កម្ពុជាដំណឹង

Covid-19៖ ជប៉ុន​ព្យួរ​ទិដ្ឋាការ​ចំពោះ​ប្រទេស​ជាច្រើន រួមទាំង​​កម្ពុជា

រាជាណាចក្រជប៉ុន បានប្រកាសបិទទឹកដីរបស់ខ្លួន ដោយព្យួរទិដ្ឋាការ និងផ្អាក​ការផ្ដល់​ទិដ្ឋាការ សម្រាប់ជនបរទេស មកពីច្រើនប្រទេស រួមទាំង​កម្ពុជា ដើម្បីអ្វីមួយ ដែល​ប្រទេស​នេះអះអាងថា ដើម្បីពង្រឹងវិធានការ បង្ការ និងទប់ស្កាត់ជំងឺ «Covid-19» ដ៏​សាហាវ។ វិធានការនេះ មានសុពលភាពរហូតដល់ចុងខែឧសភា ឆ្នាំ២០២០ និងអាច​ត្រូវបន្ត​សុពលភាព នេះបន្ថែមទៀត។

វិធានការថ្មីចុងក្រោយ របស់រដ្ឋាភិបាលជប៉ុន ធ្វើឡើងក្នុងខណៈប្រទេសកម្ពុជា បាន​ប្រកាសថា រកមិនឃើញមានករណីថ្មី នៃការឆ្លងជំងឺ «Covid-19» តាំងពី១៨ថ្ងៃ​មកហើយ និងថា កម្ពុជា នៅសល់តែអ្នកជំងឺ «Covid-19» តែ៣នាក់ប៉ុណ្ណោះ ដែលកំពុង​សម្រាក​ព្យាបាល នៅឯមន្ទីរពេទ្យ។

សេចក្ដីប្រកាសព័ត៌មាន របស់ក្រសួងការបរទេសជប៉ុន ដែលចេញផ្សាយ នៅថ្ងៃទី២៩ ខែ​មេសា ឆ្នាំ២០២០ បានឲ្យដឹងពីការសម្រេចនោះ របស់រដ្ឋាភិបាលជប៉ុន ដោយលើកឡើង ៤ចំណុច និងបានសរសេរឲ្យដឹង ពីការចុះបញ្ជីប្រទេសទាំងដ៏ច្រើន ដែលជប៉ុនហាមឃាត់ ការធ្វើដំណើរមកកាន់ទឹកដីខ្លួន។

ព្យួរទិដ្ឋាការ និងការលើកលែងទិដ្ឋាការ សម្រាប់​ប្រទេស​ជាច្រើន រួមទាំង​កម្ពុជា

ត្រង់ចំណុចទីបី និងទី៤ នៃវិធានការព្យួរទិដ្ឋការ និងផ្អាកសុពលភាព នៃការ​លើកលែង​ទិដ្ឋាការចូលទឹកដីខ្លួន រដ្ឋាភិបាលជប៉ុនបានផ្អាកអ្នកដំណើរ មកពីប្រទេស​ជាច្រើន ក្នុងនោះ៖

  • ពលរដ្ឋ មកពីប្រទេសបង់ក្លាដេស ប៊ូតាន់ កម្ពុជា ឥណ្ឌា ឡាវ ម៉ាលឌីវ ម៉ុងហ្គោលី ភូមា ណេប៉ាល់ ប៉ាគីស្ដង់ ស្រីលង្កា និងទីម័រខាងកើត ត្រូវបានប្រទេសជប៉ុន ព្យួរទិដ្ឋាការទាំងឡាយ ដែលត្រូវបានចេញជូន នៅមុខថ្ងៃទី២ ខែមេសា ឆ្នាំ២០២០ ដោយស្ថានទូត ឬស្ថានកុងស៊ុលជប៉ុន ប្រចាំនៅក្នុងប្រទេសទាំងនោះ។
  • ពលរដ្ឋ មកពីប្រទេសបង់ក្លាដេស ព្រុយណេ កម្ពុជា ហុងកុង ឥណ្ឋា ឥណ្ឌូនេស៊ី កូរ៉េខាងត្បូង ឡាវ ម៉ាកាវ ម៉ាឡេស៊ី ម៉ុងហ្គោល ភូមា ប៉ាគីស្ដង់ សិង្ហបូរី ថៃ និងវៀតណាម ត្រូវបានព្យួរសុពលភាព នៃការលើកលែងទិដ្ឋាការចូលទឹកដីជប៉ុន។ ពលរដ្ឋនៅក្នុងប្រទេសខាងលើ ត្រូវកំណត់ឲ្យស្នើសុំទិដ្ឋាការ ពីស្ថានទូត ឬស្ថាន​កុងស៊ុល​ជប៉ុន នៅក្នុងប្រទេសទាំងនោះឡើងវិញ នៅក្នុងរយៈពេល នៃ​វិធានការនេះ។

ពលរដ្ឋមកពីប្រទេសជាច្រើនទៀត និងមកពីគ្រប់ទ្វីប ក៏ត្រូវបានរដ្ឋាភិបាលជប៉ុន ដាក់​កំហិតក្នុងការធ្វើដំណើរ ចូលទឹកដីជប៉ុនដែរ។ ក្នុងនោះ នៅត្រង់ចំណុចទី១ នៃសេចក្ដី​ប្រកាសព័ត៌មាន បញ្ជាក់ថា ជនបរទេសមកពីប្រទេសចំនួន ៨៧ នៅលើពិភពលោក ត្រូវ​បាន​ហាមឃាត់ ជាន់ទឹកដីជប៉ុន ជាបណ្ដោះអាសន្ន រាប់ទាំងជនបរទេស ដែលជិះកម្សាន្ដ ក្នុង​នាវា «Westerdam» ដែលចេញពីក្រុងហុងកុង។

