កម្ពុជាដំណឹង

ហ៊ុន សែន ហៅអ្នកនិយាយ ពី«ការបិទក្រុង​ឬផ្នែកខ្លះ» ថាជា​មនុស្សអាក្រក់

អ្នកស្រង់សំដីរបស់លោក ហ៊ុន សែន យកមកផ្សាយបន្ត មានវាសនាមិនល្អទេ ព្រោះតែង​ត្រូវ​បានបុរសខ្លាំងរូបនេះ ចាប់ដាក់គុក ឬចាត់ទុក ថាជា​មនុស្សអាក្រក់ ជាដើម។ ហើយនេះ ជាវគ្គថ្មីមួយទៀត ដែលបុរសមានអំណាច វ័យ៦៨ឆ្នាំ បានលាងសំដីរបស់ខ្លួន បន្ទាប់ពីបាន​ថ្លែងព្រមាន នៅក្នុងសារជាសម្លេងមួយ កាលពីដើមសប្ដាហ៍កន្លងមក។

សារព្រមាននោះ ត្រូវបានលោក ហ៊ុន សែន ធ្វើឡើង ដើម្បីគម្រាមប្រកាសអាសន្ន នៅក្នុង​រាជធានីភ្នំពេញ និងផ្នែកខ្លះ នៅក្នុងព្រះរាជាណាចក្រ បើកាលណាបណ្ដាជន រួមទាំង​មន្ត្រី​រដ្ឋាភិបាលផង មិនស្ដាប់តាមបញ្ជារបស់លោក ដែលកំហិតឲ្យពួកគេទាំងនោះ ត្រូវអនុវត្ត​តាមវិធាន​ធ្វើ​ចត្តាឡីស័ក ដើម្បីរាំងខ្ទប់ការរីកឆ្លង នៃជំងឺ«Covid-19»។

តាមរយៈសារសម្លេង ដែលធ្លាក់មកដល់​ដៃអ្នកសារព័ត៌មាន ក្នុងយប់​ថ្ងៃចន្ទ ទី៩ ខែវិច្ឆិកា លោក ហ៊ុន សែន បានថ្លែងព្រមានថា លោកអាចទូលថ្វាយ​ព្រះមហាក្សត្រ ដើម្បីដាក់​តំបន់​​ទាំងនោះ នៅក្នុងគ្រាអាសន្ន អនុលោមតាមច្បាប់ថ្មីមួយ ដែលត្រូវរដ្ឋសភាឯកបក្ស ធ្វើការ​អនុម័ត យ៉ាងតក់ក្រហល់ កាលពីអំឡុងខែមេសា ឆ្នាំ២០២០។

នាយករដ្ឋមន្ត្រីបីទសវត្សរ៍ជាង នៅកម្ពុជា បានថ្លែងក្នុងសារសម្លេងថា៖

«ការអំពាវនាវរបស់ខ្ញុំនេះ ធ្វើនៅមុនពេល ដែលខ្ញុំកំពុងគិតថា តើត្រូវប្រកាសបិទ​ទីក្រុង​ភ្នំពេញ ឬផ្នែកណាមួយ នៅក្នុងប្រទេសឬទេ ព្រោះច្បាប់ក្នុងគ្រាមានអាសន្ន មានក្នុងដៃ​រួចហើយ (…) តែខ្ញុំមិនចង់ទៅដល់នោះទេ ព្រោះវាប៉ះពាល់ ទៅដល់សិទ្ធិសេរីភាព​មនុស្ស​ច្រើនគ្នា។»

ការគម្រាមរបស់លោក ហ៊ុន សែន ត្រូវបានប្រព័ន្ធផ្សព្វផ្សាយនានា យកទៅផ្សាយបន្ត មុននឹងត្រូវក្រុមអ្នកវិភាគ អ្នកប្រើប្រាស់បណ្ដាញសង្គម យកទៅធ្វើអត្ថាធិប្បាយ យ៉ាងច្រើន ក្នុងប៉ុន្មានថ្ងៃបន្ទាប់មក។

តែសម្រាប់លោក ហ៊ុន សែន ខ្លួនលោក មិនបានយល់ថា ការគម្រាមរបស់លោក ជាដើមហេតុ ដែលធ្វើឲ្យមានសង្គ្រាមប៉ាកកាទាំងនេះទេ ព្រោះនៅថ្ងៃព្រហស្បត្តិ៍នេះ លោកបាន​ចេញសារមួយទៀត ហៅអ្នកនិយាយពីករណីនេះ ថាជា​មនុស្សអាក្រក់ ដែលបំផុសពាក្យ​ចចាមអារាម។

