កម្ពុជាដំណឹង

ហ៊ុន សែន បដិសេធ​ព័ត៌មាន ពី​«ហត្ថលេខា​សម្ងាត់»​ឲ្យចិន​ប្រើ​មូលដ្ឋាន​ទ័ព

បុរសខ្លាំងកម្ពុជា បានចេញមុខបដិសេធ​ដោយផ្ទាល់ ដើម្បីប្រតិកម្មតប នឹងការចុះផ្សាយរបាយការណ៍មួយ របស់សារព័ត៌មានអាមេរិកដ៏ធំ ឈ្មោះ «The Wall Street Journal» ដែលអះអាងថា កម្ពុជាបានចុះ«ហត្ថលេខា​សម្ងាត់» ដើម្បីអនុញ្ញាតឲ្យចិនកុម្មុយនីស្ដិ៍ ប្រើប្រាស់មូលដ្ឋានយោធាជើងទឹកកម្ពុជា។

កាលពីប៉ុន្មានម៉ោងមុន សារព័ត៌មានអាមេរិកដ៏ល្បី បានលើកយកប្រភពមន្ត្រីអាមេរិក មកអះអាងថា ប្រទេសចិនបានចុះហត្ថលេខា លើកិច្ចព្រមព្រៀងសម្ងាត់មួយ ជាមួយរបបក្រុងភ្នំពេញ ដើម្បីអនុញាតឲ្យកងទ័ពរបស់ខ្លួន ប្រើប្រាស់មូលដ្ឋានទ័ពជើងទឹកកម្ពុជា នៅ«រាម» ខេត្តព្រះសីហនុ។

ការចុះផ្សាយនោះ បានបង្ហាញពីរូបថតជាច្រើនសន្លឹក ដែលទើបនឹងថតបានថ្មីៗ ពីប្រព័ន្ធផ្កាយរណប និងធ្វើឲ្យគេយល់ថា ព្រលានយន្ដហោះមួយ កំពុងត្រូវបានក្រុមហ៊ុនចិនឈ្មោះ យ៉ូញៀន ឌឹវិឡុបមិន គ្រុប (Union Development Group) រូតរះសាងសង់ ឲ្យឆាប់ចប់រួចរាល់ នៅក្នុងខេត្តកោះកុង ។

មន្ត្រីដែលធ្វើការក្នុងករណីនេះ តែសុំមិនបញ្ចេញឈ្មោះ បានអះអាងប្រាប់ «The Wall Street Journal» ថាកិច្ចព្រមព្រៀងសម្ងាត់ ត្រូវវបានចុះហត្ថលេខា កាលពីនិទាឃរដូវកន្លងទៅ តែមិនត្រូវបានទម្លាយ ឲ្យដឹងជាសាធារណៈឡើយ។ កិច្ចព្រមព្រៀងនោះ គឺកម្ពុជាផ្តល់សិទ្ធិផ្ដាច់មុខ នូវដែនទឹកមួយផ្នែក នៃឈូងសមុទ្រកម្ពុជា ដើម្បីឲ្យចិនធ្វើជាមូលដ្ឋានយោធាជើងទឹក របស់ខ្លួន នៅចម្ងាយប៉ុន្មានគីឡូម៉ែត្រ ពីព្រលានយន្តហោះ ដ៏ធំខាងលើ។

ព្រលានយន្ដហោះ នៅខេត្តកោះកុង ដែលត្រូវបានសាងសង់ឡើង យ៉ាងប្រញាប់ប្រញាល។ (រូបថត WSJ)

ជាប្រតិកម្មតបវិញ លោកនាយករដ្ឋមន្ត្រី ហ៊ុន សែន បានចាត់ទុកការចុះផ្សាយ ពី«កិច្ចព្រមព្រៀងសម្ងាត់»ខាងលើ ថាជាព័ត៌មានប្រឌិត ដ៏អាក្រក់បំផុតប្រឆាំងកម្ពុជា។ លោកបានឆ្លើយតប ​តាមរយៈសារព័ត៌មានក្នុងស្រុក ដែលស្និតនឹងរូបលោក ដូច្នេះថា៖

«តើកម្ពុជាត្រូវការវត្តមានយោធាចិន លើទឹកដីរបស់ខ្លួន ដើម្បីអ្វី? យើងមិនដែលបានពិភាក្សាណាមួយ ជាមួយមេដឹកនាំចិននោះឡើយ កុំថាឡើយ ដល់មានចុះហត្ថលេខា លើកិច្ចព្រមព្រៀង។ ល្មមឈប់ប្រើព័ត៌មានក្លែងបន្លំ អំពីវត្តមានកងទ័ពចិន លើទឹកដីកម្ពុជា ដើម្បីប្រឆាំងនឹងយើងហើយ។»

«ហត្ថលេខាសម្ងាត់» ដើម្បីធ្វើកិច្ចព្រមព្រៀង «សម្ងាត់»?

