កម្ពុជាដំណឹង

កម្ពុជាថា អាមេរិក​«គឃ្លើន»​ដែល​បរិហារ​ជាថ្មី ការបោះឆ្នោត​ឆ្នាំ​២០១៨

និមិត្តសញ្ញារបស់ស្ថានទូតអាមេរិក និងលោក កឹម សុខា មេដឹកនាំគណបក្សសង្គ្រោះជាតិ។ (រូបថតកាត់ត)
និមិត្តសញ្ញារបស់ស្ថានទូតអាមេរិក និងលោក កឹម សុខា មេដឹកនាំគណបក្សសង្គ្រោះជាតិ។ (រូបថតកាត់ត)

គឃ្លើន – របបក្រុងភ្នំពេញ បានប្រតិកម្ម​ខ្លាំងៗ តបការលើកឡើង របស់ស្ថានទូតសហរដ្ឋ​អាមេរិក ដែលបង្ហោះសារ នៅលើទំព័រហ្វេសប៊ុករបស់ខ្លួន រំលឹកឡើងវិញ ហៅការបោះឆ្នោតសកល ខែកក្កដា ឆ្នាំ២០១៨ ថា«មានកំហុសឆ្គងយ៉ាងខ្លាំង» និង«មិនបានតំណាងឲ្យឆន្ទៈ» របស់ពលរដ្ឋកម្ពុជា។

តាមរយៈ​សេចក្តីថ្លែងការណ៍​ ដែលចុះ​ថ្ងៃទី​៣១ ខែកក្កដា ឆ្នាំ​២០១៩ អ្នកនាំពាក្យ​ក្រសួងការបរទេសកម្ពុជា បានសំដែងការភ្ញាក់ផ្អើល និងការខកចិត្ត ចំពោះការបង្ហោះសារ របស់ស្ថានទូតប្រទេសមហាអំណាច និងបាន​ប្រើ​ភាសា​ធ្ងន់ ចាត់ទុកទង្វើនោះ ​ថាជាការវាយប្រហារដ៏«គឃ្លើន» ចំពោះរដ្ឋធិបតេយ្យមួយ។

អ្នកនាំពាក្យបានសរសេរថា៖

«​យើងនឹក​ស្មាន​មិន​ដល់​ ទាល់តែសោះ​ថា ទង្វើ​វាយប្រហារ​ដ៏​គឃ្លើន​បែបនេះ ដែល​រំលោភបំពាន​ ទៅលើ​បទ​ប្បញ្ញត្តិ​ទាំងឡាយ ​ក្នុង​ធម្មនុញ្ញ​អង្គការសហប្រជាជាតិ និង​ក្នុង​អនុសញ្ញា​ទីក្រុង​វី​យែ​ន​ ស្តីពី​ទំនាក់ទំនង​ការទូត ត្រូវបាន​បង្កឡើង​ ដោយ​ស្ថាន​បេសកកម្ម​ តំណាង​ឲ្យ​ប្រទេស ​ដែលមាន​អារ្យធម៌​មួយ។​»

​សេចក្ដីថ្លែងការណ៍ប្រវែងពីរទំព័រនោះ បានចាត់ទុកសកម្មភាព​ របស់​ស្ថានទូត​អាមេរិក ថាបានប្រព្រឹត្ត​ទៅ ផ្ទុយ​នឹង​ការខិតខំ​ប្រឹងប្រែង របស់​រដ្ឋាភិបាល​កម្ពុជា ក្នុងការ​ធ្វើ​ឲ្យ​ប្រសើរឡើង​នូវ​ទំនាក់ទំនង​ ជាមួយ​សហរដ្ឋអាមេរិក​។

សេចក្តីថ្លែងការណ៍របស់អ្នកនាំពា​ក្យ ក្រសួងការបរទេស និងសហប្រតិបត្តិការអន្តរជាតិ ——- Statement of the Spokesperson​​​​…

Posted by Ministry of Foreign Affairs and International Cooperation – MFA.IC on Wednesday, July 31, 2019


សារបង្ហោះរបស់ស្ថានទូតអាមេរិក បានធ្វើឡើង ក្នុងថ្ងៃទី៣០ ខែកក្កដា ឆ្នាំ២០១៩ ពោលគឺមួយថ្ងៃក្រោយខួបមួយឆ្នាំ នៃការបោះឆ្នោតសកល ដ៏ចម្រូងចម្រាស ដែលបានប្រព្រឹត្តិទៅ កាលពីថ្ងៃទី២៩ ខែកក្កដា ឆ្នាំ២០១៨ ប៉ុន្មានខែបន្ទាប់ពីតុលាការកំពូល បានចេញសាលក្រមរំលាយ គណបក្សសង្គ្រោះជាតិ។

ស្ថានទូតបានសរសេរថា៖

«ថ្ងៃនេះ រដ្ឋាភិបាលសហរដ្ឋអាមេរិក កត់សម្គាល់ខួបមួយឆ្នាំ នៃការបោះឆ្នោតជាតិ ដែលមានកំហុសឆ្គងយ៉ាងខ្លាំង នៅកម្ពុជា។ ការបោះឆ្នោតនោះ មិនមានភាពសេរី និងយុត្តិធម៌ទេ ហើយក៏មិនបានតំណាង ឲ្យឆន្ទៈរបស់ប្រជាពលរដ្ឋកម្ពុជា [នោះដែរ]។»

