ត្រូវ​ដោះលែង កឹម សុខា ៖ ការប្ដូរជំហររបស់របបដឹកនាំក្រុងភ្នំពេញ ដែលមានគម្រោង​កែច្បាប់ជាថ្មី ដើម្បីបើក​លទ្ធភាព ឲ្យមន្ត្រីគណបក្ស​សង្គ្រោះជាតិ ទាំង១១៨នាក់ អាចមានសិទ្ធិ ធ្វើសកម្មភាពនយោបាយ​ឡើងវិញ បន្ទាប់ពី​ពួកគេ ត្រូវបានតុលាការហាមឃាត់ តាំងពីខែវិច្ឆិកា ឆ្នាំ២០១៨មកនោះ មិនត្រូវបាន​លោក សម រង្ស៊ី អតីតប្រធាន​គណបក្សប្រឆាំងស្វាគមន៍នោះឡើយ។ លោកបានហៅគម្រោងនោះ គ្រាន់តែជាផ្នែកមួយ នៃល្បិចកលបំបែកបំបាក់ របស់លោកនាយករដ្ឋមន្ត្រី ហ៊ុន សែន ប៉ុណ្ណោះ។

មេដឹកនាំប្រឆាំងដ៏យូរលង់ របស់ប្រទេសកម្ពុជា បានអះអាងក្នុងបទសម្ភាសមួយ របស់វិទ្យុអាស៊ីសេរីថា ការលើក​លែង​បម្រាម សម្រាប់មន្ត្រី​ទាំង១១៨ ឬសម្រាប់មួយផ្នែកណានោះ មិនមែនជាជំហានបន្ទាន់ទេ។ តែលោក សម រង្ស៊ី បានដាក់លក្ខខណ្ឌដំបូងគេ ទៅលោក ហ៊ុន សែន ថា ទីមួយគឺលោក កឹម សុខា ដែលជាប្រធានគណបក្ស​សង្គ្រោះ​ជាតិ ចាំបាច់ត្រូវគេដោះលែង និងលើកលែងរាល់ការចោទប្រកាន់ ទាំងអស់ជាមុនសិន។

លោក សម រង្ស៊ី ថ្លែងឡើងថា៖

«ហ៊ុន សែន គាត់មានល្បិច ច្រើនទៀត។ គាត់ថា រៀបចំឲ្យដោះលែង តែដោះលែងតែនរណា ដែលគាត់ចង់ឲ្យ​ដោះលែង។ ពេលនោះ គាត់ថា អ្នកណាមានរងការចោទប្រកាន់ ពីតុលាការ ឬតុលាការ[មិនទាន់]បានកាត់ទោស [មិនទាន់]មានទោស ពេលនោះ គាត់អត់ដោះលែងទេ។ គាត់អាចដោះលែង អ្នកណាដែលគាត់អាចយក ទៅប្រើការ​បាន ដើម្បីទៅបំបែកគណបក្សសង្គ្រោះជាតិ ឬទៅបង្កើតគណបក្សឡប់ឡែ ឲ្យមានការភ័ន្ដច្រឡំ។ អញ្ចឹងហើយ បានជា​ក្នុងនាម ១១៨នាក់ហ្នឹង ខ្ញុំសុំប្រាប់ទៅ ហ៊ុន សែន វិញថា យើងអត់ត្រូវការទេ។ យើងជាគ្រួសារមួយ ដែល​គេចាប់ឪពុកយកទៅដាក់គុក ហើយយើងជាកូន យើងអត់ត្រូវការឲ្យ ហ៊ុន សែន យកស្ករគ្រាប់មកចែកឲ្យកូនទេ។ យើងចង់ឲ្យ ហ៊ុន សែន ដោះលែងឪពុកយើងសិន។»។

