កម្ពុជាដំណឹង

សម រង្ស៊ី បដិសេធ​ផ្ញើរ​សារសម្ងាត់​ ឲ្យ​ទៅ ហ៊ុន សែន

លោក សម រង្ស៊ី ប្រធានស្ដីទីគណបក្សសង្គ្រោះជាតិ ដែលកំពុងរស់នៅនិរទេសខ្លួន នៅក្រៅប្រទេស បានបដិសេធការបង្ហើបឡើង របស់លោក សុខ ឥសាន អ្នកនាំពាក្យគណបក្សប្រជាជនកម្ពុជា ដែលអះអាងថា លោកបានផ្ញើរសារសម្ងាត់មួយ ទៅឲ្យលោក ហ៊ុន សែន។ មេដឹកនាំប្រឆាំង បានចាត់ទុករឿងនេះ ថាជាការប្រឌិតឡើង ទាំងក្ដីអស់សង្ឃឹម ពីសំណាក់គណបក្សកាន់អំណាច នៅកម្ពុជា។

កាលពីម្សិលម្ងៃ លោក សុខ ឥសាន ត្រូវបានស្រង់សម្ដី ដោយសារព័ត៌មាន«កម្ពុជាថ្មី» អះអាងថា អតីតប្រធានគណបក្សសង្គ្រោះជាតិ ដែលកំពុងស្ថិតក្នុងប្រទេសបារាំង បានផ្ញើរសារសម្ងាត់មួយ តាមរយៈបណ្ដាញសង្គមទ្វីសធើរ ទៅកាន់លោកនាយករដ្ឋមន្ត្រី ហ៊ុន សែន ដើម្បី«ស្នើឲ្យមានការចរចា»មួយឡើង។

ប្រព័ន្ធឃោសនារបស់គណបក្សកាន់អំណាច បានយកពាក្យសំដីអ្នកនាំពាក្យ មកបញ្ជាក់ថា៖ 

«ក្រោយ​ពេលដែល​រដ្ឋសភា​ជាតិ ​បានអនុម័ត​វិសោធនកម្ម​ច្បាប់​ ស្ដីពី​គណបក្ស​នយោបាយ ដើម្បី​បើកផ្លូវ​ ឲ្យ​អ្នក​ជាប់​បម្រាម​នយោបាយ​ បានធ្វើ​នយោបាយ​ឡើងវិញ ទណ្ឌិត ​សម រង្សី មានការ​ភិតភ័យ​យ៉ាងខ្លាំង​ ខ្លាច​បាត់បង់​តួនាទី​កាង​ របស់ខ្លួន​ និង​ខ្លាច​ស្ថិត​នៅ​ឯកោ ​តែម្នាក់ឯង ទណ្ឌិត សម រង្សី បាន​ប្រើ​ឧបាយកល​ប្រកាស​ថា មិន​ចរចា​ជាមួយ​សម្ដេច​តេ​ជោ ហ៊ុន សែន ឡើយ ដោយ​ទុក​ឲ្យ​សម្តេច​ចរចា​ ជាមួយ​អន្តរជាតិ​ចុះ​។»​

លោក សុខ ឥសាន បន្តថា៖

«ការប្រកាស​របស់​ទណ្ឌិត​ សម រង្សី គឺ​ដើម្បី​បំភាន់​ភ្នែក​ អ្នកគាំទ្រ​ខ្លួន​ផង និង​ជនបរទេស​ផង ឲ្យ​គេ​យល់ថា សម រង្សី នៅតែមាន​តួនាទី ​ជា​តំណាង​មន្ត្រី​បក្សប្រឆាំង ​ទាំង​១១៨​នាក់ ហើយ​ខ្លួន​មាន​តួនាទី​ដោះស្រាយ​បញ្ហា ​ជំនួសមុខ​១១៨​នាក់​នេះ​បាន ប៉ុន្តែ​នៅ​ពីក្រោយ​ឆាក ទណ្ឌិត សម រង្សី បាន​លួច​វាយ​តាម​ធ្វី​ធ័​រ​របស់ខ្លួន​ មក​ទាក់ទង​ជាមួយ​ សម្ដេច​តេ​ជោ​ ហ៊ុន សែន សុំ​ចរចា​មួយ​សម្ដេច ក្នុងនាម​១១៨​នាក់​»។​

