កម្ពុជាដំណឹង

RSF ៖ កម្ពុជា​បន្តធ្លាក់​ចំណាត់ថ្នាក់ ក្នុង​សេរីភាព​សារព័ត៌មាន ឆ្នាំ​២០២០

លោក ហ៊ុន សែន (រូបអង្គុយ) កំពុងជល់កែវជាមួយកូន និងកូនប្រសារ ទាំងប្រុស-ស្រីរបស់លោក នៅក្នុងគេហដ្ឋានរបស់លោក។ (រូបថតហ្វេសប៊ុក)
លោក ហ៊ុន សែន (រូបអង្គុយ) កំពុងជល់កែវជាមួយកូន និងកូនប្រសារ ទាំងប្រុស-ស្រីរបស់លោក នៅក្នុងគេហដ្ឋានរបស់លោក។ (រូបថតហ្វេសប៊ុក)

ប្រទេសកម្ពុជាបន្តមានចំណាត់ធ្លាក់ទាប ក្នុង​សេរីភាព​សារព័ត៌មាន សម្រាប់ឆ្នាំ២០២០។ នេះ បើតាមបញ្ជីសន្ទស្សន៍ របស់អង្គការអ្នកយកព័ត៌មានគ្មានព្រំដែន ដែលទើបនឹងចេញផ្សាយ ក្នុងថ្ងៃពុធ ទី២២ ខែមេសា ឆ្នាំ២០២០។

បញ្ជីសន្ទស្សន៍ បានគណនាពិន្ទុ ឆ្នាំ២០២០ សម្រាប់ព្រះរាជាណាចក្រអច្ឆរិយៈ មានប្រមាណជា ៤៥,៤៦ ដែលត្រូវនឹងចំណាត់ថ្នាក់ ១៤៤ ពីក្នុងចំណោម១៨០ប្រទេស នៅលើពិភពលោក។ កាលពីឆ្នាំ២០១៩ កម្ពុជាទទួលបានពិន្ទុ ៤៥,៩០ ដែលត្រូវនឹងចំណាត់ថ្នាក់ ១៤៣។

កាលពីដើមខែមេសាថ្មីៗ អ្នកសារព័ត៌មានម្នាក់ ត្រូវបានអាជ្ញាធរក្រុងភ្នំពេញ ចាប់ខ្លួន និងបញ្ជូនឡើងទៅតុលាការ ចោទពីបទ«ញុះញង់» បន្ទាប់ពីអ្នកសារព័ត៌មានរូបនោះ បានផ្សាយ នូវសំដីលោកនាយករដ្ឋមន្ត្រី ហ៊ុន សែន ដែលលើកឡើង ពីវិធានការរបស់រដ្ឋាភិបាល ដើម្បីទប់ស្កាត់នឹងជំងឺ «Covid-19»។

ទង្វើចាប់ចង់នេះ ត្រូវបានអង្គការអ្នកយកព័ត៌មានគ្មានព្រំដែន វាយតម្លៃថា ជាការប្រើលេស របស់រដ្ឋាភិបាលលោក ហ៊ុន សែន ក្នុងអំឡុងពេល នៃការរាតត្បាតជំងឺដ៏ចង្រៃ ដើម្បីបំបិទមាត់អ្នកសារព័ត៌មាន ដែលមិនដើរតាមខ្សែបន្ទាត់ របស់រដ្ឋាភិបាល។

ក្នុង​សេរីភាព​សារព័ត៌មាន កម្ពុជាអន់ជាង៥ប្រទេស និងគ្រាន់ជាង៤ប្រទេស ក្នុងតំបន់

ប្រព័ន្ធផ្សព្វផ្សាយឯករាជ្យ នៅក្នុងប្រទេសកម្ពុជា ត្រូវបានគេមើលឃើញថា មានចំនួនកាន់តែខ្សត់ទៅ បន្ទាប់ពីយុទ្ធនាការបិទវិទ្យុច្រើនសិប និងប្រព័ន្ធផ្សព្វផ្សាយធំៗ ដោយរដ្ឋាភិបាល កាលពីអំឡុងឆ្នាំ២០១៧។

តាំងពីថ្ងៃទី៣១ ខែមីនា ឆ្នាំ២០២០នេះមក គេហទំព័ររបស់ទស្សនាវដ្ដី មនោរម្យ.អាំងហ្វូ ដែលមានអាស័យដ្ឋាន «MONOROOM.info» ក៏មិនអាចឲ្យប្រិយមិត្តរបស់ខ្លួន ចូលទៅពិគ្រោះបានដែរ បន្ទាប់ពីទស្សនាវដ្ដីបានចុះផ្សាយ របាយការណ៍ជាច្រើន ទាក់ទងជំងឺ«Covid-19»នៅក្នុងប្រទេសកម្ពុជា និងប្រទេសចិនកុម្មុយនីស្ដិ៍។ ក្រុមអ្នកបច្ចេកទេស របស់ទស្សនាវដ្ដី បានសង្ស័យអំពីការរាំងខ្ទប់ណាមួយ ដោយអាជ្ញាធរកម្ពុជា។

