កម្ពុជាដំណឹង

ស៊ន តារា ប្រកាស​«ដើរស្រាត​ចូលស្រុក» បើ ហ៊ុន សែន បិទហ្វេសប៊ុក

លោក ស៊ន តារា និងលោក ហ៊ុន សែន
លោក ស៊ន តារា និងលោក ហ៊ុន សែន

លោក ស៊ន តារា អ្នកគាំទ្រគណបក្សប្រឆាំងមួយរូប ដែលកំពុងនៅក្នុងប្រទេសបារាំង បានប្រកាសថា លោក នឹង«ដើរស្រាត​ចូលស្រុក»វិញ ប្រសិនជាលោកនាយករដ្ឋមន្ត្រី ហ៊ុន សែន បិទបណ្ដាញសង្គមហ្វេសប៊ុក នៅកម្ពុជាមែននោះ។

លោក ស៊ន តារា បានអះអាងឡើងយ៉ាងដូច្នេះ នៅលើទំព័រហ្វេសប៊ុករបស់លោក នៅបន្ទាប់ពីហ្វេសប៊ុករបស់លោក ហ៊ុន សែន បានបង្ហោះសារមួយ អះអាងថា នឹងបិទហ្វេសប៊ុក លែងឲ្យមានដំណើរការនៅកម្ពុជា ប្រសិនណាជាក្រុមហ៊ុនគ្រប់គ្រងបណ្ដាញសង្គមយក្សមួយនេះ បិទទំព័រឬគណនីរបស់លោក។

សារដែលបង្ហោះ នៅលើទំព័រហ្វេសប៊ុកនាយករដ្ឋមន្ត្រី ធ្វើឡើងនៅព្រឹកថ្ងៃទី២៥ ខែកុម្ភៈកន្លងមក មុននឹងត្រូវលុបចេញវិញ នៅប្រមាណជាមួយម៉ោងក្រោយមក។ សំណេរនោះបានឲ្យដឹងថា៖

«ក្រុមហ៊ុន ហ្វេសប៊ុក បានលុបនិងព្យាយាមបិទគណនីរបស់ខ្ញុំ។ តែខ្ញុំ ហ៊ុន សែន សូមប្រាប់ទៅវិញថា “បើអ្នកឯងហ៊ានបិទហ្វេសប៊ុករបស់ខ្ញុំ ខ្ញុំនិងបិទលែងឲ្យប្រើហ្វេសប៊ុកនៅស្រុកខ្មែរ”។»

ក្រោយបន្តិចមក សារខាងលើត្រូវបានជំនួស ដោយសារមួយទៀត មានសេចក្ដីថា៖

«នៅមុននេះបន្តិច មានក្រុមឧក្រិដ្ឋកម្មបច្ចេកវិទ្យា (Hacker) បានចូលមកលួច “Account Facebook” ខ្ញុំ ហើយបានលួចលុបទិន្នន័យព័ត៌មាន អស់មួយចំនួនធំ។ ពេលនេះ ខាងក្រុមហ៊ុន “Facebook” កំពុងសើបអង្កេតជនអគតិ ដែលមានចេតនាអាក្រក់បំពុល និងបំផ្លាញព័ត៌មាននៅក្នុងសង្គមជាតិយើង។»

សម្រាប់អតីតសាស្ត្រាចារ្យទស្សនវិជ្ជា លោក ស៊ន តារា មិនបានគិតថា លោក ហ៊ុន សែន មានចេតនាចង់បិទបណ្ដាញសង្គម នៅក្នុងប្រទេសកម្ពុជានោះទេ។ លោកអះអាងថា៖ 

«បើ ហ៊ុន សែន ហ៊ាន​បិទហ្វេសប៊ុកនៅកម្ពុជាមែន ខ្ញុំ​ ស៊ន​ តារា ​នឹង”ដើរស្រាត​ចូលស្រុក”ខ្មែរ។»

លោក ស៊ន តារា ដែលជាម្ចាស់ពាក្យ «ហ៊ុន សែន ចប់ហើយ! ប្ដូរ!» ដ៏ល្បីល្បាញ បានបន្តពន្យល់យ៉ាងវែងអន្លាយ នៅក្នុងវីដេអូផ្សាយផ្ទាល់មួយ ​របស់លោកថា៖

១.ហេតុអ្វី​ខ្ញុំ​នឹងស្រាតចូលស្រុកបើហ៊ុន សែន​បិទហ្វេសប៊ុក? ពិតដូចមិនពិត មិនពិតដូចពិត។២.កុំស្រោចស្រង់តេជោ ឲ្យតេជោស្រោចស្រង់ខ្លួនឯង។ ហ៊ុន សែនចប់ហើយ។ ប្តូរ!

Gepostet von Dara Sorn am Montag, 25. Februar 2019

លោក ហ៊ុន សែន ធ្លាប់ប្រតិកម្មជាសាធារណៈ តបលោក ស៊ន តារា មិនតិចដងទេ ជាពិសេសតបនឹងពាក្យបីបួនមាត់ ដ៏ល្បី​របស់អតីតសាស្ត្រាចារ្យរូបនេះ ដែលមានខ្លឹមសារថា «ហ៊ុន សែន ចប់ហើយ! ប្ដូរ!»។ មានម្ដងនោះ លោក ហ៊ុន សែន បានហៅលោក ស៊ន តារា ថា«អាឡប់»៕

បើហ៊ុន សែនហ៊ាន​បិទហ្វេសប៊ុកនៅកម្ពុជាមែន ខ្ញុំ​ស៊ន​ តារា​នឹងដើរស្រាតចូលស្រុកខ្មែរ។ ចូរខមិនរូបមន្តហ៊ុន សែន។

Gepostet von Dara Sorn am Montag, 25. Februar 2019


លំអិតបន្ថែមទៀត

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។ ...
កម្ពុជា

យន្ត មីន ឡើង​ផ្កាយ៤ និង​មាន​តំណែងជា​រដ្ឋលេខាធិការ​ការពារជាតិ

បន្ទាប់ពីត្រូវបានផ្លាស់ចេញ ពីអភិបាលខេត្ពព្រះសីហនុ លោក យន្ត មីន ដែលសារភាពថាលោក ទទួលខុសក្នុងហេតុការណ៍បាក់រលំអគារចិន កំពស់៧ជាន់ កាលពីចុងសប្ដាហ៍មុន ត្រូវបានព្រះមហាក្សត្រតម្លើងឋានន្តរស័ក្ដិ ជានាយឧត្ដមសេនីយ៍ (ផ្កាយ៤) នៃកងខេមរភូមិន្ទ ...
វិភាគ អត្ថាធិប្បាយ

អ្នកវិភាគថាព្រះរាជាសព្វថ្ងៃ មិនខុសពីព្រះចៅអធិរាជជប៉ុន មុនឆ្នាំ១៨៦៨

«សព្វថ្ងៃនេះ ព្រះមហាក្សត្រខ្មែរ ដូចជាមិនខុសពីព្រះចៅអធិរាជជប៉ុន មុនឆ្នាំ១៨៦៨ ប៉ុន្មានទេ» នេះ ជាការអះអាងឡើង របស់លោក ឡៅ ម៉ុងហៃ អ្នកវិភាគនយោបាយ និងសង្គម ដោយពន្យល់ថា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...