កំណាព្យ កម្រងកែវកំសាន្ដ

កំណាព្យភរិយាសកម្មជន៖ «ឈឺ​ឆ្អាល​រឿង​ជាតិ ឃ្លាតគ្រួសារ»

អ្នកស្រី គា ស៊ី​សុគន្ធី (ភរិយា) និងលោក ម៉ៃ ហុងស្រៀង (ស្វាមី)។ (រូបថតហ្វេសប៊ុក)
អ្នកស្រី គា ស៊ី​សុគន្ធី (ភរិយា) និងលោក ម៉ៃ ហុងស្រៀង (ស្វាមី)។ (រូបថតហ្វេសប៊ុក)

ឃ្លាតគ្រួសារ – អ្នកស្រី គា ស៊ី​សុគន្ធី ភរិយាលោក ម៉ៃ ហុងស្រៀង សកម្មជនគណបក្សប្រឆាំង ដែលត្រូវអាជ្ញាធររបបក្រុងភ្នំពេញ ចាប់ខ្លួនយកទៅឃុំ ជាបណ្ដោះអាសន្ន នៅក្នុងពន្ធនាគារព្រៃស បានបង្ហោះ​នៅលើ​គណនី​ហ្វេសប៊ុក​អ្នកស្រី នូវកំណាព្យខ្លីមួយ តែអាចមានន័យ​ចាក់បេះដូង សម្រាប់ប្រិយមិត្តទាំងឡាយ ដែលបានអានវា។

កំណាព្យ (ឬកម្រងកែវ) នោះ មានខ្លឹមសារទាំងស្រុង ដូចខាងក្រោម៖

ឈឺឆ្អាលរឿងជាតិ ឃ្លាតគ្រួសារ
ពុំដែលគិតថា ខ្លួនបានសុខ
កូនប្រពន្ធអើយ ចូរចាំទុក
រឹងមាំមុះមុត កុំរួញរា
យើងឃ្លាតកាយពិត ចិត្តឥតឃ្លាតឃ្លា
សូមស្ងួនពុំងារ ថែខ្លួនប្រាណ។

កុំពិបាកចិត្ត ណាកល្យាណ
អូនបានធ្វើតាម បណ្ដាំបងហើយ
ឲ្យតាំងស្មារតី កុំតក់ស្លុត
កុំភ័យរន្ធត់ រឿងនេះអី
មើលថែកូនស្ងួន ទាំងប្រុសស្រី
ឲ្យមានរស្មី ណាអូនណា។

បើតាមការអះអាង របស់អ្នកស្រី តាមរយៈវិទ្យុអាស៊ីសេរី កាលពីម្សិលម៉ិញ បានឲ្យដឹងថា អ្នកស្រីបាន​មក​ឈរ​ចាំមើល​ប្ដី នៅ​មុខ​សាលា​ដំបូង​រាជធានី​ភ្នំពេញ អស់រយៈពេលជាច្រើនថ្ងៃ​ មុននឹងដឹងនៅទីបំផុត ថាស្វាមីត្រូវបញ្ជូនទៅឃុំខ្លួន នៅពន្ធនាគារព្រៃស រួចជាស្រេចហើយ។ បន្ទាប់ពីបានចូលជួបស្វាមី នៅក្នុងពន្ធនាគាររួច អ្នកស្រីអះអាងថា នឹងវិលត្រឡប់ ទៅមើលថែរក្សាកូនតូចៗ ទាំងបីនាក់ នៅឯខេត្តព្រះសីហនុវិញ។

សកម្មជនគណបក្សសង្គ្រោះជាតិ លោក ម៉ៃ ហុងស្រៀង ត្រូវ​បានកងកម្លាំង នៃរបបក្រុងភ្នំពេញ ​ចាប់ខ្លួននៅយប់ថ្ងៃទី៣០ ចូលមកថ្ងៃទី៣១ ខែកក្កដា ឆ្នាំ២០១៩ ក្នុងរាជធានីភ្នំពេញ។ បុរសអាយុ៣៧ឆ្នាំរូបនេះ ត្រូវបានលោក រៀល សុភិន ចៅក្រម​ស៊ើបសួរ​ នៃ​សាលាដំបូង​រាជធានី​ភ្នំពេញ ​សម្រេច​ចោទ​ប្រកាន់ កាល​ពី​រសៀល​ថ្ងៃ​ទី១ ខែ សីហា ពី​បទ«ជេរប្រមាថ» លោក ហ៊ុន សែន និងបទ«​ញុះញង់» នៅតាម​បណ្ដាញ​សង្គម៕



លំអិតបន្ថែមទៀត

កម្ពុជា

សម រង្ស៊ី៖ ស្ដេច​«ទន់ជ្រាយ»​បែបនេះ គឺ​«ឥតប្រយោជន៍»​សម្រាប់​ប្រទេស

សម្រាប់លោក សម រង្ស៊ី ព្រះមហាក្សត្រកម្ពុជាសព្វថ្ងៃ ជាស្ដេច«ទន់ជ្រាយ» «ឥតប្រយោជន៍» ព្រោះ«សំងំសុខតែនៅក្នុងវាំង» និង«មិនដែលឈឺឆ្អាល» អំពីបញ្ហារាស្ត្រម្ដងណាទេ។ មេដឹកនាំប្រឆាំង បានថ្លែងដូច្នេះ នៅក្នុងប្រតិកម្មមួយរបស់លោក ដែលលោកបង្ហោះ ...
កម្ពុជា

អ្នកជំនាញ អ.ស.ប «រន្ធត់ចិត្ត»​ចំពោះ​ការផ្ដន្ទាទោស​ លើមេដឹកនាំប្រឆាំង

អ្នកជំនាញអង្គការសហប្រជាជាតិ (អ.ស.ប) ចំនួនបួននាក់ បានសំដែងក្ដី«រន្ធត់ចិត្ត» នៅចំពោះការផ្ដន្ទាទោស លើ​មេដឹកនាំប្រឆាំង​ចំនួន៩នាក់ ពីសំណាក់សាលាដំបូងរាជធានីភ្នំពេញ កាលពីដើមសប្ដាហ៍នេះ ដោយហៅការសម្រេច​របស់តុលាការនោះ ថាបានធ្វើឡើង មិនសមាមាត្រ និងខ្វះមូលដ្ឋានច្បាប់ច្បាស់លាស់។ ការលើកឡើងរបស់ក្រុមអ្នកជំនាញ ...
កម្ពុជា

សម រង្ស៊ី ស្នើ EU ឲ្យបន្ត​សម្ពាធ​លើ​ក្រុង​ភ្នំពេញ ​រហូត កឹម សុខា ត្រូវ​បាន​ដោះលែងនិង CNRP មាន​ដំណើរការ​ឡើង​វិញ

ប្រធានស្ដីទីគណបក្សសង្គ្រោះជាតិ បានផ្ញើរលិខិតមួយ ទៅកាន់តំណាងជាន់ខ្ពស់ នៃសហភាពអ៊ឺរ៉ុប ទទួលបន្ទុកកិច្ចការបរទេស និងគោលនយោបាយសន្ដិសុខ អ្នកស្រី ហ្វេឌឺរីកា មូហ្គេរីនី (Federica Mogherini) ដើម្បីពន្យល់ ពីការវិវត្តន៍ចុងក្រោយ ...

Comments are closed.