នៅលើបណ្ដាញសង្គម លោកនាយករដ្ឋមន្ត្រី ហ៊ុន សែន បានផ្ដល់ដំណឹងរបស់លោក តាមរយៈរូបថតច្រើនសន្លឹក ដោយអមមកជាមួយ នូវសារខ្លីប៉ុន្មានម៉ាត់ ដើម្បីបញ្ជាក់ថា លោក«មានសុខភាពល្អ» ក្នុងរលកទី៣ នៃការរាតត្បាត​ជំងឺកូវីដ-១៩ (Covid-19) ឬហៅថា​«ព្រឹត្តិការណ៍​​សហគមន៍២០កុម្ភៈ»។

សារខ្លីនោះ មានអត្ថន័យ ដូចការដកស្រង់ទាំងស្រុងខាងក្រោមថា៖

«ម្នាក់ឯងបានហើយ ក្នុងសម័យជម្ងឺឆ្លងកូវីដ១៩។ ៣កុំនិង៣ការពារ ជាវិធីការពារដ៍មានប្រសិទ្ធភាពបំផុត។»

ម្នាក់ឯងបានហើយក្នុងសម័យជម្ងឺឆ្លងកូវីដ១៩។៣កុំនិង៣ការពារជាវិធីការពារដ៍មានប្រសិទ្ធភាពបំផុត។

Posted by Samdech Hun Sen, Cambodian Prime Minister on Sunday, March 14, 2021

យ៉ាងណា តាមរយៈរូបថតជាច្រើនសន្លឹកនោះ បានបង្ហាញដែរថា លោក ហ៊ុន សែន ហាក់មានសាច់ឈាម​ធាត់​ជាង​មុន និងនៅតែមាន​ពាក់ខ្សែក្រវ៉ាត់ ដើម្បីការពារចង្កេះរបស់លោក ដែលធ្លាប់មានបញ្ហាធ្ងន់ធ្ងរ ក្នុងពេលកន្លងមក។

រូបភាពខាងក្រោម បង្ហាញពីស្ថានភាពចង្កេះ របស់បុរសខ្លាំងនៅកម្ពុជា ដែលវំព័ទ្ធការពារដោយខ្សែក្រវ៉ាត់ នៅខណៈ​លោកចេញ ទៅព្យាបាលខ្លួន​​នៅក្នុងប្រទេសសិង្ហបូរី នាខែកក្កដា ឆ្នាំ២០១៧។

បុរសខ្លាំងអាយុ៦៨ឆ្នាំ ដែលអង្គុយក្នុងអំណាច តាំងពីទសវត្សរ៍ឆ្នាំ៨០ ធ្លាប់បានអះអាង កាលពីចុងខែធ្នូ ឆ្នាំ២០១៨ថា ដោយសារបញ្ហានៅត្រង់ចង្កេះរបស់លោក ទើបគ្រូពេទ្យបានហាមលោក មិនឲ្យឈរនិងអង្គុយយូរ ជាពិសេសមិនឲ្យលោកលេងកីឡាវាយកូនហ្គោល ក្នុងរយៈពេលមួយខែ នៃការព្យាបាលជំងឺនេះ៕



You may also like

កម្ពុជា

អ៊ូ វីរៈ៖ ព្រឹទ្ធសមាជិក​ប្រចាំរដ្ឋ មិនមែន​ជា​សមាជិក​ព្រឹទ្ធសភា​អាមេរិក​ទេ

អ្នកវិភាគបញ្ហានយោបាយ និងសង្គម លោក អ៊ូ វីរៈ បានថ្លែងអះអាងថា ព្រឹទ្ធសមាជិក​ប្រចាំរដ្ឋ នៅសហរដ្ឋអាមេរិក មិនមែនជាសមាជិកព្រឹទ្ធសភា នៃសហរដ្ឋអាមេរិកនោះទេ។ ការលើកឡើងរបស់អ្នកវិភាគ ធ្វើឡើងបន្ទាប់ពីប្រព័ន្ធបំពងសម្លេង របស់របបក្រុងភ្នំពេញ ...
វិភាគ អត្ថាធិប្បាយ

អ្នកវិភាគ៖ «ជំនួប»ធ្វើឲ្យ ហ៊ុន សែន ​ចំណេញ តែ កឹម សុខា គិត​ជ្រៅ

ទិដ្ឋភាព«ជំនួប»ផ្ទាល់មុខ រវាងលោកនាយករដ្ឋមន្ត្រី ហ៊ុន សែន និងមេដឹកនាំ គណបក្ស​ប្រឆាំង លោក កឹម សុខា ក្នុងពិធីបុណ្យសព ម្ដាយក្មេកលោក ហ៊ុន សែន ...
កម្ពុជា

ខៀវ កាញារីទ្ធ៖ «អ្នកវិភាគខ្លះ ហេតុតែ​ចង់បាន​អំណាច បន់ឲ្យខ្មែរស្លាប់»

តើអ្នកវិភាគរូបណាទៅ រងការឌឺដង ពីរដ្ឋមន្ត្រីព័ត៌មាន របស់ប្រទេសកម្ពុជា? ការឌឺដងនោះ រហូតលោករដ្ឋមន្ត្រីសន្និដ្ឋានថា អ្នកវិភាគទាំងនោះ ហេតុតែ​ចង់បាន​អំណាច បែរជាបន់ឲ្យខ្មែរស្លាប់។  លោក ខៀវ កាញារីទ្ធ រដ្ឋមន្ត្រីក្រសួងមួយ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...