អង្គការ «RSF» ដដែល បានចេញរបាយការណ៍មួយ កាលពីឆ្នាំ២០១៨ អះអាងថា ប្រព័ន្ធផ្សព្វផ្សាយដែលអាចបន្ត​សម្លេង នៅក្នុងប្រទេសកម្ពុជា មានមួយភាគ ជាកម្មសិទ្ធិរបស់អ្នកជិតដិត និងសមាជិកគ្រួសារ លោក ហ៊ុន សែន និងមួយភាគទៀត គ្រាន់តែជា«រោងចក្រផលិតព័ត៌មានក្លែងក្លាយ» ដើម្បីជាសម្លេង «ដែលបម្រើឲ្យម្ចាស់» ប៉ុណ្ណោះ។

នៅក្នុងតំបន់ ចំណាត់ថ្នាក់សន្ទស្សន៍ ឆ្នាំ២០២០ របស់ប្រទេសកម្ពុជា បានធ្លាក់ចុះអន់ជាង ប្រទេសថៃ (លេខ១៤០) ភូមា (លេខ១៣៩) ហ្វីលីពីន (លេខ១៣៦) ឥណ្ឌូនេស៊ី (លេខ១១៩) ខណៈប្រទេសម៉ាឡេស៊ី ទទួលបានចំណាត់ថ្នាក់ល្អជាងគេ នៅក្នុងចំណាត់ថ្នាក់ លេខ១០១។

យ៉ាងណា កម្ពុជាមានពិន្ទុ គ្រាន់ជាងប្រទេសចំនួន៤ នៅក្នុងតំបន់ ដែលសុទ្ធសឹងជាប្រទេសរាជានិយមផ្ដាច់ការ (ព្រុយណេ លេខ១៥២) ប្រទេសដឹកនាំដោយរបបឯកបក្ស (សិង្ហបូរី លេខ១៥៨) និងប្រទេសកុម្មុយនីស្ដិ៍ (ឡាវ លេខ ១៧២ – វៀតណាម លេខ១៧៥)៕



You may also like

កម្ពុជា

ហ៊ុន សែន ព្រមាន​ម្ចាស់​រោងចក្រ អំពី​ទង្វើ​ត្រូវ​និង​ខុស​ច្បាប់

នៅចំពោះកម្មករ-កម្មការិនី ក្នុងស្រុក សំរោងទង ខេត្ត កំពង់ស្ពឺ ក្នុងព្រឹកថ្ងៃទី១២ ខែធ្នូ ឆ្នាំ២០១៨ នេះ លោក ហ៊ុន សែន នាយករដ្ឋមន្ត្រីកម្ពុជា បានថ្លែងព្រមានម្ចាស់រោងចក្រ ...
កម្ពុជា

ផែង វណ្ណៈ ត្រូវ​បាន​ចាប់ខ្លួន​ទាក់ទង​ការបង្ហោះ​មួយ​អំពី ហ៊ុន សែន

៊លោក ផែង វណ្ណៈ មន្ត្រីយោធាមួយរូប ដែលគេស្គាល់ថា ជាអ្នកប្រើប្រាស់បណ្ដាញសង្គមដ៏ល្បី និងជាអ្នកគាំទ្រលោក ហ៊ុន សែន ដ៏មុតមាំនោះ ត្រូវបានកងកម្លាំងរាជអាវុធហត្ថ ចាប់ខ្លួន កាលពីព្រឹកថ្ងៃទី២ ...

Comments are closed.

កម្ពុជា

អ្នកវិភាគ​ជើងចាស់ ប្រាប់អ្នកវិភាគ​ជំនាន់ថ្មី ឲ្យយកគំរូ​តាម«ធនញ្ជ័យ»

កម្ពុជា

សម រង្ស៊ី ថាមិនខ្វល់​ពីសំដី«កូនក្នុងខោ-កូនក្រៅខោ»​របស់ កឹម សុខា

លោក សម រង្ស៊ី ប្រធានស្ដីទីគណបក្សសង្គ្រោះជាតិ បានអះអាងថា លោកមិនខ្វល់ចំពោះសំដី អ្នកទាំងឡាយណា ដែលនិយាយ​ជំនួសលោក កឹម សុខា ប្រធានគណបក្សនោះទេ បើទោះជាអ្នកនោះ ជា«កូនក្នុងខោ-កូនក្រៅខោ»របស់លោក ...
កម្ពុជា

បន្ទាប់ពី​ទទួលវ៉ាក់សាំងចិន ហ៊ុន សែន សុំជំនួយ​វ៉ាក់សាំង​ ពីប្រទេសឥណ្ឌា

មេដឹកនាំកម្ពុជា លោក ហ៊ុន សែន បាន​ស្នើ​សុំជំនួយ​វ៉ាក់សាំង​បង្ការជំងឺកូវីដ១៩ (Covid-19) ពីប្រទេសឥណ្ឌា បន្ទាប់ពីប្រទេសនេះ បានប្រកាសដាក់​ឲ្យប្រើប្រាស់យ៉ាងបន្ទាន់ នូវថ្នាំវ៉ាក់សាំងរបស់ខ្លួន ឈ្មោះ«Covaxin» និង«Covishield» សម្រាប់ពលរដ្ឋឥណ្ឌា ...