បុរសខ្លាំងកម្ពុជា បានបង្ហើបនៅថ្ងៃនេះ ថាមាន«អាអ្នកខ្លះ» ដែលកំពុងនៅជា​ប់ឃុំក្នុងផ្ទះ បានព្រមានមន្ត្រីខ្លួនឯង កុំឲ្យ​«សុំសិទ្ធិ​ធ្វើនយោបាយ»។ បើគេមិនច្រឡំទេ «អាអ្នកខ្លះ» ដែលនាយករដ្ឋមន្ត្រីកម្ពុជាសំដៅនោះ គឺលោក កឹម សុខា ប្រធានគណបក្ស​សង្គ្រោះជាតិ ដែលកំពុងជាប់ឃុំ នៅក្នុងគេហដ្ឋានលោក ក្នុងរាជធានីភ្នំពេញ រហូតមកដល់​ថ្ងៃនេះ។

ថ្លែងក្នុងព្រឹកថ្ងៃចន្ទទី២៥ ខែមិនា ឆ្នាំ២០១៩នេះ នៅក្នុងពិធីប្រគល់សញ្ញាបត្រ ដល់និស្សិត​សាកលវិទ្យាល័យ​ភ្នំពេញអន្តរជាតិ (PPIU) នៅវិទ្យាស្ថានជាតិអប់រំ រាជធានីភ្នំពេញ លោក ហ៊ុន សែន បានទម្លាយរឿងនេះ ចេញមក ដោយលាយឡំ​ទាំងការព្រមាន ដូច្នេះថា៖

«មានអាអ្នកខ្លះ​ នៅឃុំក្នុងផ្ទះនៅឡើយ ប៉ុន្តែព្រមានគេ កុំឲ្យគេ សុំសិទ្ធិ​ធ្វើនយោបាយ ។ ចាំហ្អែងរួចខ្លួនទៅ… អញមិនឲ្យហ្អែងរួចខ្លួនទេ។ តែតុលាការកាត់ហើយ គ្មានរញ៉េរញ៉ៃ។ វាមិនដែលភ្ជាប់ខ្លួនហើយ… សុទ្ធតែជេរគេ​អាក្បត់ជាតិ អាលក់ខ្លួន អាលក់​សតិសម្បជញ្ញៈ… គ្រប់សព្វហើយ លាបពណ៌​ឲ្យអតីតសហការី​ខ្លួនឯង។»

ជំនួយការរបស់លោក កឹម សុខា គឺលោក ហ៊ីង សុខសាន្ដ បានប្រតិកម្មយ៉ាងខ្លី តបលោក ហ៊ុន សែន វីញថា បុរសខ្លាំងរូបនេះកំពុងខឹង ព្រោះមានមនុស្ស ចេញសុំសិទ្ធិ​ធ្វើនយោបាយ​ពីលោក មានចំនួនតិចពេក។

មិនចាំបាច់លោក កឹម សុខា​ ហាមពួកយេីងនោះទេ គឺពួកយេីងមិនទៅសុំខណៈពេលប្រធានខ្លួនគ្មានសេរីភាពឡេីយ——-ហ្អា!…

Posted by Hing Soksan on Sunday, March 24, 2019

លោក ហ៊ុន សែន ទម្លាយ​ពីជំហរ​ជំនួស​លោក កឹម សុខា​ រឿង​«សុំសិទ្ធិធ្វើនយោបាយ»?

លោក កឹម សុខា មិនដែលបានបង្ហាញជំហររបស់លោក ដោយផ្ទាល់ជាសាធារណៈ ម្ដងណាឡើយ រាប់ពីពេល​ដែលលោក​ត្រូវបានផ្ទេរ​យកមកឃុំ នៅក្នុងគេហដ្ឋានរបស់លោក។ មានការបង្ហោះតិចតួច នៅលើទំព័រហ្វេសប៊ុក របស់ប្រធានគណបក្សប្រឆាំង កាលពីដើមឆ្នាំនេះ តែមិនមែនជាការបង្ហោះ ដែលមានជាប់ទាក់ទង នឹងនយោបាយទេ។ 

