កម្ពុជាដំណឹង

កម្ពុជា​មានពេល​៦ខែ ដើម្បី​«ស្ដារស្ថានភាព»​បើចង់រក្សាទុក EBA

ការប្រកាសបើកនីតិវិធីផ្លូវការ ដើម្បីឈានទៅដកប្រទេសកម្ពុជា ចេញពីកម្មវិធីអនុគ្រោះពន្ធ «EBA» មិនមែនជាសេចក្ដីសម្រេចចុងក្រោយ របស់សហភាពអ៊ឺរ៉ុប ដែលថានឹងត្រូវព្យួរប្រព័ន្ធអនុគ្រោះពន្ធ ក្នុងពេលនេះទេ។ ប៉ុន្តែសម្រាប់សហភាពអ៊ឺរ៉ុប វាជាការកំណត់ពេលវេលា ដែលមានកាលវិភាគច្បាស់លាស់ ដើម្បីឈានទៅកាន់ទិសដៅនោះ ប្រសិនណាជាប្រទេសកម្ពុជា មិន«ស្ដារស្ថានភាព»ឲ្យល្អប្រសើរវិញទេ។

ដូចអ្នកស្រី សេស៊ីលីយ៉ា ម៉ាលស្ត្រម (Cecilia Malmström) តំណាងជាន់ខ្ពស់ នៃសហភាពអ៊ឺរ៉ុប ទទួលបន្ទុកគោលនយោបាយ​ពាណិជ្ជកម្ម បានពន្យល់នៅក្នុងសេចក្ដីប្រកាសព័ត៌មាន ចេញផ្សាយកាលពីម្សិលម៉ិញអះអាងថា ការបើកនីតិវិធីផ្លូវការ ក្នុងថ្ងៃទី១១ ខែកុម្ភៈ ឆ្នាំ២០១៩នេះ វាការចាប់ផ្ដើមរាប់ថ្ងៃជាផ្លូវការ សម្រាប់រយៈពេល៦ខែ ដែលសហភាអ៊ឺរ៉ុប ត្រូវឃ្លាំមើលប្រទេសកម្ពុជា យ៉ាងដិតដល់និងជាក់លាក់ ហើយវិធានការចាំបាច់ទាំងអស់ (ពីសំណាក់អាជ្ញាធរកម្ពុជា) ត្រូវដាក់ឲ្យចេញជារូបរាង ក្នុងរយៈពេលនេះ។

អ្នកស្រី ម៉ាលស្ត្រម បានថ្លែងព្រមាននៅក្នុងសេចក្ដីប្រកាសព័ត៌មាននោះថា៖

«នៅពេលយើងនិយាយថា គោលនយោបាយពាណិជ្ជកម្មរបស់សហភាពអ៊ឺរ៉ុប ផ្អែកទៅលើគុណតម្លៃ [នៃលទ្ធិប្រជាធិបតេយ្យ ការគោរពសិទ្ធិមនុស្ស និងសិទ្ធិការងារ] មិនមែននិយាយ ឲ្យរួច​តែពីមាត់​នោះទេ។»

ដោយអះអាងថា សហភាពអ៊ឺរ៉ុបនៅតែបើកទ្វា ដើម្បីជជែកជាមួយកម្ពុជានោះ អ្នកស្រី សេស៊ីលីយ៉ា ម៉ាលស្ត្រម បានឲ្យដឹងទៀតដូច្នេះ៖

«យើងមានមោទនភាព​ណាស់ ព្រោះយើងជាលំហរទីផ្សារមួយ នៃលំហរទីផ្សារពិភពលោក ដែលបើកចំហជាងគេ សម្រាប់បណ្ដាប្រទេស ដែលមិនសូវមានការរីកចម្រើន ហើយមានភស្តុតាងច្រើនណាស់ ដែលបង្ហាញថា ការនាំចេញ​ទៅកាន់លំហរទី​ផ្សារដ៏ធំ របស់សហភាពអឺរ៉ុប អាចផ្តល់​នូវសន្ទុះសេដ្ឋកិច្ច​ដ៏សំខាន់​ សម្រាប់​ប្រទេស​ទាំងនោះ។ ជាការឆ្លើយតបវិញ យើងគ្រាន់តែស្នើឲ្យប្រទេសទាំងនោះ គោរពនូវគោលការណ៍​​ជាមូលដ្ឋានគ្រឹះ​មួយចំនួន។»

ខាងក្រោមនេះ ជាកាលវិភាគនៃនីតិវិធីរបស់គណៈកម្មការអ៊ឺរ៉ុប ដើម្បីឈានទៅដកប្រទេសកម្ពុជា ចេញពីកម្មវិធីអនុគ្រោះពន្ធ «EBA» របស់ខ្លួន៖

១) ចាប់ពីថ្ងៃទី១១ ខែកុម្ភៈ ឆ្នាំ២០១៩នេះ អាជ្ញាធរនៃប្រទេសកម្ពុជា មានពេល៦ខែ ដើម្បី«ស្ដារស្ថានភាព» ដោយបង្ហាញនូវចំណាត់ការជាក់លាក់ ក្នុងការវិលទៅកាន់វិថី នៃលទ្ធិប្រជាធិបតេយ្យ និងការគោរពសិទ្ធិមនុស្ស។ រយៈពេលនេះ សហភាពអ៊ឺរ៉ុបនឹងឃ្លាំមើលប្រទេសកម្ពុជា យ៉ាងដិតដល់ជាងពេលណាៗទាំងអស់។

