កម្ពុជាដំណឹង

សម រង្ស៊ី មកដល់​ប្រទេស​«ម៉ាឡេស៊ី»​ហើយ!

នៅថ្ងៃទី១៦ ខែសីហានេះ មេដឹកនាំប្រឆាំង លោក សម រង្ស៊ី ដែលបានប្រកាស​​ជារឿយៗ ជុំវិញដំណើរមាតុភូមិនិវត្តន៍របស់លោក បានបង្ហាញវត្តមាន នៅក្នុងប្រទេស​«ម៉ាឡេស៊ី»​ហើយ។ ប្រទេសម៉ាឡេស៊ី ដែលត្រូវបានចាត់ទុកថា កៀកបំផុតនឹងប្រទេសកម្ពុជា។

អមនឹងរូបថតច្រើនសន្លឹក ប្រធានស្ដីទីគណបក្សប្រឆាំង បានអះអាង នៅលើទំព័រហ្វេសប៊ុករបស់លោកថា លោកកំពុងជួបជាមួយយុវជន និងសកម្មជនគណបក្ស ដែលមួយចំនួនកំពុងរស់នៅ ក្នុងប្រទេសម៉ាឡេស៊ី និងមួយចំនួនទៀត បានធ្វើដំណើរ ពីប្រទេសកម្ពុជា ដើម្បីមកជួបលោក។

នៅក្នុងការជួបជុំនោះ គេក៏ឃើញវត្តមានអ្នកស្រី មូ សុខហួ និងលោក អេង ឆៃអ៊ាង ដែលជាអនុប្រធានគណបក្សសង្គ្រោះជាតិ ផងដែរ។

១៦ សីហា ២០១៩ / 16 August 2019 ថ្ងៃនេះ ខ្ញុំនៅប្រទេសម៉ាឡេស៊ី ហើយបានជួបជាមួយយុវជនខ្មែរមកពីប្រទេសកម្ពុជា។ Today I am in Malaysia and met with Khmer youth from Cambodia.

Posted by Sam Rainsy on Thursday, August 15, 2019


នៅលើគណនីហ្វេសប៊ុក របស់ព្រះតេជគុណ ប៊ុត ប៊ុនតិញ មានសរសេរឲ្យដឹងថា៖

«លោក សម រង្ស៊ី ប្រធានស្ដីទី​គណបក្សសង្រ្គោះជាតិ រួមជាមួយថ្នាក់ដឹកនាំមួយចំនួន បានអញ្ជេីញ​ទៅដល់ ម៉ាឡេស៊ី ហេីយ នៅព្រឹកថ្ងៃទី១៦ ខែសីហា ឆ្នាំ២០១៩។ ការអញ្ជេីញ​ទៅដល់ ម៉ាឡេស៊ី នៅពេលនេះ របស់លោក សម រង្ស៊ី ក្នុងគោលបំណង​បណ្ដុះស្មារតីនយោបាយ ដល់យុវជនសង្គ្រោះជាតិ ហេីយត្រៀមខ្លួនទទួលលោក សម រង្ស៊ី ធ្វេីមាតុភូមិនិវត្តន៍។»

ប្រភពស្និតនឹងមេដឹកនាំប្រឆាំង បានអះអាងថា លោក សម រង្ស៊ី នឹងចេញពីប្រទេសម៉ាឡេស៊ី ហើយបន្តដំណើរ ទៅជួបអ្នកគាំទ្រ នៅក្នុងទឹកដីនៃប្រទេសអូស្ត្រាលីទៀត។

សម្រាប់លោក សោ ចាន់ដេត អតីតសមាជិកព្រឹទ្ធសភា មកពីគណបក្សសមរង្ស៊ី បានសរសេរ​អះអាង​ថា៖

«ក្រោយ​ពី​ជោគជ័យ​ “ការ​ទូត​”​ នៅសហគមន៍​​អឺរ៉ុប​ និង​សហរដ្ឋអាមេរិក​ រួច​ហេីយ​ លោក​ប្រធាន​ សម​ រង្ស៊ី​ និង​ថ្នាក់ដឹកនាំ​គណបក្ស​សង្គ្រោះ​ជាតិ​ បន្ត​បេីកយុទ្ធនាការ​ “ការ​ទូត​”​ នៅសហគមន៍​អាស៊ាន​ ម្តង។»

នេះ ជាដំណើររបស់លោក សម រង្ស៊ី ជាន់ទឹកដីអាស៊ី ដែលកៀកនឹងប្រទេសកម្ពុជា ជាថ្មីម្ដងទៀត បន្ទាប់ពីដំណើរលើកមុនៗ នៅក្នុងទឹកដីនៃប្រទេសកូរ៉េ និងប្រទេសជប៉ុន រាប់ចាប់តាំងពីលោកបានប្រកាស កាលពីចុងខែមករា ស្ដីពីគម្រោងធ្វើមាតុភូមិនិវត្តន៍ ក្នុងឆ្នាំ២០១៩នេះ ឲ្យខាងតែបាន​នោះមក៕