លោក ហ៊ុន សែន អះអាងទៀតថា៖

«នេះ ជាព័ត៌មានប្រឌិត ដ៏អាក្រក់បំផុត ប្រឆាំងជាមួយកម្ពុជា។ គ្មានរឿងបែបនេះកើតឡើងនោះទេ ព្រោះមូលដ្ឋានយោធាបរទេស វាបានប្រឆាំងនឹងរដ្ឋធម្មនុញ្ញរបស់កម្ពុជា។»

ព័ត៌មានទាំងឡាយ ទាក់ទងនឹងគម្រោងរបស់ប្រទេសចិន ក្នុងការដាក់មូលដ្ឋានយោធា នៅលើទឹកដីកម្ពុជា មិនមែនទើប តែត្រូវសារព័ត៌មាន «The Wall Street Journal» នេះមួយ ចុះផ្សាយទេ។ សារព័ត៌មានបរទេសជាច្រើន ក្នុងនោះមានទាំងសារព័ត៌មាន «Asia Time» និង «South China Morning Post» ដែលមានទីតាំង ក្នុងក្រុងហុងកុងផង ក៏បានធ្វើរបាយការណ៍របស់ផងខ្លួន អំពីករណីនេះ ជាបន្តបន្ទាប់ដែរ។

សម្រាប់សារព័ត៌មានបរទេសមួយ ឈ្មោះ «War on the rocks» បានពន្យល់យ៉ាងលំអិត តាមរយៈ​របាយការណ៍មួយ មានចំណងជើងថា «ចិនលាក់ខ្លួនវាតទី នៅអាស៊ីអាគ្នេយ៍» អំពីការពង្រីកឥទ្ធិពល ​ភូមិសាស្ត្រនយោបាយ របស់ចិន នៅក្នុងតំបន់អាស៊ីអាគ្នេយ៍ តាមរយៈការ​ដាក់​មូលដ្ឋាន​​យោធា​របស់ខ្លួន នៅកម្ពុជា។

អត្ថបទរបស់ «War on the rocks» បានរៀបរាប់ថា ព្រលានយន្តហោះ ដ៏ធំខាងលើនោះ គឺស្រដៀងគ្នានឹងវាលយន្តហោះចិន នៅលើប្រជុំកោះស្ព្រែតលី ដែលអាចឲ្យយោធាចិន ប្រើប្រាស់យន្តហោះឈ្លបយកការណ៍ យន្តហោះចម្បាំង និងយន្តហោះទម្លាក់គ្រាប់បែក តាមផ្លូវអាកាសបាន។

ក្នុងពេលកន្លងមក លោក ឈុំ សុជាតិ អ្នកនាំពាក្យក្រសួងការបរទេសកម្ពុជា ក៏បានចេញមុខធ្វើប្រតិកម្ម ចំពោះការចេញផ្សាយព័ត៌មាន ទាំងនោះដែរ។ លោកបានចាត់ទុកព័ត៌មានបែបនេះថា ជាការចោទប្រកាន់មួលបង្កាច់ របបក្រុងភ្នំពេញ ហើយមានចេតនានយោបាយទុច្ចរិត ធ្វើឱ្យពិភពលោកមានការភាន់ច្រឡំ មកលើកម្ពុជា។

ប៉ុន្តែ សម្រាប់ព័ត៌មានចុងក្រោយ ដែលចេញផ្សាយ ដោយសារព័ត៌មាន «The Wall Street Journal» បានបញ្ជាក់ថា កិច្ចព្រមព្រៀងសម្ងាត់ កម្ពុជា-ចិន នឹងអនុញាតឲ្យចិន ប្រើមូលដ្ឋានយោធាកម្ពុជា ក្នុងរយ:ពេល៣០ឆ្នាំ ដើម្បីដាក់ទ័ព ដាក់គ្រឿងសព្វាវុធ និងកន្លែងចតនាវាជាដើម។