២) បន្ទាប់មកសហភាពអ៊ឺរ៉ុប ត្រូវការពេល៣ខែទៀត ដើម្បីរៀបចំរបាយការណ៍មួយឡើង។

៣) គណៈកម្មការអ៊ឺរ៉ុប មានពេល៣ខែយូរបំផុត (ដែលមានន័យថា អាចលឿនជាងនេះ) ដើម្បីធ្វើការសម្រេច​នៅទីបំផុតថា តើប្រទេសកម្ពុជា នឹងត្រូវព្យួរចេញ​ពីកម្មវិធីអនុគ្រោះពន្ធ «EBA» ឬយ៉ាងណា។

៤) បើគណៈកម្មការអ៊ឺរ៉ុបសម្រេចថាត្រូវព្យួរ នោះការសម្រេចនេះ​​នឹងចូលជាធរមាន នៅ៦ខែក្រោយ។

ដូច្នេះរាប់ពីថ្ងៃទី១១ ខែកុម្ភៈ ឆ្នាំ២០១៩នេះទៅ ពេលវេលាយូរបំផុត​ដែលសរុប​ទាំងការឃ្លាំមើល ការធ្វើរបាយការណ៍ ការសម្រេច និងទាំងការអនុវត្តន៍ មានរយៈពេល១៨ខែ ដើម្បីប្រព័ន្ធ «EBA» ត្រូវបានព្យួរជាស្ថាពរ ខណៈប្រទេសកម្ពុជា មានពេលតែ៦ខែដំបូងប៉ុណ្ណោះ សម្រាប់អនុញ្ញាតឲ្យសហភាពអ៊ឺរ៉ុប ដើរត្រឡប់ក្រោយវិញ៕



លំអិតបន្ថែមទៀត

លោក ហ៊ុន សែន (រូបអង្គុយ) កំពុងជល់កែវជាមួយកូន និងកូនប្រសារ ទាំងប្រុស-ស្រីរបស់លោក នៅក្នុងគេហដ្ឋានរបស់លោក។ (រូបថតហ្វេសប៊ុក)
កម្ពុជា

RSF ៖ កម្ពុជា​បន្តធ្លាក់​ចំណាត់ថ្នាក់ ក្នុង​សេរីភាព​សារព័ត៌មាន ឆ្នាំ​២០២០

ប្រទេសកម្ពុជាបន្តមានចំណាត់ធ្លាក់ទាប ក្នុង​សេរីភាព​សារព័ត៌មាន សម្រាប់ឆ្នាំ២០២០។ នេះ​បើតាមបញ្ជីសន្ទស្សន៍ របស់អង្គការអ្នកយកព័ត៌មានគ្មានព្រំដែន ដែលទើបនឹងចេញផ្សាយ ក្នុងថ្ងៃពុធ ទី២២ ខែមេសា ឆ្នាំ២០២០។ បញ្ជីសន្ទស្សន៍ បានគណនាពិន្ទុ ឆ្នាំ២០២០ ...
កម្ពុជា

សម រង្ស៊ី ថា​សម្ពាធ​អន្តរជាតិ​ធ្វើឲ្យ ហ៊ុន សែន សម្រេច​ចិត្ត​​«ត្រឡប់ត្រឡិន»

សម្រាប់មេដឹកនាំប្រឆាំង បានពន្យល់ថា ការប្រកាសរបស់រដ្ឋាភិបាលក្រុងភ្នំពេញ ដែលថា កម្ពុជាមិនបានដាក់សមាជិកសភាអ៊ឺរ៉ុប ចូលក្នុងបញ្ជីខ្មៅ នៃជនហាមឃាត់ចូលទឹកដីកម្ពុជានោះ ជាការសម្រេចចិត្តបែប«ត្រឡប់ត្រឡិន» របស់លោកនាយករដ្ឋមន្ត្រី ហ៊ុន សែន ដែលកំពុងរងសម្ពាធ ពីសហគមន៍អន្តរជាតិ។ ...
កម្ពុជា

EU នឹង​មិនផ្អាក​ការសម្រេច​របស់ខ្លួន ក្នុង​ការព្យួរ​«EBA»​ពីកម្ពុជា​ឡើយ

គ្មានទេ! គ្មានការឆ្លើយតប ជាវិជ្ជមានឡើយ ពីសំណាក់សហភាពអ៊ឺរ៉ុប (EU) ចំពោះ​សំណើរ​​​របស់​​ក្រុម​​សហគ្រិនកម្ពុជា ដែលចង់ឲ្យសហភាព​អ៊ឺរ៉ុបយោគយល់ ដោយផ្អាក ឬពន្យាពេល​​ការសម្រេចព្យួរ ប្រព័ន្ធអនុគ្រោះពន្ធ ហៅថា «EBA» ពីប្រទេសកម្ពុជា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...