កម្ពុជាដំណឹង

សុខ ឥសាន សារភាពថា​នាឡិកា​លោកពាក់​មានតម្លៃ ១លានដុល្លា

បើលោកនាយករដ្ឋមន្ត្រី ហ៊ុន សែន ពាក់នាឡិកាតម្លៃរាប់លានដុល្លា នោះជារឿងដ៏​ចាំបាច់ ព្រោះ​សូម្បី​មន្ត្រី​ក្រោម​បង្គាប់ ដែលមានឋានៈ ត្រឹមអ្នកនាំពាក្យគណបក្ស​ប្រជាជន​កម្ពុជា ក៏ពាក់នាឡិកាមានតម្លៃ ដល់​«១លានដុល្លា»​ដែរ។ នេះ ជាសំដី​សារភាព​ផ្ទាល់មាត់​របស់​លោក សុខ ឥសាន ដើម្បីប្រតិកម្ម​តបនឹង​ការចុះផ្សាយ​ព័ត៌មាន ស្ដីពី​ការបង្ហាញ​សម្ភារៈ​លំអខ្លួន របស់មេដឹកនាំកម្ពុជា ដោយ​សារព័ត៌មាន​នៅបរទេស។

ដូចទស្សនាវដ្ដីមនោរម្យ.អាំងហ្វូ បានចុះផ្សាយពីរបាយការណ៍នេះរួចហើយ កាលពីដើមខែកក្កដាថា លោក ហ៊ុន សែន បានបង្ហាញនាឡិការបស់លោក តម្លៃជាង៣លានដុល្លារ នៅក្នុងការបង្ហោះសារ នៅលើបណ្ដាញសង្គម ស្ដីពីការចែកប្រាក់ ចំពោះ«គ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធ នឹងជំងឺកូវីដ-១៩»។

ការបង្ហាញគ្រឿងលំអខ្លួន ដែលមានតម្លៃដ៏ថ្លៃនេះ ទើបត្រូវបានសារព័ត៌មានបរទេសមួយ ឈ្មោះ «Vice» យកមកចុះផ្សាយជាថ្មីទៀត កាលពីថ្ងៃទី២៨ ខែកក្កដា ដោយអះអាង​បន្ថែម​ថា នាយករដ្ឋមន្ត្រីកម្ពុជា ដែលមានប្រាក់បៀវត្សរ៍ត្រឹមតែ ២៥០០ដុល្លារ ក្នុងមួយខែ តែមាននាឡិកាពាក់ តម្លៃ​រហូតដល់​ទៅច្រើន​លានដុល្លារ និងមិនមែន​មានតែ​នាឡិកា​មួយទេ។

ប្រតិកម្មតបនឹងការចុះផ្សាយព័ត៌មានខាងលើ លោក សុខ ឥសាន បានលើកយក​អំណះអំណាង​មួយ មកបញ្ជាក់តាមវិទ្យុអាស៊ីសេរី (RFA) កាលពីមុននេះបន្តិច។ នោះ គឺត្រឹម​រូបលោក ដែលជាអ្នកនាំពាក្យ មាននាឡិកាពាក់ តម្លៃ១លានដុល្លារហើយ ចុះទម្រាំ​លោក ហ៊ុន សែន ដែលជាប្រធានគណបក្ស មិនអាចពាក់នាឡិកាដែលអន់ ឬថោកជាង​រូបលោក​នោះទេ។

អ្នកនាំពាក្យគណបក្សកាន់អំណាច​ថ្លែងថា៖

«គ្រាន់តែខ្ញុំ ពាក់តម្លៃមួយលានទៅហើយ នាឡិកាខ្ញុំរាល់ថ្ងៃនេះ។ ជឿដែរឬអី? ហាសហាស… ហើយចុះគ្រាន់តែខ្ញុំ អ្នកនាំពាក្យ [ពាក់នាឡិកាតម្លៃ] មួយលានទៅហើយ ចុះគាត់ប្រធានបក្ស រឿងអីទៅពាក់ [នាឡិកាតម្លៃ] ៥សែន? អាហ្នឹងវាអញ្ចឹង៕»



លំអិតបន្ថែមទៀត

កម្ពុជា

ហ៊ុន សែន ផ្តាំទៅ​គូប្រកួត​ឲ្យ​«ហ្វឹកហាត់​ឲ្យ​ស្ទាត់» កុំឲ្យ​ចាញ់ដូចមុនៗ

បន្ទាប់ពីខកខាន លែងបានហាត់ប្រាណ អស់រយៈពេលជាច្រើនសប្ដាហ៍ លោកនាយករដ្ឋមន្ត្រី ហ៊ុន សែន បានធ្វើការហាត់ប្រាណនេះឡើងវិញ នៅថ្ងៃនេះ និងបានឆ្លៀតផ្ញើរសារ ទៅកាន់គូប្រកួតរបស់លោក ឲ្យ«ហ្វឹកហាត់​ឲ្យ​ស្ទាត់» ដើម្បីកុំឲ្យ«ចាញ់ដូចមុនៗ»។ ការផ្ញើរសារនោះ ...
កម្ពុជា

ហ៊ុន សែន អះអាងថា នឹងមិន​«បិទបណ្ដាញសង្គម»​នៅកម្ពុជា​ដាច់ខាត

លោកនាយករដ្ឋមន្ត្រី ហ៊ុន សែន បានអះអាងថា នៅក្នុងរយៈពេល​នៃការកាន់អំណាចរបស់លោក លោកនឹងមិនបញ្ជាឲ្យ«បិទបណ្ដាញសង្គម»នៅកម្ពុជាជាដាច់ខាត។ បណ្ដាញសង្គមដែលលោកនាយករដ្ឋមន្ត្រីអះអាងនោះ មានជាអាទិ៍ ដូចជា ហ្វេសប៊ុកជាដើម។ ថ្លែងក្នុងពិធីបើកការដ្ឋានសាងសង់សំណង់ផ្សេងៗ ក្នុងគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ...
កម្ពុជា

កឹម សុខា បង្ហោះសារ​រំឭកខួប​នៃ​ការចាប់ខ្លួន ដើម្បី​ឆ្លើយតប សម រង្ស៊ី

កឹម សុខា – សម រង្ស៊ី – ប្រធានគណបក្សសង្គ្រោះជាតិ លោក កឹម សុខា បានយកឱកាសនៃខួបលើកទី២ នៃការចាប់ខ្លួនលោក ដោយរដ្ឋអំណាច ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...