បុរសខ្លាំងនៅកម្ពុជា បានបង្ហោះសារនៅលើបណ្ដាញសង្គម កាលពីប៉ុន្មានម៉ោង​មុននេះ​ថា៖

«ថ្មីៗនេះ មានមនុស្សអាក្រក់មួយចំនួនបាន បំផុសពាក្យចចាមអារាម ថារាជរដ្ឋាភិបាល​នឹង បិទរាជធានីភ្នំពេញ និងហាមឃាត់ការធ្វើ ដំណើរពីខេត្តមួយ ទៅកាន់ខេត្តមួយ។ ក្នុងឋានៈ ជាប្រមុខរាជរដ្ឋាភិបាល ខ្ញុំសូមបញ្ជាក់ថា នឹងមិនមានការបិទប្រទេស ឬ រាជធានីខេត្ត ឬតំបន់ណាមួយនោះទេ។»

លោក ហ៊ុន សែន បន្តបន្ទោសអ្នកទាំងនោះ ថាមានបំណង ចង់កេងចំណេញខាងនយោបាយ ខណៈអ្នកផ្សាយសម្លេងរបស់លោក រួមមានទាំងប្រព័ន្ធឃោសនា របស់លោក និងរបស់គណបក្សប្រជាជនកម្ពុជានោះផង។ លោកសរសេរថា៖

«ការឃោសនាអកុសល របស់ពួកអាក្រក់ ទាំងនេះសំដៅ ធ្វើឱ្យប្រទេសមានចលាចល ទំនិញឡើងថ្លៃ ប្រជាជនរស់នៅមិនបាន​ស្ងប់ចិត្ត ដើម្បីពួកគេគេងចំណេញ ខាង នយោបាយ​តែប៉ុណ្ណោះ។»

ក្នុងដើមខែមេសាកន្លងមក អ្នកសារព័ត៌មានម្នាក់ ត្រូវបានអាជ្ញាធរ ក្រោមបញ្ជាលោក ហ៊ុន សែន ចាប់ដាក់ពន្ធនាគារ បន្ទាប់ពីអ្នកកាសែតរូបនោះ ស្រង់សំដីរបស់លោក មកបង្ហោះបន្ត នៅលើបណ្ដាញសង្គម។ ការចាប់ខ្លួននោះ រងប្រតិកម្មខ្លាំងៗ ពីអង្គការ អ្នកយកព័ត៌មាន​គ្មានព្រំដែន (RWB /RSF) ដោយនិយាយថា បុរសខ្លាំងនៅកម្ពុជា កំពុងប្រើប្រាស់ការចាប់ចង ដើម្បីបំបិទមាត់អ្នកសារព័ត៌មាន ក្នុងការពន្យល់ពលរដ្ឋ អំពីជំងឺរាតត្បាត និងការពិត៕



លំអិតបន្ថែមទៀត

កម្ពុជា

ហ៊ុន សែន មិនប្រកាសអាសន្ន បន្ទាប់ពី​ផ្ទុះឆ្លងចូល​សហគមន៍​«៣២ករណី»

មកដល់ម៉ោងនេះ នាយករដ្ឋមន្ត្រីកម្ពុជា លោក ហ៊ុន សែន នៅមិនទាន់ប្រកាស ដាក់ប្រទេស​ឬតំបន់មួយចំនួន ឲ្យស្ថិត​ក្នុង​ភាពអាសន្ន​នៅឡើយ បន្ទាប់ពីកម្ពុជា​បានរកឃើញការឆ្លងមេរោគកូវីដ-១៩ (Covid-19) ចំនួន​«៣២ករណី» ក្នុងថ្ងៃសៅរ៍ទី២០ ខែកុម្ភៈ ...
ដំណឹង

វិបត្តិ Covid-19៖ បុរសម្នាក់​ដើរ​«ចាក់មនុស្ស»​នៅភាគ​ខាងត្បូង​បារាំង

បុរសម្នាក់ ត្រូវបានកងកម្លាំងនគរបាលឃាត់ខ្លួនភ្លាមៗ កាលពីមុននេះបន្តិច បន្ទាប់ពីបានធ្វើសកម្មភាព​«ចាក់មនុស្ស»​ដោយកាំបិត នៅក្រុង «Romans sur Isère» ស្ថិតក្នុងភាគខាងត្បូង នៃប្រទេសបារាំង។ ទូរទស្សន៍បារាំង «BFMTV» បានរាយការណ៍ថា​ ...
កម្ពុជា

ហ៊ុន សែន ក្រុងខ្លួន​ក្នុងផ្ទះ ខណៈ​កម្ពុជា​គ្មាន​ការឆ្លង​«Covid-19»ធំដុំ

ខណៈប្រទេសកម្ពុជា អួតអាងថាខ្លួនគ្មានការឆ្លងជំងឺ «Covid-19» នៅក្នុងសហគមន៍ទេ និងបាន​ព្យាបាល​អ្នកជំងឺ​ជាសះ សឹងតែទាំងអស់នោះ លោកនាយករដ្ឋមន្ត្រី ហ៊ុន សែន ឯណោះ បែរជា​អះអាងថា លោកកំពុង​ស្ថិត​​ក្នុងស្ថានភាព ក្រុងខ្លួន​ក្នុងផ្ទះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...