កម្ពុជាដំណឹង

សម រង្ស៊ី៖ ពលរដ្ឋត្រូវ​«ទម្លាក់ ហ៊ុន សែន»​ដូច​មេដឹកនាំ​ផ្ដាច់ការ​ផ្សេងទៀត


មេដឹកនាំប្រឆាំង លោក សមរង្ស៊ី បានថ្លែងឡើងថា ប្រជារាស្ត្រកម្ពុជា ដែលមាន​ការគាំទ្រ​ពីកងទ័ព«ស្នេហាជាតិ» ត្រូវរួមគ្នា«ទម្លាក់»លោកនាយករដ្ឋមន្ត្រី ហ៊ុន សែន ចេញពី​តំណែង ដូចពលរដ្ឋក្នុងប្រទេសជាច្រើន ដែលបានទម្លាក់​មេដឹកនាំ​ផ្ដាច់ការរបស់ពួកគេ ចេញពី​តំណែង​ជាបន្តបន្ទាប់។

លោក សម រង្ស៊ី បានអះអាងដូច្នេះ នៅលើទំព័រហ្វេសប៊ុករបស់លោក ដោយធ្វើការធៀប ទៅនឹងការបណ្ដេញ លោកប្រធានាធិបតី «Omar al-Bashir» ចេញពីតំណែងក្នុងសប្តាហ៍​នេះ នៅឯប្រទេសស៊ូដង់។

ជាមួយនឹងរូបភាព ដែលបង្ហាញពីមេដឹកនាំទាំង១០នាក់ ដែលបាន និងកំពុង​កាន់​តំណែង​យូរជាងគេ នៅក្នុងពិភពលោកនោះ លោក សម រង្ស៊ី បានសរសេរថា៖

«មេដឹកនាំផ្តាច់ការម្នាក់ទៀត ក្នុងពិភពលោក ទើបតែធ្លាក់ពីតំណែង ក្នុងសប្តាហ៍នេះ តាម​ការទាមទាររបស់ប្រជារាស្ត្រ គឺ “Omar al-Bashir (អូម៉ារ អាល់-បាហ្សៀ)” នៅប្រទេស “Sudan (ស៊ូដង់)”។ ប្រទេសទាំង ១០ ក្នុងពិភពលោក ដែលមានមេដឹកនាំ ជាមនុស្ស​តែមួយ​ដដែល ដែលកាន់អំណាចយូរជាងគេ សុទ្ធតែជាប្រទេសផ្តាច់ការជាងគេ ពុករលួយ​ជាងគេ ក្រីក្រជាងគេ និងអន់ថយជាងគេ។»

គូបដិបក្ខនយោបាយដ៏ស្រួចស្រាវ របស់លោក ហ៊ុន សែន បានបន្តថា៖

«បើចង់ឲ្យប្រទេសកម្ពុជា ក្លាយទៅជាប្រទេសសម្បូរសប្បាយ ដោយមានសេរីភាព និង​យុត្តិធម៌ ដូចប្រទេសជឿនលឿនក្នុងពិភពលោក ប្រជារាស្ត្រខ្មែរ ដោយមានការគាំទ្រ ពីកង​កម្លាំងប្រដាប់អាវុធស្នេហាជាតិ ត្រូវតែ”ទម្លាក់”ជនផ្តាច់ការ និងជនក្បត់ជាតិ ហ៊ុន សែន ពីតំណែង ឲ្យបានកាន់​តែឆាប់ កាន់តែល្អប្រសើរ សម្រាប់ប្រទេសជាតិយើង។»

១២ មេសា ២០១៩ / 12 April 2019 មេដឹកនាំផ្តាច់ការម្នាក់ទៀត ក្នុងពិភពលោក ទើបតែធ្លាក់ពីតំណែង ក្នុងសប្តាហ៍នេះ…

Publiée par Sam Rainsy sur Vendredi 12 avril 2019


មិនប្រាកដថា លោក ហ៊ុន សែន សប្បាយចិត្តនឹងសារខាងលើ របស់លោក សម រង្ស៊ី នោះ​ទេ។ ប៉ុន្តែនៅក្នុងឱកាស នៃពិធីបុណ្យចូលឆ្នាំថ្មី ដែលនឹងមកដល់​ក្នុងប៉ុន្មានថ្ងៃ​ខាងមុខ​នេះ លោកនាយករដ្ឋមន្ត្រីអាចនឹងមិនតបត ក្នុងពេលភ្លាមៗនេះឡើយ។

យ៉ាងណា ជាច្រើនលើកច្រើនសារ បុរសខ្លាំងកម្ពុជាតែងប្រកាសថា លោកនឹងនៅកាន់​តំណែង យ៉ាងហោចណាស់ ក៏មួយអាណត្តិកន្លះទៅមុខទៀតដែរ ខណៈតាំងពីច្រើនខែ​មក​ហើយ គេឃើញលោកបានឲ្យកូនៗរបស់លោក ឡើងកាន់តំណែងសំខាន់ៗ​សឹងតែ​ទាំងអស់៕



លំអិតបន្ថែមទៀត

កម្ពុជា

មេដឹកនាំរដ្ឋាភិបាល«ពាក់ម៉ាស់» ទៅ​ទទួល​ព្រះរាជា​យាង​ត្រឡប់​ពីចិន

«ពាក់ម៉ាស់» ៖ ពិធីទទួលព្រះមហាក្សត្រ សម្ដេច នរោត្ដម សីហមុនី និងព្រះមហាក្សត្រី សម្ដេច មុនីនាថ សីហនុ ដែលយាងត្រឡប់ ពីប្រទេសចិន ក្នុងរសៀលថ្ងៃចន្ទនេះ ...
កម្ពុជា

CPP បដិសេធ​ឯកសារមួយ ដែលអះអាង​ជាផ្ទៃក្នុង​បក្ស​ហើយ​គាំទ្រ ​សម រង្ស៊ី

តាំងពីព្រឹកម៉ិញនេះមក ឯកសារមួយដែលសរសេរក្រោមស្លាកសញ្ញា របស់គណបក្សប្រជាជនកម្ពុជា ( CPP ) និងមានដាក់ឈ្មោះថា «អ្នកស្នេហាជាតិ គណបក្សប្រជាជនកម្ពុជា» ត្រូវបានទំព័រហ្វេសប៊ុកមួយឈ្មោះ «Ar Kambang Knong ...
កម្ពុជា

សម រង្ស៊ី ថាបើ អ៊ូ ច័ន្ទរ័ត្ន មិនចេះខ្មាស មក​ចូលរួម​បាតុកម្មភ្លើង​ទៀន​ចុះ

ការមិនស្វាគមន៍លោក អ៊ូ ច័ន្ទរ័ត្ន និងមន្ត្រីមួយរូបទៀត របស់គណបក្សសង្គ្រោះជាតិ ដែលទើបនឹងទទួលបានសិទ្ធិ ធ្វើនយោបាយឡើងវិញ ពីព្រះមហាក្សត្រ តាមការស្នើសុំ ពីលោកនាយករដ្ឋមន្ត្រី ហ៊ុន សែន នោះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...