កម្ពុជាដំណឹង

Covid-19៖ ហ៊ុន សែន កាត់បន្ថយបម្រាម សម្រាប់​ដាក់កំហិត​ការធ្វើដំណើរ

បុរសខ្លាំងកម្ពុជា បានប្ដូរបទបញ្ជារបស់លោក នៅថ្ងៃនេះ ដោយ«កាត់បន្ថយបម្រាម» នៃការដាក់កំហិត សម្រាប់ការធ្វើដំណើររវាងរាជធានី និងខេត្តកណ្ដាល ក៏ដូចជារវាងស្រុកនិងស្រុក។

បញ្ជាថ្មីនេះ ធ្វើឡើងបន្ទាប់ពីបម្រាមរបស់លោក ដែលបានផ្សាយចេញ ជាលក្ខណៈបន្ទាន់ កាលពីរសៀលម្សិលម៉ិញ ដើម្បីអនុវត្តន៍ភ្លាម នៅវេលាយប់កណ្ដាលអាធ្រាត (ថ្ងៃដដែល) អំពីការកំហិត នូវការធ្វើដំណើរ បម្លាស់ទី របស់ពលរដ្ឋ រវាងរាជធានី-ខេត្ត-ក្រុង និងស្រុក ដើម្បីអ្វីមួយ ដែលលោក ហ៊ុន សែន អះអាងថា ដើម្បីបង្ការ និងទប់ស្កាត់ ការរាតត្បាតនៃជំងឺ«Covid-19»។

សេចក្ដីសម្រេច របស់រដ្ឋាភិបាលកម្ពុជា ដែលមានចុះហត្ថលេខា របស់លោក ហ៊ុន សែន ក្នុងថ្ងៃទី១០ ខែមេសា ឆ្នាំ២០២០នេះ បានសរសេរឲ្យដឹងថា៖

ទី១៖ ដោយសម្រេចកំណត់ភូមិសាស្រ្ត រាជធានីភ្នំពេញ និងខេត្តកណ្តាល ជាតំបន់តែមួយ ដែលមិនស្ថិតនៅ​ក្រោមវិសាលភាព នៃការហាមឃាត់ ការធ្វើដំណើរឆ្លងកាត់ ទៅវិញទៅមក នោះទេ។

ទី២៖ សម្រេចលុបចេញ នូវការហាមឃាត់ការធ្វើដំណើរឆ្លងកាត់ ពីស្រុកមួយទៅស្រុកមួយទៀត នៅក្នុងខេត្តតែមួយ ដោយរក្សាទុកជាធរមាន នូវការហាមឃាត់ ការធ្វើដំណើរ ពីខេត្តមួយ ទៅខេត្តមួយទៀត។

ការលើកចេញបម្រាម ចំនួនពីរចំណុចខាងលើ ត្រូវរួមបញ្ចូលនឹងការលើកលែងជាច្រើនទៀត ដែលមានចែង នៅក្នុងបម្រាមកាលពីម្សិលម៉ិញ៕

សេចក្ដីសម្រេចរបស់រាជរដ្ឋាភិបាល ស្ដីពីការកែសម្រួលបទបញ្ជាលេខ ០២ ប.ប ចុះថ្ងៃទី០៩ ខែមេសា ឆ្នាំ២០២០ ស្ដីពីការដាក់កំហិតលើការធ្វើដំណើរក្នុងប្រទេស ក្នុងគោលដៅបង្ការ និង ទប់ស្កាត់ ការរាតត្បាតនៃជំងឺកូវីដ-១៩​ ៖

Posted by Samdech Hun Sen, Cambodian Prime Minister on Thursday, April 9, 2020


លំអិតបន្ថែមទៀត

កម្ពុជា

សម រង្ស៊ី ថា ហ៊ុន សែន បញ្ជាឲ្យ​ហូប​«នំបញ្ចុក»​រួមគ្នា ជាការធ្វើតាម CNRP

ពេលនេះ ឈានមកដល់វគ្គដណ្ដើមកម្មសិទ្ធិបញ្ញាគ្នា នៃ«ទិវានំបញ្ចុក»។ ខណៈលោក ហ៊ុន​ សែន ខ្លួនលោក និងក្រុមអ្នកគាំទ្រ ប្រកាសថា ការជួបជុំគ្នាទទួលទាន«នំបញ្ចុក»នេះ ជាការសាមគ្គីជាតិ ដែលប្រកាសចេញ ដោយ«សម្ដេចតេជោ​នាយករដ្ឋមន្ត្រី»នោះ ...
កម្ពុជា

ម៉ម សូណង់ដូ៖ «ស្រុកខ្មែរ​គឺឡប់ឡែ​មែនទែន»

«ស្រុកខ្មែរ​គឺឡប់ឡែ​មែនទែន» នេះជាការឧទានឡើង របស់លោក ម៉ម សូណង់ដូ ប្រធានគណបក្ស​សំបុកឃ្មុំសង្គម​ប្រជាធិបតេយ្យ និងជា​ប្រធានសម្ព័ន្ធភាពអ្នកប្រជាធិបតេយ្យ ដើម្បីជាការរិះគន់ តបនឹងការធ្វើដើមសាបុាំង ណូអែល ឬគ្រីស្មាស ដោយយកកដបស្រាបៀរ «Heineken» ...
កម្ពុជា

សម រង្ស៊ី ថាហ្វេសប៊ុក​គ្រោង​«បិទគណនី ហ៊ុន សែន»

មេដឹកនាំប្រឆាំងរបស់ប្រទេសកម្ពុជា លោក សម រង្ស៊ី បានឲ្យដឹងថា ក្រុមហ៊ុនម្ចាស់បណ្ដាញសង្គមធំជាងគេ មានគម្រោង«បិទគណនី»របស់លោក ហ៊ុន សែន ដែលជាហេតុធ្វើឲ្យបុរសខ្លាំងកម្ពុជា ដែលអង្គុយក្នុងតំណែងជានាយករដ្ឋមន្ត្រី ជាច្រើនសិបឆ្នាំមកនោះ ក្ដៅក្រហាយរហូតធ្វើការព្រមាន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...