លោកសម រង្សី​ប្រធានស្ដីទី គណបក្សសង្រ្គោះជាតិ រួមជាមួយថ្នាក់ដឹកនាំមួយចំនួន បានអញ្ជេីញទៅដល់ម៉ាឡស៊ីហេីយ នៅព្រឹកថ្ងៃទី១៦…

Posted by But Buntenh on Thursday, August 15, 2019


ថ្ងៃនេះ​ សម​ រង្ស៊ី​ នៅម៉ាឡេស៊ី..! ​ ក្រោយ​ពី​ជោគជ័យ​ "ការ​ទូត​"​ នៅសហគមន៍​ អឺរ៉ុប​ និង​សហរដ្ឋអាមេរិក​…

Posted by Sor Chandeth on Thursday, August 15, 2019


You may also like

កម្ពុជា

តុលាការព្រមាន កឹម សុខា ជុំវិញ​ដំណើរ​របស់​លោក ចុះទៅតាម​​ខេត្ត​​ជាច្រើន

តុលាការរបបក្រុងភ្នំពេញ បានចាត់ទុកដំណើរ របស់មេដឹកនាំ​គណបក្ស​សង្គ្រោះ​ជាតិ លោក កឹម សុខា ចុះទៅតាម​​ខេត្ត​​ជាច្រើន ក្នុងរយៈពេលចុងក្រោយនេះ ថាជា«ការឈាន​ទៅ​ហួសព្រំដែន ឬនាំទៅដល់​ការបំពាន លើកាតព្វកិច្ច» នៃការត្រួតពិនិត្យតាម​ផ្លូវ​តុលាការ ដែលតម្រូវដាក់​លើ​លោក ...
កម្ពុជា

កូន​ប្រុស អេង ឆៃអ៊ាង រំលឹក​ពី​ទំនាក់​ទំនង​ដំបូង​រវាង​ឪពុក​ខ្លួននិង សម រង្ស៊ី

តើលោក សម រង្ស៊ី ដែលគេស្គាល់នៅពាសពេញផែនដី ថាជាមេដឹកនាំប្រឆាំង ដ៏សំខាន់ជាងគេ នៅកម្ពុជានោះ បង្កើតឫសគល់នយោបាយ និងក្រុមការងារដំបូងរបស់លោកយ៉ាងដូចម្ដេច? កូនប្រុសរបស់លោក អេង ឆៃអ៊ាង អនុប្រធានគណបក្សសង្គ្រោះជាតិ ...
កម្ពុជា

មេធាវី កឹម សុខា ថា​កូនក្ដី​ខ្លួន​ទាមទារ​ឲ្យ​ទម្លាក់​បទ​ចោទ​ប្រកាន់​ជាមុន​សិន

«ត្រូវទម្លាក់ចោល បទចោទប្រកាន់ ជាមុនសិន» នេះ ជាការលើកឡើង របស់លោក កឹម សុខា ប្រធានគណបក្សសង្គ្រោះជាតិ តាមរយៈមេធាវីរបស់លោក នៅមួយថ្ងៃបន្ទាប់ពីការលើកឡើង របស់លោកនាយករដ្ឋមន្ត្រី ហ៊ុន ...

Comments are closed.

កម្ពុជា

អ្នកជំនាញ អ.ស.ប «រន្ធត់ចិត្ត»​ចំពោះ​ការផ្ដន្ទាទោស​ លើមេដឹកនាំប្រឆាំង

កម្ពុជា

EU ទាមទារជាថ្មី ឲ្យក្រុងភ្នំពេញ​ផ្ដើម«ដំណើរការ​ផ្សះផ្សារជាតិ»

សហភាពអ៊ឺរ៉ុប «EU» បានបញ្ចេញប្រតិកម្មរបស់ខ្លួន នៅថ្ងៃទី២ ខែមីនានេះ នៅចំពោះព្រឹត្តិការណ៍ផ្ដន្ទាទោស ទៅលើក្រុម​​មេដឹកនាំ​គណបក្ស​សង្គ្រោះជាតិ ដោយតុលាការនៅកម្ពុជា ដោយស្នើឲ្យរបបដឹកនាំក្រុងភ្នំពេញ ផ្ដើម​«ដំណើរការ​ផ្សះផ្សារជាតិ» តាមរយៈ​កិច្ចសន្ទនារួម និងពិតប្រាកដ ជាមួយគណបក្សប្រឆាំង។ ...
កម្ពុជា

ជនសង្ស័យ​ចាប់ជំរិត ធ្លាប់បង្ហោះរូបនិងសារថា​បានធ្វើការក្នុងផ្ទះ ហ៊ុន សែន

«បេសកកម្ម នៅក្នុងភូមិគ្រឹះសម្ដេច វិមានឯករាជ្យ» នេះជាសាររបស់លោក អ៊ិម សុវណ្ណារិទ្ធ ជនសង្ស័យ​ចាប់ជំរិត មួយរូប ដែល​ត្រូវបានសម្លាប់ ក្នុងហេតុការណ៍ប្លន់ប្រដាប់អាវុធមួយ កាលពីថ្ងៃទី១ ខែមីនា ឆ្នាំ២០២១។ ...