មិនត្រឹមតែប៉ុណ្ណឹង មេដឹកនាំប្រឆាំងរូបនេះ បានលើកឡើង ពីលក្ខខណ្ឌចាំបាច់ចំនួនប្រាំចំណុច ដែលលោក​អះអាង​ថា បានពិភាក្សារួចជាស្រេច ជាមួយសហគមន៍អន្តរជាតិ។ លក្ខខណ្ឌទាំង៥ មាន (១) ដោះលែងលោក កឹម សុខា ជាបន្ទាន់ដោយឥតលក្ខខណ្ឌ (២) ទម្លាក់ចោល​ការចោទប្រកាន់ទាំងអស់ ទាំងទៅលើលោក កឹម សុខា ទៅលើមន្ត្រី​គណបក្ស​សង្គ្រោះ​ជាតិ​ទាំងអស់ គឺអត់មានឲ្យរួចខ្លួន បណ្ដោះអាសន្ន រួចចាប់ម្ដងទៀតទេ (៣) ឲ្យគណបក្ស​សង្គ្រោះ​ជាតិដំណើរការឡើងវិញ (៤) ប្រគល់តំណែង ដល់សមាជិកក្រុមប្រឹក្សា ឃុំសង្កាត់ ខេត្តក្រុង ជាង៥៦០០នាក់ មក​មន្ត្រីគណបក្សសង្គ្រោះជាតិ (៥) បោះឆ្នោតឡើងវិញ ទាំងការបោះឆ្នោតព្រឹទ្ធសភា និងបោះឆ្នោតជ្រើសតាំង​តំណាងរាស្ត្រ​​ឡើងវិញ៕

» សូមស្ដាប់ការថ្លែងទាំងស្រុង របស់លោក សម រង្ស៊ី ដូចខាងក្រោម៖



លំអិតបន្ថែមទៀត

ទស្សនៈប្រិយមិត្ត

ទស្សនៈអ្នក​អាន៖ «ចំណេះ​ជិះ​ក​ឯង»

«ចំណេះ​ជិះ​ក​ឯង»៖ ក្នុងយុទ្ធនាការឃោសនាបោះឆ្នោត ការប្រើការសន្យាខ្លីៗថា នឹងផ្ដល់នេះនោះជូនពលរដ្ឋ ដែលបោះឆ្នោត​ឲ្យ​គណបក្សខ្លួន ក្នុងន័យទាក់ទាញសន្លឹក​ឆ្នោត​ផង បន្លំពលរដ្ឋផង ជាលទ្ធផលមុខជា​មានអ្នក​អង្គុយ​ចាំទារ​ការ​អនុវត្ដសន្យា​ទាំងនោះ​មិនខាន។ ជាក់ស្ដែងដូចគណបក្សសង្គ្រោះជាតិ ដែលពេលនេះ ​កំពុង​តែវ័ណ្ឌក​​ដោះ​សារ គេច​ពីការផ្ដល់កញ្ចប់ថវិកា កន្លះលានដុល្លារមួយឆ្នាំ ...
វិភាគ អត្ថាធិប្បាយ

អ្នកវិភាគ​លើកពី​គន្លឹះសំខាន់៣ ដែល សម រង្ស៊ី អាច​ជួប​«អ្នកគាំទ្រ»​នៅថៃ

លោក ម៉ែន សុថាវរិន្ទ្រ មន្ត្រីជាន់ខ្ពស់គណបក្សសង្គ្រោះជាតិ បានអះអាង កាលពីយប់ថ្ងៃសៅរ៍ទី២៧ ខែមេសាម្សិលម៉ិញថា បន្ទាប់ពីជំនួបជាមួយ«អ្នកគាំទ្រ» នៅក្នុងប្រទេសកូរ៉េខាងត្បូង មេដឹកនាំប្រឆាំង លោក សម រង្ស៊ី ...
កម្ពុជា

សម រង្ស៊ី ថាគ្រួសារត្រកូល ហ៊ុន នៅ​ពីក្រោយ​ធនាគារ ដែលធ្វើឲ្យ​ការប្រាក់​ថ្លៃ

លោក សម រង្ស៊ី បានតំឡើងសម្លេងខ្លាំងៗ បន្ថែមទៀតនៅថ្ងៃនេះ ដាក់​លោក​នាយករដ្ឋមន្ត្រី ហ៊ុន សែន និង​រដ្ឋាភិបាល​របស់លោក ជុំវិញដំណោះស្រាយ នៃការជំពាក់​ប្រាក់​ធនាគារ ដោយពលរដ្ឋកម្ពុជា ដែលហាក់​នៅទ្រឹង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...