កម្ពុជាដំណឹង

ភរិយា កែម ឡី ប្រាប់ស្វាមីថា «បងឈប់បារម្ភពីអូន និងកូនៗទៀតទៅ»

អ្នកស្រី ប៊ូ រចនា ភរិយាមេម៉ាយ នៃសពលោក កែម ឡី បានសុបិន្តឃើញស្វាមីអ្នកជាថ្មីទៀត បើទោះលោក កែម ឡី បានឃ្លាតចេញពីអ្នកស្រី អស់រយៈពេល៣ឆ្នាំហើយក៏ដោយ។ អ្នកស្រីបានពោលពាក្យបេះដូង ផ្ដាំផ្ញើរទៅស្វាមី ឲ្យឈប់បារម្ភពីអ្នកស្រី និងកូនៗ បន្តទៅទៀត ព្រោះនៅខណៈនេះ ពួកអ្នកស្រីបានរួចផុត ពី«បក្សពួកតិរិច្ឆាន»ហើយ។

ភរិយាលោក កែម ឡី ដែលកំពុងរស់នៅ ក្នុងប្រទេសអូស្ត្រាលី បានបង្ហោះសារ នៅលើបណ្ដាញសង្គម កាលពីម្សិលម៉ិញ មានខ្លឹមសារជាអាទិ៍ថា៖

«យប់មិញសុបិន្តឃើញស្វាមី។ ជិត៣ឆ្នាំហើយ សូមបងឈប់បារម្ភ ពីអូននិងកូនៗ ទៀតទៅ។ អូននិងកូនបានរួចផុត ពីបក្សពួកតិរិច្ឆាន ដោយសុវត្ថិភាពហើយ។»

«ពេលអូនបានមករស់នៅ ក្នុងប្រទេសមួយ ដែលមានលិទ្ធិប្រជាធិបតេយ្យពិតប្រាកដ និងការគោរពសិទ្ធិមនុស្សពេញលេញ ធ្វើឲ្យអូនគិតដល់ប្រជាពលរដ្ឋខ្មែរ ដែលរស់នៅក្នុងរបបតិរិច្ឆាន ទាំងវេទនា ពិតជាអយុត្តិធម៌ខ្លាំងណាស់។»

លោក កែម ឡី ត្រូវបានឃាតករ​​ឈាមត្រជាក់​​បាញ់សម្លាប់ កាលពីថ្ងៃទី១០ ខែកក្កដា ឆ្នាំ២០១៦ នៅខណៈលោក កំពុងទទួលទានកាហ្វេ នៅក្នុងហាងលក់ទំនិញ ស្តាម៉ាត នៃស្ថានីយចាក់ប្រេងឥន្ទនៈ កាល់តិច ស្ថិតនៅស្ដុបបូកគោ កណ្ដាលរាជធានីភ្នំពេញ។ នៅក្រោយឃាតកម្មនោះ និងរហូតមកដល់ថ្ងៃនេះ ជនសង្ស័យតែម្នាក់គត់ ឈ្មោះ អឿង អាង ដាក់រហស្សនាម «ជួប សម្លាប់» ត្រូវបានឃាត់ខ្លួន និងផ្តន្ទាទោស។

អ្នកស្រី ប៊ូ រចនា បានបន្តសំដីទៅកាន់ស្វាមីទៀតថា៖

«ឬមួយបងព្រួយ [អំពី]ការរៀនសូត្រ របស់កូនទាំង៤នាក់? សូមបងកុំព្រួយ អត់មានបញ្ហាអ្វីទេ។ [ពួក]គាត់ខំរៀនណាស់។ ចំណែកកូនពៅយើងវិញ គាត់មានសុខភាពល្អ ដៃជើងរឹងមាំ គាត់ឆ្លាត គាត់ធំជាងមុន។»

«សូមដួងវិញ្ញាណក្ខន្ធបង បានទៅកាន់ឋានសុខផងចុះ។ ពីអូននិងកូនទាំងប្រាំ នឹកបងខ្លាំងណាស់។»៕



លំអិតបន្ថែមទៀត

កម្ពុជា

ហ៊ុន សែន ត្រឡប់​ពីទស្សនកិច្ច​នៅចិន​ដោយ​អះអាង​ថា បាន​«ទទួលជោគជ័យ»

នាយករដ្ឋមន្ត្រីកម្ពុជា លោក ហ៊ុន សែន បានវិលត្រឡប់ មកដល់រាជធានីភ្នំពេញវិញហើយ នៅព្រឹកថ្ងៃពុធ ទី២៣ ខែមករា ឆ្នាំ២០១៩នេះ បន្ទាប់ពីលោកបានធ្វើទស្សនកិច្ច រយៈពេល៣ថ្ងៃ នៅក្នុងសាធារណរដ្ឋប្រជាមានិត ...
កម្ពុជា

សម រង្ស៊ី ថានឹងវិល​មកកម្ពុជា​ដើម្បីចាប់ ហ៊ុន សែន យកទៅ​កាត់ទោស

មេដឹកនាំប្រឆាំងបានបង្ហាញជំនឿមុតមាំថា ដំណើរវិលត្រឡប់ចូលប្រទេសកម្ពុជា មិនមែនដើម្បីដើរចូល ទៅឲ្យអាជ្ញាធរបញ្ជាដោយលោកនាយករដ្ឋមន្ត្រី ហ៊ុន សែន ចាប់ខ្លួនលោកនោះទេ។ លោក សម រង្ស៊ី បានថ្លែងពីក្រុងសៀតថល សហរដ្ឋអាមេរិកមកថា លោកត្រឡប់ចូលស្រុកវិញ ...
កម្ពុជា

ហ៊ុន សែន គ្រោង​កាត់បន្ថយ ចំនួន​ថ្ងៃ​ឈប់សម្រាក នៅឆ្នាំក្រោយ

លោកនាយករដ្ឋមន្ត្រី ហ៊ុន សែន ប្រកាសនៅព្រឹកថ្ងៃពុធនេះ ថារដ្ឋាភិបាលលោក គ្រោង​កាត់បន្ថយ ចំនួន​ថ្ងៃ​ឈប់សម្រាក នៅឆ្នាំក្រោយ ដើម្បីអ្វីមួយដែលលោកហៅថា ជាការយកចិត្តសម្រាប់អ្នកវិនិយោគ (ឬម្ចាស់រោងចក្រ)។ ថ្លែងនៅចំពោះនិស្សិតបញ្ចប់ការសិក្សា ជាច្រើនរយនាក់ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.