កម្ពុជាដំណឹង

ទីប្រឹក្សា​នាយករដ្ឋមន្ត្រី​ប្រាប់​មន្ត្រី​ប្រឆាំង គួរ​«ចោលឆ្អឹង»​នៅក្រៅ​ប្រទេស

លោក ជុំ កុសល ទីប្រឹក្សានាយករដ្ឋមន្ត្រីកម្ពុជា និងជារដ្ឋលេខាធិការក្រសួងព័ត៌មាន បានផ្ដល់យោបល់ ឲ្យថ្នាក់ដឹកនាំគណបក្ស​ប្រឆាំង គប្បី«ចោលឆ្អឹង»នៅក្រៅប្រទេស ដើម្បីអ្វីមួយ ដែលមន្ត្រីរដ្ឋាភិបាលរូបនេះ អះអាងថា ជាការរស់នៅសុខសាន្ដ របស់ប្រជាពលរដ្ឋកម្ពុជា។

ការលើកឡើងរបស់លោក ជុំ កុសល ធ្វើឡើងដើម្បីប្រតិកម្មតប ទៅអនុប្រធានគណបក្សសង្គ្រោះជាតិ លោក អេង ឆៃអ៊ាង ដែលបានបង្ហោះសារខ្លីមួយ កាលពីព្រឹកម៉ិញ នៅលើបណ្ដាញសង្កមថា «ទីក្រុងគុជ នៃប្រទេសហង្សសេដ្ឋកិច្ច ពេលភ្លៀងលិចទឹក រដូវក្តៅដាច់ទឹក ដាច់ភ្លើង !»។

នៅចំពោះសារខ្លី តែមានន័យបែប«ចំអក»ខាងលើ ទីប្រឹក្សានាយករដ្ឋមន្ត្រី ដែលល្បីខាងធ្វើអត្ថាធិប្បាយនយោបាយ ផ្អៀងទៅគណបក្សកាន់អំណាច បានថ្លែងថា អ្វីដែលក្រុមប្រឆាំងត្រូវធ្វើ គឺ«បំផ្លាញ» តាមគ្រប់មធ្យោបាយ និងគ្រប់រូបភាព។

លោក ជុំ កុសល បានសរសេរតប នៅលើគណនីហ្វេសប៊ុករបស់លោកវិញថា៖ 

«ក្នុងខួរក្បាលរបស់ អ៊ាង ឯងនិងគូកន គឺវាដិតដាមដោយលាមកទៅហើយ មិនដែលនិយាយចេញ ពាក្យវិជ្ជមានមួយម៉ាត់ ចំពោះប្រទេសជាតិឯងឡើយ! អ្វី ដែល អ៊ាង ឯងនិងក្រុមខ្លួនត្រូវធ្វើ គឺ “បំផ្លាញ” បំផ្លាញតាមគ្រប់មធ្យោបាយ និងគ្រប់រូបភាព ទើបអស់ឯងបានស្ងប់។»

មន្ត្រីរដ្ឋាភិបាលកម្ពុជា បានថ្លែងថា៖

«បើជ្រុលតែឯងមើលឃើញ អីចឹងទៅហើយ គប្បីចោលឆ្អឹង នៅក្រៅប្រទេស តែម្តងទៅ កុំបាច់ចូលមកវិញ។ (…) កម្ពុជានៅពេលបាត់រូបពួកអស់ឯង ពីក្នុងប្រទេសទៅ គឺប្រជាពលរដ្ឋរស់នៅបានសុខសាន្ត ល្អប្រសើរជាងកាលពួកឯងនៅ។»

ការលើកឡើរបស់លោក ជុំ កុសល ទទួលបានការបន្ទរ ពីលោក ផៃ ស៊ីផាន អ្នកនាំពាក្យរដ្ឋាភិបាលកម្ពុជា ដែលចូលមកដាក់មតិយោបល់ ហៅលោក អេង ឆៃអ៊ាង ថា៖

«អាចង្រៃ ខ្ញុំបរទេស៕»

បើជ្រុលតែឯងមើលឃើញ អីចឹងទៅហើយ គប្បី”ចោលឆ្អឹង”នៅក្រៅប្រទេស តែម្តងទៅ កុំបាច់ចូលមកវិញ ។…

Publiée par Kosal Chum sur Vendredi 26 avril 2019


លំអិតបន្ថែមទៀត

កម្ពុជា

ផៃ ស៊ីផាន ថា​គ្មាន​ភាព​ចាំបាច់​ចាប់ខ្លួន​អ្នក​រៀបចំ​ទទួល សម រង្ស៊ី នៅ​កូរ៉េ​ទេ

បន្ទាប់ពីគម្រាមរួច នៅមុននេះបន្តិច លោក ផៃ ស៊ីផាន បានប្ដូរជំហរវិញថា របបដឹកនាំក្រុងភ្នំពេញ ដែលមានរូបលោកជាអ្នកនាំពាក្យ គ្មានភាពចាំបាច់ក្នុងការចាប់ខ្លួន ក្រុម«មេក្លោង» ដែលរៀបចំទទួលមេដឹកនាំប្រឆាំង លោក សម ...
ដំណឹង

ស្ថានទូត​អាមេរិក​និយាយ​ពី «ការ​ទូត​អន្ទាក់​បំណុល»​របស់​ចិន

រដ្ឋាភិបាល​និងស្ថានទូតអាមេរិក បានចែករំលែករបាយការណ៍ស្រាវជ្រាវមួយ របស់ក្រុមអ្នកជំនាញ មកពី​សាកល​វិទ្យាល័យ «ហាវើដ៍ (Harvard)» ដែលនិយាយពី​«ការទូតអន្ទាក់បំណុល»​របស់ប្រទេសចិន ដែលជា​រឿយៗ ទទួលបានលទ្ធផល ជាផ្លែផ្កា​ត្រឡប់​មកវិញ ដោយប្រទេស​កូនបំណុល ត្រូវលុតជង្គង់​នៅទីបំផុត នៅចំពោះ​ប្រទេសចិន ...
របាយការណ៍

អង់គ្លេស​មិនយល់ព្រម ការយកពន្ធ​​អង្ករ​​កម្ពុជា​​ឡើងវិញ ពីសំណាក់ EU?

ទីប្រឹក្សាអមនាយករដ្ឋមន្ត្រីកម្ពុជា គឺលោក ជុំ កុសល ដែលជាអ្នកធ្វើអត្ថាធិប្បាយនយោបាយ ដ៏ល្បីល្បាញ នៅតាមកញ្ចក់ទូរទស្សន៍ក្នុងស្រុក បានរៀបរាប់ថា ចក្រភពអង់គ្លេស បានសំដែងការមិនយល់ស្រប ក្នុង«ការយកពន្ធ​​អង្ករ​​កម្ពុជា​​ឡើងវិញ» ដែលសម្រេចឡើង ដោយសហភាពអ៊ឺរ៉ុប ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.