កម្ពុជាដំណឹង

ហ៊ុន សែន ថាក្រដាសប្រាក់​ ១-២-៥​ដុល្លារ នៅតែ​ចាយបាន​ធម្មតា

នៅចំពោះការភ្ញាក់ផ្អើល ថាកម្ពុជាឈប់ប្រើប្រាស់ ក្រដាសប្រាក់ដុល្លារ​ខ្នាតតូច លោកនាយក​រដ្ឋមន្ត្រី ហ៊ុន សែន បានចេញមក​ធានាអះអាង ថាក្រដាស់ប្រាកទាំងនេះ នៅតែ​ចាយបាន​ធម្មតា ក្នុងប្រទេសកម្ពុជា ដោយគ្មាន​ការកាត់ទឹក (បន្ថែម-​បន្ថយ​​​ភាគរយ) អ្វីឡើយ។

បុរសខ្លាំងកម្ពុជា បានធ្វើការធានាដូច្នេះ នៅលើបណ្ដាញសង្គម ដោយចាត់ទុក​ការភ្ញាក់ផ្អើលនោះ គ្រាន់តែ​ជាពាក្យ​ចចាមអារាម​​ប៉ុណ្ណោះ។ លោកសរសេរថា៖

«ខ្ញុំសូមបញ្ជាក់ ជូនបងប្អូនប្រជាពលរដ្ឋ នៅទូទាំងប្រទេស ឱ្យបានជ្រាបបន្ថែម លើ​ការប្រកាស របស់ធនាគារជាតិនៃកម្ពុជា នៅរសៀល ថ្ងៃទី២៨ ខែឧសភា ឆ្នាំ ២០២០ ម្សិលមិញនេះ គឺបានបញ្ជាក់ច្បាស់ហើយថា ក្រដាសប្រាក់ដុល្លារអាមេរិក ប្រភេទ $1, $2, និង $5 គឺ នៅតែ​ចាយបាន​ធម្មតា នៅលើទីផ្សារទូទាំងប្រទេស គឺមិនមានការហាមប្រាម មិនឱ្យចាយ ដូចពាក្យចចាមអារាមនោះទេ។»

លោកនាយករដ្ឋមន្ត្រី ហ៊ុន សែន បានបន្តថា៖

«ក្នុងករណីប្រសិនបើ មានការបញ្ឈប់ឱ្យចរាចរណ៍ ចាយលុយក្រដាស​ប្រាក់អាមេរិក ប្រភេទខាងលើនេះ គឺប្រាកដជាមានសេចក្តីប្រកាស ជាផ្លូវការ ពីធនាគារជាតិ​នៃកម្ពុជា​មិនខាន។ សូមបងប្អូនប្រជាពលរដ្ឋ បន្តប្រើប្រាស់ចាយវាយ ក្រដាសប្រាក់​អាមេរិក​ប្រភេទ ($1,$2,$5) ដោយសេរី ដោយគ្មានការកាត់ទឹក ឬកាត់ផុក អ្វីទាំងអស់។»

ធនា​គារជាតិ​នៃ​កម្ពុជា បាន​ប្រកាស កាលពី​ថ្ងៃ​ព្រហស្បតិ៍​​ ទុក​ពេល៣ខែ ឱ្យគ្រឹះស្ថាន​ធនាគារ និង​មី​ក្រូ​ហិរ​ញ្ញ​វត្ថុ​ ប្រមូល​ក្រដាសប្រាក់​ដុល្លារ​ ប្រភេទ ១ដុល្លារ ២ដុល្លារ និង​៥ដុល្លារ ដើម្បី​ប្រមូល​ដឹក​​ទៅក្រៅ​ប្រទេស ដោយ​ចាត់ទុក ក្រដាសប្រាក់​ដុល្លារ​ខ្នាត​តូច ​របស់​សហរដ្ឋអាមេរិក​នេះ ថាគឺជា​ឧបសគ្គ​ ដល់​ការជំរុញ ​ការ​ចាយប្រាក់​រៀល​ខ្មែរ​ នៅ​លើ​ទីផ្សារ។

នៅព្រឹកថ្ងៃព្រហស្បតិ៍ ៧កើត ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែឧសភា ឆ្នាំ២០២០ លោកជំទាវ ជា សិរី…

Gepostet von ធនាគារជាតិ នៃកម្ពុជា – National Bank of Cambodia am Donnerstag, 28. Mai 2020

តែនៅមួយថ្ងៃ ក្រោយការប្រកាស របស់​ធនាគារជាតិ មានការ​អះអាង​ថា ក្រដាសប្រាក់​ដុល្លារ ទាំងបី​ប្រភេទ​ខាងលើ មិន​ត្រូវ​បាន​​គេ​ទូទាត់​ នៅ​លើ​​ទីផ្សារ​ទេ ខណៈកន្លែង​ខ្លះ នៅទទួលយក​​ក្រដាសប្រាក់​ទាំងនេះ តែ​កាត់​​ភាគរយ។

