កម្ពុជាដំណឹង

ហ៊ុន សែន៖ ការដក​ការអនុគ្រោះ​ពន្ធ គម្រាម​ដល់​ស្ថិរភាព និង​ការអភិវឌ្ឍ

លោកនាយករដ្ឋមន្ត្រី ហ៊ុន សែន បានប្រើវេទិកានៃកិច្ចប្រជុំកំពូលលើកទី៥ នៃសន្និសីទអន្តរសកម្មភាព និងវិធានការកសាងទំនុកចិត្តនៅអាស៊ី (CICA) ដើម្បីបរិហារសហរដ្ឋ​អាមេរិក និងសហភាពអ៊ឺរ៉ុប ដោយអះអាងថា ការដកហូតការអនុគ្រោះពន្ធ និងគោលនយោបាយ​គាំពារនិយម បាននិងកំពុងគម្រាម​ដល់ស្ថិរភាព និង​ការអភិវឌ្ឍ របស់ប្រទេសជាច្រើន។

ថ្លែងក្នុងរសៀលថ្ងៃទី១៥ ខែមិថុនា ឆ្នាំ២០១៩នេះ ពីរដ្ឋធានី​ឌូសាន់​បេ ប្រទេសតាជីគីស្ថាន មេដឹកនាំរបបក្រុងភ្នំពេញ ត្រូវបានស្រង់សំដី មកបង្ហោះនៅលើទំព័រហ្វេសប៊ុករបស់លោក ឡើងថា៖

«បទពិសោធន៍ និងមេរៀនរបស់ប្រទេសលីប៊ី អៀរ៉ាក់ និងស៊ីរី បានសបញ្ជាក់ថា ការលូកដៃ ចូលកិច្ចការផ្ទៃក្នុងប្រទេសអធិបតេយ្យ មិនបានធ្វើឱ្យសភាពការណ៍ មានភាពប្រសើរជាងមុននោះទេ ក្រៅតែពីការបន្សល់ទុក នូវសោកនាដកម្មដ៏ឈឺចាប់ ដល់ប្រជាជនស្លូតត្រង់ និងការបំផ្លិចបំផ្លាញ ព្រមទាំងការបន្តការហែកហួ ដោយសារសង្គ្រាមស៊ីវិល។»

បុរសខ្លាំងកម្ពុជា បានបន្តថា៖

«ជាងនេះទៀត ភាពអត្មានិយមក្នុងការប្រកួតប្រជែងអំណាច និងឥទ្ធិពល ដោយមិនបានគិតគូរពីផលប្រយោជន៍រួម តាមរយៈមធ្យោបាយដាក់ទណ្ណកម្ម ឬគំនាបសេដ្ឋកិច្ច ការដកហូតការអនុគ្រោះពន្ធ និងគោលនយោបាយគាំពារនិយម បាននិងកំពុងគម្រាម ដល់ស្ថិរភាព និងដំណើការអភិវឌ្ឍ របស់ប្រទេសជាច្រើន។»

«អធិបតេយ្យភាព ឯករាជ្យភាព… ស្ថិរភាព និង​ការអភិវឌ្ឍ»

កាលពីដើមខែកុម្ភៈ ឆ្នាំ២០១៩នេះ សហភាពអ៊ឺរ៉ុប បានប្រកាសបើកនីតិវិធីផ្លូវការ ដើម្បីឈានទៅព្យួរប្រទេសកម្ពុជា ចេញពីប្រព័ន្ធអនុគ្រោះពន្ធរបស់ខ្លួន ហៅថា «អ្វីៗទាំងអស់លើកលែងតែអាវុធ (EBA)» បន្ទាប់ពីសហភាពអ៊ឺរ៉ុបរកឃើញថា របបក្រុងភ្នំពេញ បានដឹកនាំប្រទេស ផ្ទុយពីគន្លងប្រជាធិបតេយ្យ និងការគោរពសិទ្ធិមនុស្ស ដែលជាលក្ខខណ្ឌ មានចែងក្នុងកិច្ចព្រមព្រៀង កម្ពុជា-សហភាពអ៊ឺរ៉ុប ដើម្បីទទួលបាន ប្រព័ន្ធអនុគ្រោះពន្ធមួយនេះ។

បើតាមសេចក្ដីប្រកាសព័ត៌មាន ដែលចេញផ្សាយនៅពេលនោះ ដោយសហភាពអ៊ឺរ៉ុប ពីរាជធានីព្រុយហ្សែល (ប្រទេសប៊ែលហ្សិក) របបដឹកនាំរបស់លោក ហ៊ុន សែន មានពេល៦ខែ ដើម្បីឲ្យសហភាពអ៊ឺរ៉ុប ប្ដូរជំហរ​ងាកត្រឡប់ក្រោយវិញ។ មកដល់ថ្ងៃនេះ ពេលវេលានៅសល់ មិនដល់២ខែទៀតផងទេ។

កាលពីថ្ងៃទី១១ ខែមិថុនា សហភាពអ៊ឺរ៉ុបបានរំឭកប្រទេសកម្ពុជាសារជាថ្មី ឲ្យដោះស្រាយក្ដីកង្វល់ទាំងឡាយ ទាក់ទងបញ្ហាសិទ្ធិមនុស្ស និងសិទ្ធិការងារ ដើម្បីអាចរក្សាទុកនូវប្រព័ន្ធអនុគ្រោះពន្ធខាងលើ។ ការរំឭកនេះ ធ្វើឡើងបន្ទាប់ក្រុមប្រតិភូសហភាព​អ៊ឺរ៉ុប បានបញ្ចប់បេសកកម្ម ស្វែងរកការពិត នៅកម្ពុជា កាលពីថ្ងៃទី១០ ខែមិថុនារួចរាល់។