កន្លងមក លោក សម រង្ស៊ី ធ្លាប់បានអះអាងដែរថា រឿងដែលលោក ហ៊ុន សែន ខឹងលោក កឹម សុខា ខ្លាំងបំផុតនោះ គឺលោក កឹម សុខា មិនសុខចិត្តបែកពីលោកដាច់ខាត។ មេដឹកនាំប្រឆាំង បានថ្លែងពីក្រៅប្រទេសថា បើលោក កឹម សុខា សុខចិត្តតែបន្តិច លោក ហ៊ុន សែន នឹងដោះលែងលោក កឹម សុខា ភ្លាម ហើយបន្ទាប់មក ប្រព័ន្ធបំពងសម្លេង​នៅកម្ពុជា នឹងយកព្រឹត្តិការណ៍នេះ ផ្សាយចេញយ៉ាងគគ្រឹកគគ្រេង ជាមិនខាន។

មន្ត្រីតុលាការ និងអ្នកនាំពាក្យក្រសួងយុត្តិធម៌ ក្នុងពេលកន្លងមកបានប្រកាសថា លោក កឹម សុខា មិនត្រូវបានឃុំខ្លួនទេ ដោយគ្រាន់តែដាក់​ក្រោម​ការឃ្លាំមើល តាមផ្លូវតុលាការប៉ុណ្ណោះ។

សម្រាប់លោក អេង ឆៃអ៊ាង អនុប្រធានគណបក្សសង្គ្រោះជាតិ បានហៅការទម្លាយចេញ របស់លោក ហ៊ុន សែន ថាជាការទទួលស្គាល់ថា លោក កឹម សុខា ពិតជាត្រូវឃុំខ្លួន នៅក្នុងគេហដ្ឋាន ពិតប្រាកដ៕

ថ្ងៃទី២៥ ខែមីនា ឆ្នាំ២០១៩ —————————- ថ្ងៃនេះ លោក ហ៊ុន សែន បានប្រកាសទទួលស្គាល់ថា លោកប្រធាន កឹម សុខា ពិតជាកំពុងជាប់ឃុំឃាំងនៅក្នុងផ្ទះ ។

Posted by Eng Chhai Eang on Sunday, March 24, 2019


លំអិតបន្ថែមទៀត

ទស្សនៈប្រិយមិត្ត

ទស្សនៈ៖ នយោបាយ​ជា​«រឿង​​ខ្មៅកខ្វក់» ដែល​ពលរដ្ឋ​មិន​គួរ​បៀត​ឬ?

«រឿង​​ខ្មៅកខ្វក់» ផ្នត់គំនិតដែលមិនពេញចិត្តស្អប់ខ្ពើម ចំពោះនយោបាយ មិនមែនកើតមាន តែនៅក្នុង​ប្រទេស​កម្ពុជាទេ ពោលគឺកើតមាន នៅលើពិភពលោកមួយភាគធំ ជាពិសេស គឺនៅបណ្តាប្រទេសដែលក្រីក្រ និងពលរដ្ឋ​មិនសូវ​មានចំណេះដឹងខ្ពស់។ ពួកគេបានចាត់ទុក​ការងារនយោបាយថា ជាការងារខ្មៅកខ្វក់ និងកាចសហាវ​ជាទីបំផុត ...
កម្ពុជា

ហ៊ុន សែន អះអាង​មិនយក​«សន្តិភាព ឯករាជ្យភាព និងបូរណភាព»​ជាថ្នូរ​

មេដឹកនាំរបបក្រុងភ្នំពេញ លោក ហ៊ុន សែន បានអះអាងនៅថ្ងៃសៅរ៍នេះ ថារបបដឹកនាំរបស់លោក នឹងមិនយក «សន្តិភាព ឯករាជ្យភាព និងបូរណភាព» នៃប្រទេសកម្ពុជា ទៅដូរនឹងអ្វីមួយជាដាច់ខាត។ ការអះអាងរបស់លោក ...
កម្ពុជា

ហ៊ុន សែន ថានឹងប្រើ​«កាំភ្លើងយន្ដ»​បាញ់ សម រង្ស៊ី បើចូលស្រុក​តាមព្រំដែន

លោកនាយករដ្ឋមន្ត្រី ហ៊ុន សែន បានប្រកាសនៅថ្ងៃចន្ទនេះ ថាលោកនឹងបញ្ជា​ឲ្យប្រើ«កាំភ្លើងយន្ដ» ដែលដាក់សម្រាប់ការពារព្រំដែន ដើម្បីបាញ់លោក សម រង្ស៊ី ប្រសិនជាមេដឹកនាំប្រឆាំងរូបនេះ ធ្វើមាតុភូមិនិវន្តន៍តាមព្រំដែនគោក។ ថ្លែងដោយមិនបញ្ចេញឈ្មោះ នៅក្នុងពិធីប្រគល់សញ្ញាបត្រ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.