សម្រាប់លោក សម រង្ស៊ី អ្នកសេដ្ឋកិច្ច និងជាមេដឹកនាំប្រឆាំង ក៏បានយល់ស្រប ដូចការ​លើកឡើង របស់ធនាគារជាតិដែរ។ លោកបាន​បង្ហោះសារ នៅលើ​បណ្ដាញ​សង្កម​ថា៖

«ហេតុអ្វី បានជាគេឈប់​ទទួលយក ក្រដាសប្រាក់ ១-២-៥ ដុល្លារអាមេរិក? ពីព្រោះគេ ចង់ឲ្យយើង​ប្រើប្រាក់រៀលវិញ ក្នុង[ការ]ចំណាយតិចតួច ត្រឹម ៥ ដុល្លារ គឺប្រមាណ ២០០០០ រៀល។»

សម្រាប់លោក ប៉ា ងួនទៀង នាយក​មជ្ឈមណ្ឌល​កម្ពុជា ដើម្បីប្រព័ន្ធ​ផ្សព្វផ្សាយ​ឯករាជ្យ (CCIM) បានពន្យល់​ ចំពោះចំណាត់ការ ខាងលើនេះ​ថា បើចំនួននៃក្រដាស់ ១-២-៥​ដុល្លារ ក្នុងប្រទេសកម្ពុជា មានចំនួនសរុប ប្រមាណជា២០០លានដុល្លារ នោះរដ្ឋាភិបាល អាចបោះលុយរៀល ក្នុងកម្រិត២០០លានដុល្លារ នេះបន្ថែមបាន ដើម្បីអាចទិញ​​ប្រាក់​ដុល្លារ​​ ទាំងនេះ​បាន។ លោកបន្តថា៖

«បើមន្រ្តីរដ្ឋាភិបាល ឃុបឃិតជាមួយឈ្មួញដូរលុយ ឈ្មួញនោះ គ្រប់[ទឹកតែម្ដង]!»

ឧ. បើចំនួននៃក្រដាស់១; ២; ៣ ដុល្លារក្នុងប្រទេសកម្ពុជាមានតម្លៃ២០០លានដុល្លារ នោះរដ្ឋាភិបាលអាចបោះលុយរៀល២០០លានបន្ថែមបានដើម្បីទិញក្រដាស់ដុល្លារចូល! បើមន្រ្តីរដ្ឋា.ឃុបខិតជាមួយឈ្មួញដូរលុយ ឈ្មួញនោះគ្រប់!

Gepostet von Teang Pa am Donnerstag, 28. Mai 2020


លំអិតបន្ថែមទៀត

ទស្សនៈប្រិយមិត្ត

លិខិតអ្នកអាន៖ ​«ការ​អស់​សុពល​​ភាព»ដ៏ចម្លែក​នៃ​កិច្ច​ព្រម​ព្រៀងក្រុងប៉ារីស

«ការ​អស់​សុពល​​ភាព ដ៏ចម្លែក»៖ បន្ទាប់ពីគេចផុត ពីរបបកាប់សម្លាប់រាស្ត្រខ្លួនឯងមក ពលរដ្ឋខ្មែរក៏មិនបាន​សុខ​សាន្តត្រាន​ដែរ គឺនៅអត់ឃ្លាន ភិតភ័យនឹងសន្តិសុខ និងសង្គ្រាមជានិច្ចរហូតដល់មានកិច្ចព្រមព្រៀងមួយ បញ្ចប់​ជម្លោះ​រវាងខ្មែរនឹងខ្មែរ ដែលមានបរទេសជាបង្អែក ប៉ុន្តែកិច្ចព្រមព្រៀងនេះ នៅមានភាពចម្រោងចម្រាស់យ៉ាងខ្លាំង ដោយម្ខាង​យល់ថា ...
កម្ពុជា

Covid-19៖ ហ៊ុន សែន ថាបានត្រៀម សម្ភារៈ​និង​បរិក្ខារ​ពេទ្យ រួចហើយ

នៅចំពោះការរាតត្បាត នៃជំងឺ«Covid-19» នាយករដ្ឋមន្ត្រី នៃរដ្ឋាភិបាលឯកបក្ស នៅប្រទេសកម្ពុជា បានអះអាងជាថ្មីថា លោកបានត្រៀមបម្រុង សម្ភារៈ​និង​បរិក្ខារ​ពេទ្យ ក្នុងស្ដុករួចស្រេចហើយ ដើម្បីប្រយុទ្ធប្រឆាំងនឹងជំងឺ ដ៏ឧត្បាតមួយនេះ។ សម្រាប់អ្នកឃ្លាំមើល បានលើកឡើងថា ...
កម្ពុជា

សម រង្ស៊ី បន្តផ្ញើរសារឲ្យ «ស ខេង វ៉ៃ ហ៊ុន សែន មុន ហ៊ុន សែន វ៉ៃ ស ខេង»

ជាថ្មីម្ដងទៀត មេដឹកនាំប្រឆាំងកម្ពុជា លោក សម រង្ស៊ី បានថ្លែងឲ្យដឹងថា រវាងលោក ហ៊ុន សែន នាយករដ្ឋមន្ត្រី និងលោក ស ខេង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...