ផ្ទុយទៅវិញ ជនបរទេសដែលមានសិទ្ធិរស់នៅ ក្នុងប្រទេសជប៉ុន ដែលមាន​ក្រុម​គ្រួសារ​ជាជនជាតិជប៉ុន (ឬដែលកំពុងរស់នៅ ក្នុងប្រទេសជប៉ុន) ត្រូវបានអនុញ្ញាត ឲ្យចូល​ប្រទេសជប៉ុន ដោយតម្រូវឲ្យធ្វើតេស្ដិ៍ ដើម្បីស្វែងរកជំងឺ «Covid-19» និងរស់នៅ​ដាច់​ដោយ​ឡែក ចំនួន១៤ថ្ងៃសិន នៅពេលត្រឡប់ចូល ជាន់ទឹកដីជប៉ុនភ្លាម៕



You may also like

កម្ពុជា

អង្គការ​លើកលែង​ទោស​ទម្លាយ​រូបភាព​ដ៏កម្រ នៃពន្ធនាគារ​«អន្សម»​កម្ពុជា

រូបភាពដ៏កម្រ នៃពន្ធនាគារ«អន្សម»មួយ នៅកម្ពុជា ត្រូវបានអង្គការលើកលែងទោសអន្តរជាតិ (Amnesty International) យកមកបង្ហោះ នៅពាសពេញបណ្ដាញសង្គម កាលពីម្សិលម៉ិញ។ រូបភាពវីដេអូ ប្រមាណជា១៥វិនាទីនោះ ត្រូវបានថតចេញ ពីពន្ធនាគារមួយកន្លែង ...
ដំណឹង

របាយការណ៍ អ.ស.ប៖ កម្ពុជា​ខាតបង់​បើ​អង់គ្លេស​ចេញ​«ឆៅ»ពី EU

ការចាកចេញ«ឆៅ»របស់ចក្រភពអង់គ្លេស ពីសហភាពអ៊ឺរ៉ុប ដោយគ្មានកិច្ចព្រមព្រៀង (No-Deal) បង្កឲ្យមានផលចំណេញ ដល់ប្រទេសមួយចំនួន និងការខាតបង់សម្រាប់ប្រទេសមួយចំនួនទៀត ដែលក្នុងនោះ មានប្រទេសកម្ពុជាមួយផង។ នេះ បើតាមរបាយការណ៍មួយ របស់ស្ថាប័ន «UNCTAD» ...
ដំណឹង

អង្គការ​«PETA»​ព្រមានពី​«Covid-19»​តាម​ផ្សារ​សត្វព្រៃ នៅ​អាស៊ាន

បើសិនជាជំងឺ «Covid-19» បានផ្ទុះចេញពីទីផ្សារមួយ ដែលលក់សាច់សត្វព្រៃ នៅ​កណ្ដាល​ក្រុង វូហាន (Wuhan) នៃប្រទេសចិននោះ ទីផ្សារសត្វព្រៃទាំងឡាយ នៅតាម​បណ្ដា​ប្រទេស នៅ​អាស៊ាន មិនត្រូវបានអាជ្ញាធរ នៅក្នុងប្រទេសទាំងនេះ ...

Comments are closed.

កម្ពុជា

អ្នកវិភាគ​ជើងចាស់ ប្រាប់អ្នកវិភាគ​ជំនាន់ថ្មី ឲ្យយកគំរូ​តាម«ធនញ្ជ័យ»

កម្ពុជា

សម រង្ស៊ី ថាមិនខ្វល់​ពីសំដី«កូនក្នុងខោ-កូនក្រៅខោ»​របស់ កឹម សុខា

លោក សម រង្ស៊ី ប្រធានស្ដីទីគណបក្សសង្គ្រោះជាតិ បានអះអាងថា លោកមិនខ្វល់ចំពោះសំដី អ្នកទាំងឡាយណា ដែលនិយាយ​ជំនួសលោក កឹម សុខា ប្រធានគណបក្សនោះទេ បើទោះជាអ្នកនោះ ជា«កូនក្នុងខោ-កូនក្រៅខោ»របស់លោក ...
កម្ពុជា

បន្ទាប់ពី​ទទួលវ៉ាក់សាំងចិន ហ៊ុន សែន សុំជំនួយ​វ៉ាក់សាំង​ ពីប្រទេសឥណ្ឌា

មេដឹកនាំកម្ពុជា លោក ហ៊ុន សែន បាន​ស្នើ​សុំជំនួយ​វ៉ាក់សាំង​បង្ការជំងឺកូវីដ១៩ (Covid-19) ពីប្រទេសឥណ្ឌា បន្ទាប់ពីប្រទេសនេះ បានប្រកាសដាក់​ឲ្យប្រើប្រាស់យ៉ាងបន្ទាន់ នូវថ្នាំវ៉ាក់សាំងរបស់ខ្លួន ឈ្មោះ«Covaxin» និង«Covishield» សម្រាប់ពលរដ្ឋឥណ្ឌា ...