នាយករដ្ឋមន្ត្រីនៅកម្ពុជា លោក ហ៊ុន សែន បានចេញសារ បន្ទោស​អភិបាល​ខេត្ត-ក្រុង ដែលលោកថាបាន​ផ្ដល់សិទ្ធិ និងអំណាចឲ្យ ដើម្បីចាត់វិធានការ​ផ្អាកការរៀបចំពិធីមង្គលការ និងពិធីផ្សេងៗ ដើម្បីបញ្ចៀសការរាតត្បាត​ជំងឺកូវីដ-១៩ (Covid-19)។ នេះបើតាម​សារសំឡេងមួយ ដែលបុរសខ្លាំងបានបង្ហោះ នៅលើបណ្ដាញសង្គម ក្នុងរសៀល​ថ្ងៃទី១៥ ខែមីនា ឆ្នាំ២០២១នេះ។

តាមរយៈសារសំឡេងនោះ លោក ហ៊ុន សែន បានថ្លែងឡើងថា បើទោះលោកបានផ្តល់សិទ្ធិ និងអំណាច​ដល់​ពួកគេ​ក៏ដោយ ក៏អភិបាល​រាជធានី-ខេត្តទាំងនោះ មិនទាន់ចាត់វិធានការនៅឡើយ ក្នុងការសម្រេចបិទ​នូវសកម្មភាព​សង្គម​ផ្សេងៗ ដែលបង្កឲ្យមាន​ការចម្លង ពីអ្នកមានជំងឺកូវីដ១៩ ដែលទៅចូលរួមក្នុងពិធីទាំងនោះ ទៅកាន់អ្នកចូលរួម​ផ្សេងទៀត ជាបន្តបន្ទាប់។

នាយករដ្ឋមន្ត្រីបានថ្លែងឡើងថា៖

«ការរៀបអាពាហ៍ពិពាហ៍ តែងកើតឡើងនូវហានិភ័យ ដូចជាករណីថ្មីៗ គឺកើតឡើងនៅខេត្តតាកែវ ហើយក៏មាន​អ្នក​ចូលរួមស៊ីការ ពីកន្លែងមួយ ទៅកន្លែងមួយ។ ដូច្នេះ បញ្ហានេះសុំឲ្យបណ្ដាខេត្តធ្វើការពិចារណា អំពីការបិទ ការផ្អាក​ការរៀបចំណាមួយ តាមសេចក្ដីសម្រេចរបស់ខេត្ត។»

«រឿងនេះ ខ្ញុំបានប្រគល់សិទ្ធិ ទៅដល់ឯកឧត្ដមលោកជំទាវស្រេចទៅហើយ នៅឡើយតែឯកឧត្ដមលោកជំទាវ ចេះប្រើប្រាស់នូវសិទ្ធិ ដែលខ្ញុំបានផ្ដល់នោះ របៀបណាតែប៉ុណ្ណោះ។»

បន្ទាប់មក លោក ហ៊ុន សែន បានដាក់បញ្ជាឡើងថា៖

«សូមឯកឧត្តម លោកជំទាវ ពិនិត្យមើល ដើម្បីរៀបចំនូវលិខិតជូនដំណឹង ដើម្បីស្នើសុំការយោគយល់ ពីសំណាក់​ប្រជាពលរដ្ឋ ទៅលើការផ្អាកជាបណ្តោះអាសន្ន នូវការរៀបមង្គលការជាដើម៕»



លំអិតបន្ថែមទៀត

កម្ពុជា

ហ៊ុន សែន បង្កើត​និង​ដឹកនាំ​គណៈកម្មការ​ជាតិ​ប្រឆាំង​«Covid-19»​

គណៈកម្មការជាតិមួយ ដើម្បីប្រយុទ្ធប្រឆាំងនឹងមេរោគ «Covid-19» បានចេញជារូបរាងហើយ នៅល្ងាចថ្ងៃពុធ ទី១៨ ខែមីនា ឆ្នាំ២០២០នេះ។ គណៈកម្មការនោះ ត្រូវបានបង្កើតឡើង តាមរយៈសេចក្ដីសម្រេចមួយ និងចុះហេត្ថលេខា ដោយលោកនាយករដ្ឋមន្ត្រី ...
កម្ពុជា

Covid-19៖ កម្ពុជាមាន៥​ករណី​បន្ថែម ក្នុងនោះមន្ត្រី​ការទូត​អាមេរិក២នាក់

ក្នុងថ្ងៃសុក្រនេះ ប្រទេសកម្ពុជាបន្តរកឃើញ ករណីឆ្លងជំងឺ«Covid-19» ចំនួន៥នាក់​បន្ថែមទៀត ក្នុងនោះមន្ត្រី​ការទូត​អាមេរិក២នាក់ បន្ទាប់ពីពួកគេទាំងនោះ បាន​ធ្វើ​ដំណើរចូលប្រទេសកម្ពុជា តាមផ្លូវយន្ដហោះ។ នេះ បើតាមការអះអាងរបស់ ក្រសួង​សុខាភិបាល​កម្ពុជា នៅក្នុងសេចក្ដីជូនព័ត៌មានមួយ ដែលចេញផ្សាយ ...
ដំណឹង

ចូ បៃដេន៖ «ខ្ញុំនឹងក្លាយជា​ប្រធានាធិបតី នៃពលរដ្ឋអាមេរិក​គ្រប់ស្រទាប់»

«ខ្ញុំនឹងក្លាយជា​ប្រធានាធិបតី នៃពលរដ្ឋអាមេរិក​គ្រប់ស្រទាប់» នេះ ជាការលើកឡើង របស់លោក ចូ បៃដេន (Joe Biden) បេក្ខជន​ប្រធានាធិបតី មកពី​គណបក្ស​ប្រជាធិបតេយ្យ ក្នុងយប់ថ្ងៃសុក្រ ទី៦ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...