សហរដ្ឋអាមេរិក ក៏នឹងអាចឈានជំហាន ដើរតាមសហភាពអ៊ឺរ៉ុបដែរ ខណៈក្រុមសមាជិកសភា និងសមាជិកព្រឹទ្ធសភាអាមេរិក ជាច្រើននាក់ បានស្នើគម្រោងច្បាប់ ជាបន្តបន្ទាប់ ដើម្បីឲ្យរដ្ឋាភិបាលអាមេរិកលប់ចេញវិញ នូវប្រព័ន្ធអនុគ្រោះពន្ធ (GSP) ដែលផ្ដល់ជូនកម្ពុជា។ ច្បាប់ទាំងនោះ មានរួមបន្ថែមដោយទណ្ឌកម្មផ្សេងទៀត ដូចជាការបង្កកទ្រព្យសម្បត្តិ និងការកំហិតទិដ្ឋការ សម្រាប់ក្រុមមន្ត្រីជាន់ខ្ពស់ នៃរដ្ឋាភិបាលកម្ពុជាជាដើម។

ទោះបីជាយ៉ាងណា បន្ទាប់ពីរិះគន់ក្រុមបស្ចឹមលោក ដែលបានផ្ដល់ផលប្រយោជន៍ សម្រាប់ប្រទេសកម្ពុជា តាំងពីច្រើនឆ្នាំមកនោះរួច លោក ហ៊ុន សែន បានងាកមកថ្លែងទាញប្រយោជន៍ ពីអង្គប្រជុំដែលលោកកំពុងចូលរួមនេះវិញ។ នាយករដ្ឋមន្ត្រីបីទសវត្សរ៍ជាង របស់កម្ពុជា បានថ្លែងថា៖

«យើងគប្បីទាញយកប្រយោជន៍ ពីចំណុចខ្លាំងរបស់ស៊ីកា (CICA) ពោលគឺ ការផ្តោតលើវិធានការនៃការកសាងទំនុកចិត្ត (…) ពីសក្តានុពលដ៏ធំធេង សម្រាប់កិច្ចសហប្រតិបត្តិការក្នុងវិស័យសេដ្ឋកិច្ចពាណិជ្ជកម្ម ការវិនិយោគ និងទេសចរណ៍។ កម្ពុជាមានបំណងស្វែងរក កាលានុវត្តភាពពាណិជ្ជកម្ម និងការវិនិយោគបន្ថែមទៀត ជាមួយប្រទេស ជាសមាជិករបស់ស៊ីកាទាំងអស់ ជាពិសេសសម្រាប់សហគ្រាសធុនតូច និងមធ្យម តាមរយៈការផ្លាស់ប្តូរពត៌មាន និងការតភ្ជាប់គ្រប់ផ្នែក៕»



លំអិតបន្ថែមទៀត

កម្ពុជា

មេទ័ព ហ៊ុន សែន ប្រាប់​ពលទាហាន​ឲ្យ​«សម្រកក្បាលពោះ»

បុរសខ្លាំងកម្ពុជា លោក ហ៊ុន សែន ដែលមានតួនាទី ជានាយករដ្ឋមន្ត្រីផង និងជាអគ្គមេបញ្ជាការ នៃកងកម្លាំងប្រដាប់អាវុធកម្ពុជាផង បានថ្លែងប្រាប់ ឲ្យពលទាហាន ក្រោមបង្គាប់ទាំងឡាយ ត្រូវ«សម្រកក្បាលពោះ»។ មេដឹកនាំកម្ពុជា ...
កម្ពុជា

ហ៊ុន សែន ប្ដេជ្ញាកម្ចាត់ក្រុមប្រឆាំង ស្មើនឹងគោលដៅ​«កម្ចាត់​ប៉ុលពត»

នាយករដ្ឋមន្ត្រីបីទសវត្សន៍ជាង របស់កម្ពុជា បានប្រកាសនៅថ្ងៃនេះ ថាលោកប្ដេជ្ញា ដាក់គោលដៅ ក្នុងការកម្ចាត់ក្រុមប្រឆាំង ស្មើនឹងគោលដៅរបស់លោក ក្នុងការ«កម្ចាត់​ប៉ុលពត»។ ការថ្លែងដូច្នេះ របស់លោកនាយករដ្ឋមន្ត្រី ហ៊ុន សែន ធ្វើឡើងបន្ទាប់ពីលោកបានរំលឹក ...
កម្ពុជា

ផៃ ស៊ីផាន ភ្ជាប់សារ​របស់​ស្ថានទូត​អាមេរិក ទៅនឹង​ប្រវត្តិ​«ដកទូត»​ពីកម្ពុជា

នៅមុននេះបន្តិច អ្នកនាំពាក្យរដ្ឋាភិបាលក្រុងភ្នំពេញ លោក ផៃ ស៊ីផាន បានហៅមន្ត្រីស្ថានទូតសហរដ្ឋអាមេរិក ប្រចាំនៅរដ្ឋធានីភ្នំពេញ ថាកំពុងធ្វើកិច្ចការ ហួសពីកាតព្វកិច្ចការងារទូត នៅចំខែមេសានេះ ដែលលោកបានភ្ជាប់ ទៅនឹងកាលវេលា​«ដកទូត»​របស់ប្រទេសមហាអំណាច ចេញពីកម្ពុជា​កាលពីឆ្នាំ១៩៧៥។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...