សារព័ត៌មានអាមេរិកខាងលើ បានពន្យល់ទៀតថា ​បើប្រទេស​ចិន​មាន​មូលដ្ឋាន​ទ័ព​ជើងទឹក ​នៅ​ក្នុង​ឈូង​សមុទ្រកម្ពុជា ​នោះ​ប្រទេសយក្សកុម្មុយនីស្ដិ៍មួយនេះ នឹង​មាន​ឥទ្ធិពល​ខ្លាំង​ឡើង ​ចំពោះ​បញ្ហា​សេដ្ឋកិច្ច​ និង​មាន​ប្រៀបក្នុងតំបន់ ជាពិសេសនៅក្នុង​ដែន​សមុទ្រ​ចិន​ខាងត្បូង​ ដែលប្រទេសនេះកំពុង​មាន​វិវាទ​ ជាមួយបណ្ដា​ប្រទេស​អាស៊ាន ជាច្រើន៕

កាល ពី ថ្ងៃ ទី​ ៩​ ខែ ឧសភា​ ឆ្នាំ​ ២០១៩​ កន្លង ទៅ ​នេះ​ មាន គេហទំព័រ អនឡាញ បរទេស មួយ ឈ្មោះ​ War On The Rocks…

Posted by នាយ ឧត្តមសេនីយ៍ ឈុំ សុជាត/ General Chhum Socheat on Saturday, May 11, 2019


លំអិតបន្ថែមទៀត

រូបថតជំនួស៖ កុមារចិនមួយរូប កំពុងលេងល្បែង តាមបែបវិទ្យាសាស្ត្រ។ (រូបថត Jerry Wang/Unsplash)
កម្រមាន

តុលាការចិនកាត់ទោសប្រហារជីវិត អ្នកគ្រូម្នាក់ ពីបទបំពុល​កុមារ

អ្នកគ្រូម្នាក់ ត្រូវបានតុលាការក្រុង «Jiaozuo» នៃខេត្ត «Henan» កាត់ទោស​ប្រហារជីវិត បន្ទាប់ពីបានរកឃើញថា ស្ត្រីរូបនេះចាក់ម្សៅនីទ្រីច ចូលក្នុង​ឆ្នាំងបបរ ដែលត្រូវយក​ទៅឲ្យកុមារតូចៗ​ទទួលទាន ក្នុងថ្នាក់មួយ គ្រប់គ្រង​ដោយសហជីវិនី​ម្នាក់ទៀត។ ហេតុការណ៍បានកើតឡើង តាំងពីខែមីនា ...
កម្ពុជា

កម្ពុជារាំង​ខ្ទប់​១៧គេហទំព័រ​មិន​ឲ្យ​ដំណើរការ​ មុន​និង​ក្នុង​​ថ្ងៃ​បោះឆ្នោត

មុន​និង​ក្នុង​​ថ្ងៃ​បោះឆ្នោត គេហទំព័ររបស់ស្ថាប័នសារព័ត៌មានឯករាជ្យ រាប់ទាំងគេហទំព័ររបស់ទស្សនាវដ្ដី មនោរម្យ.អាំងហ្វូ (MONOROOM.info) រួមនឹងគេហទំព័​របស់គណបក្សប្រឆាំង សរុបចំនួន១៧ស្ថាប័ន​ ត្រូវបានរាំងខ្ទប់ មិនឲ្យដំណើរការ នៅក្នុងប្រទេសកម្ពុជា។ ការរាំងខ្ទប់ ត្រូវបានធ្វើឡើង ចាប់ពីថ្ងៃសៅរិ៍ទី២៨ ...
ដំណឹង

ចិនគម្រាមប្រកាសសង្គ្រាម ប្រសិនជាតៃវ៉ាន់​ប្រកាសឯករាជ្យ

ប្រសិនជាតៃវ៉ាន់​ប្រកាសឯករាជ្យ នោះសង្គ្រាមក្នុងសមុទ្រចិនខាងកើត នឹងផ្ទុះឡើង។ នេះ ជាការគម្រាមឡើងខ្លាំងៗ របស់ក្រុងប៉េកាំង ដាក់កោះតៃវ៉ាន់ ដែលប្រទេសចិនកុម្មុយនីស្ដិ៍ ចាត់ទុកជាខេត្តបះបោរមួយរបស់ខ្លួន។ ការគម្រាមនេះ ធ្វើឡើងក្នុងខណៈកោះតៃវ៉ាន់ កំពុងរៀបចំ​សមយុទ្ធ​ឯករាជ្យនិយម ដោយមាន​ការគាំទ្រ​ពីសហរដ្ឋអាមរិក។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...