សារបង្ហោះនៅលើបណ្ដាញសង្គម ដែលមានការចែករំលែក ដល់ទៅច្រើនរយដង បានអះអាងថា ការបោះឆ្នោតនោះ បានផាត់ចោលគណបក្សប្រឆាំង ធំជាងគេនៅកម្ពុជា ហើយវារឹតតែធ្វើឲ្យបាត់បង់ថែមទៀត នូវសមិទ្ធិផលរបស់ប្រទេសកម្ពុជា ក្នុងការជំរុញការផ្សះផ្សានយោបាយ និងលើកកម្ពស់កំណើនសេដ្ឋកិច្ច ចាប់តាំងពីមានកិច្ចព្រមព្រៀងសន្តិភាពទីក្រុងប៉ារីស ឆ្នាំ១៩៩១មក។

ស្ថានទូតមហាអំណាច បានបន្តថា៖

«យើងសូមអំពាវនាវ ឲ្យរដ្ឋាភិបាលកម្ពុជា ចាត់វិធានការជាក់ស្តែងនានា ក្នុងការស្តារលទ្ធិប្រជាធិបតេយ្យ រួមទាំងធ្វើការទម្លាក់ បទចោទប្រកាន់ទាំងឡាយ ប្រឆាំងលោក កឹម សុខា និងអ្នកទោសនយោបាយដទៃទៀត ហើយបញ្ចប់ការអនុវត្ត នូវការចោទប្រកាន់ ដោយគ្មានមូលដ្ឋាន និងក្រោមហេតុផលនយោបាយ ដើម្បីយាយីពលរដ្ឋរបស់ខ្លួន។»

«ប្រជាពលរដ្ឋ ទាំងអស់នៅកម្ពុជា គួរតែអាចប្រើសិទ្ធិរបស់គេ ក្នុងការសម្តែងមតិ ដោយសេរី និងអាចធ្វើការប្រមូលផ្តុំគ្នា ដោយសន្តិវិធី ហើយឲ្យពលរដ្ឋចូលរួម នៅក្នុងដំណើរការកិច្ចការសាធារណៈ៕»

(English below) ថ្ងៃនេះ រដ្ឋាភិបាលសហរដ្ឋអាមេរិក កត់សម្គាល់ខួបមួយឆ្នាំនៃការបោះឆ្នោតជាតិ ដែលមានកំហុសឆ្គងយ៉ាងខ្លាំង…

Posted by U.S. Embassy Phnom Penh, Cambodia on Monday, July 29, 2019


លំអិតបន្ថែមទៀត

កម្ពុជា

ហ៊ុន សែន ព្រមាន​ប្រទេស​មហាអំណាច «កុំធ្វើ​កំហុស​លើក​ទី៣»

កុំប្រើសិទ្ធិមនុស្ស និងលទ្ធិប្រជាធិបតេយ្យ ដើម្បីបំផ្លាញសន្តិភាពពេញលេញ ដែលកើតចេញពីនយោបាយ ឈ្នះ-ឈ្នះ។ នេះ ជាសាររបស់លោកនាយករដ្ឋមន្ត្រី ហ៊ុន សែន នៅព្រឹកថ្ងៃសៅរ៍ ទី២៩ ខែធ្នូ ឆ្នាំ២០១៨នេះ ...
ដំណឹង

បោះឆ្នោត​ថៃ៖ អាមេរិក​សាទរ​«សញ្ញាវិជ្ជមាន»​នៃ​ដំណើរការ​ប្រជាធិបតេយ្យ

សហរដ្ឋអាមេរិកបានសំដែងការសាទររបស់ខ្លួន នៅថ្ងៃអង្គារនេះ ចំពោះការបោះឆ្នោតជាតិ នៅក្នុងប្រទេសថៃ ថាជា«សញ្ញាវិជ្ជមាន» ដើម្បីការវិលត្រឡប់ ទៅរករដ្ឋាភិបាលមួយ តាមបែបប្រជាធិបតេយ្យវិញ។ យ៉ាងណា ក្រុមគណបក្សប្រឆាំង បានលើកឡើងថា ការបោះឆ្នោតកាលពីថ្ងៃអាទិត្យ មានជាប់ដិតដាម ...
កម្ពុជា

អន្ទិត កក្កដា សុភ័ណ្ឌ បាន​ទៅដល់​អាមេរិក មួយថ្ងៃ​បន្ទាប់​ពី​ត្រូវបាន​ផ្សឹក

វេលានេះ អន្ទិត កក្កដា សុភ័ណ្ឌ ដែលត្រូវបានចាប់ផ្សឹក ដោយគណៈសង្ឃរាជធានី កាលពីយប់ថ្ងៃអាទិត្យទី២១ ចូលមកថ្ងៃចន្ទទី២២ ខែកក្កដា ឆ្នាំ២០១៩ បានធ្វើដំណើរទៅដល់សហរដ្ឋអាមេរិកហើយ។ ពីទីនោះ អតីតព្រះភិក្ខុ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...