆៃអ៊ាង៖ ដើម្បី​បាន​សញ្ញាប័ត្រ ត្រូវរៀន​ជំនាញជេរ ពី ហ៊ុន សែន សិន

    អនុប្រធានគណបក្សសង្គ្រោះជាតិ លោក អេង ឆៃអ៊ាង បានថ្លែងចំអក នៅថ្ងៃនេះ ថាដើម្បីទទួលបានសញ្ញាប័ត្រ និស្សិតខ្មែរ «ត្រូវរៀន​ជំនាញជេរ» ពីលោកនាយករដ្ឋមន្ត្រី ហ៊ុន សែន ឲ្យបានរយៈពេល ពីរម៉ោងសិន។ នៅក្នុងរយៈពេលចុងក្រោយ លោក ហ៊ុន សែន ដែលបានចុះចែកសញ្ញាប័ត្រ ដល់និស្សិតបញ្ចប់ការសិក្សា សឹងតែមិនលោះពេល បានយកវេទិកាទាំងនោះ ដើម្បីថ្លែងសារនយោបាយ តបទៅក្រុមប្រឆាំង និងក្រុមអ្នកវិភាគ ដែលតែងតែរិះគន់ ការដឹកនាំរបស់លោក។ មិនត្រឹមតែឆ្លើយតបធម្មតាទេ តែបុរសខ្លាំងកម្ពុជា ថែមទាំងបានប្រើពាក្យពេជន៍​អសុរោះ ដោយការជេរប្រទេចធ្ងន់ៗ ដូចជាការ«ជេរម៉ែរ»អ្នករិះគន់ នៅក្នុងការថ្លែងមួយ របស់លោក នៅចំពោះនិស្សិតច្រើនពាន់នាក់ ...
  • អតីតអភិបាលរងខេត្តព្រះសីហនុទាំងពីរ នឹងរងចំណាត់ការពី ACU

    បន្ទាប់ពីត្រូវបានបណ្ដេញចេញពីតំណែង អតីតអភិបាលរងខេត្តព្រះសីហនុទាំងពីររូប នឹងរងចំណាត់ការ ពីអង្គភាពប្រឆាំងអំពើពុករលួយ (ACU) រួមនឹងក្រសួងមហាផ្ទៃថែមទៀត។ នេះ បើតាមការបញ្ជាក់របស់នាយករដ្ឋមន្ត្រីកម្ពុជា លោក ហ៊ុន សែន នៅលើបណ្ដាញសង្គម បន្ថែមពីលើអនុក្រឹត្យនៃការដកតំណែងអភិបាលរងទាំងពីរ។ អនុក្រឹត្យរបស់លោក ហ៊ុន សែន ដែលចុះហត្ថលេខាក្នុងថ្ងៃទី១ ខែមិនា ឆ្នាំ២០១៩នេះ បានសម្រេចដកលោក ស្រ៊ុន ស្រ៊ន់ ឋានន្ដរស័ក្ដិ ឧត្តមមន្ដ្រីថ្នាក់លេខ៣ និងលោក ផៃ ប៊ុនវណ្ណៈ ឋានន្ដរស័ក្ដិ ឧត្តមមន្ដ្រីថ្នាក់លេខ៥ ចេញពីតំណែងជាអភិបាលរង នៃគណៈអភិបាលខេត្តព្រះសីហនុ។ នាយករដ្ឋមន្ត្រី«បង្ខំចិត្ត» អមនឹងអនុក្រឹត្យ ដែលត្រូវបានបង្ហោះនៅលើបណ្ដាញសង្គម លោក ...