តបនឹងការអះអាងខាងលើ ដែលត្រូវបានសារព័ត៌មានភ្នំពេញប៉ុស្ដ៍ យកមកផ្សាយបន្ត​ផងនោះ លោក សម រង្ស៊ី បានបញ្ជាក់ទៅវិញថា លោកមិនដែលបានផ្ញើរ​«សារសម្ងាត់»​ណា​មួយ ទៅលោក ហ៊ុន សែន នោះទេ។ ក្នុងសំណេរជាភាសាអង់គ្លេស នៅលើទំព័រទ្វីសធើរ របស់លោក ប្រធានស្ដីទីគណបក្សប្រឆាំង បានបញ្ជាក់ថា៖

«នេះ ជាការប្រឌិតឡើងទាំងស្រុង ដែលកើតចេញ ពីភាពអស់សង្ឃឹម។ ខ្ញុំមិនដែលផ្ញើរសារអ្វីទាំងអស់ ទៅលោក ហ៊ុន សែន ទោះតាមរយៈទ្វីសធើរ ឬតាមមធ្យោបាយផ្សេងទៀតណាក៏ដោយ។»៕



លំអិតបន្ថែមទៀត

កម្ពុជា

សម រង្ស៊ី ស្នើ EU ឲ្យបន្ត​សម្ពាធ​លើ​ក្រុង​ភ្នំពេញ ​រហូត កឹម សុខា ត្រូវ​បាន​ដោះលែងនិង CNRP មាន​ដំណើរការ​ឡើង​វិញ

ប្រធានស្ដីទីគណបក្សសង្គ្រោះជាតិ បានផ្ញើរលិខិតមួយ ទៅកាន់តំណាងជាន់ខ្ពស់ នៃសហភាពអ៊ឺរ៉ុប ទទួលបន្ទុកកិច្ចការបរទេស និងគោលនយោបាយសន្ដិសុខ អ្នកស្រី ហ្វេឌឺរីកា មូហ្គេរីនី (Federica Mogherini) ដើម្បីពន្យល់ ពីការវិវត្តន៍ចុងក្រោយ ...
កម្ពុជា

សម រង្ស៊ី ថា EU ប្រកាន់​ជំហរ​ស្នើឲ្យ ហ៊ុន សែន ចាត់​វិធានការ​សមស្រប​ភ្លាមៗ

«EU គេបានបញ្ជាក់ជំហរ របស់គេហើយ គេរង់ចាំឲ្យរបបលោក ហ៊ុន សែន ចាត់វិធានការសមស្រប ក្នុងពេលវេលាចាំបាច គឺកាន់តែឆាប់ កាន់តែល្អ» នេះ ជាការអះអាងឡើង របស់លោក ...
កម្ពុជា

សម រង្ស៊ី ប្រកាស​«សង្គ្រាមចិត្តសាស្ត្រ»ដើម្បីឲ្យ​កងទ័ព​ឈប់​ការពារ ហ៊ុន សែន

ពីទីក្រុង យូស្ដុន សហរដ្ឋអាមេរិក លោក សម រង្ស៊ី ប្រធានស្ដីទីគណបក្សសង្គ្រោះជាតិ បានថ្លែងអះអាងជាថ្មី ថាលោកត្រូវវិលត្រឡប់ ចូលមកដឹកនាំចលនាប្រឆាំង នៅក្នុងប្រទេសកម្ពុជា ឲ្យខាងតែបានក្នុងឆ្នាំ២០១៩នេះ ហើយត្រៀមធ្វើ«សង្គ្រាមចិត្តសាស្ត្រ»មួយ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...