កម្ពុជាដំណឹង

ហ៊ុន សែន៖ កម្ពុជា​កាន់តែ​ជិតជាមួយ​​ចិន ជាពិសេស​ក្នុង​«គ្រាអាសន្ន»

លោក ហ៊ុន សែន បានអះអាងនៅព្រឹកនេះថា ប្រទេសកម្ពុជា នៅវេលានេះ កម្ពុជាមានទំនាក់ទំនង «កាន់តែជិត»ជាមួយ«មិត្តចិន» ជាពិសេសក្នុងកាលៈទេសៈ «គ្រាអាសន្ន» នៃមេរោគ«កូរូណា» ដែលមហាអំណាចតំបន់មួយនេះ កំពុងប្រឈម។

នាយករដ្ឋមន្ត្រីចាស់វស្សា បានថ្លែងឡើងយ៉ាងដូច្នេះ លើទំព័រហ្វេសប៊ុករបស់លោក ក្នុងព្រឹកថ្ងៃសុក្រទី ៧ ខែកុម្ភៈ ឆ្នាំ២០២០នេះ នៅប៉ុន្មាននាទីមុនលោក ត្រូវដឹកនាំកិច្ចប្រជុំពេញអង្គ នៃគណៈរដ្ឋមន្ត្រីរបស់លោក នាវិមានសន្ដិភាព (រាជធានីភ្នំពេញ)។

លោក ហ៊ុន សែន បានសរសេររៀបរាប់ដំបូងឡើងថា លោកមានសុខភាព «ល្អរឹងមាំ ដូចធម្មតា» ដោយទំនងជាលោក ចង់ឆ្លើយតបទៅនឹងការលើកឡើង ឬការព្រួយបារម្ភទាំងឡាយ អំពីសុខភាពរបស់លោក ក្នុងខណៈលោក បានទៅធ្វើទស្សនកិច្ច ៣ថ្ងៃ នៅក្នុងប្រទេសកូរ៉េខាងត្បូង និងប្រទេសចិន។ ប្រទេសចិនប្រជាមានិត ដែលកំពុងប្រឈម នឹងការរីករាលដាល នៃមេរោគ«កូរូណា»ដ៏ប្រល័យ។

សម្រាប់បុរសខ្លាំងកម្ពុជា ទស្សនកិច្ចរបស់លោក ក្នុងរដ្ឋធានីប៉េកាំង ដោយមានជំនួបចាប់ដៃ ជាមួយមេដឹកនាំចិនជាច្រើននាក់នោះ  គឺជា«មិត្តល្អមិនបោះបង់ចោលគ្នា ក្នុង គ្រាអាសន្ន»។

លោកនាយករដ្ឋមន្ត្រី បានសរសេរថា៖

«ច្បាស់ណាស់ កម្ពុជាគឺនៅកាន់តែជិត ជាមួយមិត្តចិន ជាពិសេសក្នុងកាលៈទេសៈ ដ៏លំបាកនេះ ព្រោះថាមិត្តល្អ មិនបោះបង់ចោលគ្នា ក្នុងគ្រាអាសន្ន។»

ក្នុងរបាយការណ៍ ចេញផ្សាយក្នុងព្រឹកថ្ងៃសុក្រ ដោយអាជ្ញាធរខេត្ត «Hubei» ប្រទេសចិន ដែលជាខេត្តប្រឈមខ្លាំងបំផុត ទល់នឹងការរីករាលដាល នៃមេរោគដ៏ប្រល័យខាងលើ បានឲ្យដឹងថា គ្រាន់តែថ្ងៃព្រហស្បត្តិ៍ម្សិលម៉ិញ មនុស្សស្លាប់ មានចំនួន៦៩នាក់ និងអ្នកឆ្លងមេរោគនេះ មានចំនួន២៤៤៧នាក់។

តួលេខខាងលើ បានធ្វើឲ្យតុល្យភាពសរុប នៃអ្នកស្លាប់ មានចំនួនកើនឡើង ដល់ទៅជាង ៦៣០នាក់ និងអ្នកជំងឺឆ្លងមេរោគ មានចំនួនកើនឡើង ដល់ទៅជាង៣ម៉ឺននាក់។

រីឯតួលេខ នៃអ្នកជំងឺ ដែលត្រូវបានរកឃើញ ថាបានឆ្លងមេរោគ«កូរូណា» ក៏បានកើនឡើង គួរឲ្យកត់សម្គាល់ដែរ នៅក្នុងបណ្ដាប្រទេស អាស៊ីខាងកើត ៖ ជប៉ុន កើនឡើងដល់ ៦១ករណី – សិង្ហបូរី ៣០ករណី – ថៃ ២៥ករណី – ម៉ាឡេស៊ី ១២ករណី និងវៀតណាម កើនឡើងដល់ ១០ករណី៕

សុខសប្បាយជាទេ បងប្អូន ជន រួមជាតិ ថ្ងៃ នេះ ខ្ញុំ ត្រូវ ដឹកនាំ កិច្ច ប្រជុំ ពេញ អង្គ គណៈរដ្ឋមន្រ្តី នៅម៉ោង ៨:៣០ បន្តិច ទៀត នេះ។ ខ្ញុំសូម ជម្រាប បងប្អូន ផង ដែរ អំពី សុខភាព របស់ ខ្ញុំ គឺ នៅ ល្អ រឹងមាំ ដូច ធម្មតា។ សូម អរគុណ បងប្អូន ដែល មាន ការព្រួយ បារម្ភ អំពី សុខភាពខ្ញុំ និង បាន ជូនពរខ្ញុំ ក្នុងពេល បំពេញ បេសកកម្ម ការងារ នៅ កូរ៉េ និង នៅ ប៉េកាំង ប្រទេស ចិន កាលពី ថ្ងៃទី ៣ ដល់ ថ្ងៃទី៥ កុម្ភៈ កន្លង មក នេះ។ ច្បាស់ ណាស់ កម្ពុជា គឺ នៅ កាន់ តែ ជិត ជាមួយ មិត្ត ចិន ជាពិសេស ក្នុង កាលៈទេសៈ ដ៏ លំបាក នេះ ព្រោះថា មិត្តល្អ មិន បោះបង់ ចោលគ្នា ក្នុង គ្រាអាសន្ន។ សូម ជូនពរ បងប្អូន ជនរួមជាតិ និង កូនក្មួយ ជួប តែ សេចក្តី សុខ និង សំណាង ល្អ ទាំងអស់ គ្នា។ …



លំអិតបន្ថែមទៀត

កម្ពុជា

អ.ស.ប នៅកម្ពុជា ប្រាប់​កុំឱ្យ​រើសអើង​អ្នកជំងឺ​«Covid-19»

នៅចំពោះការហក់ឡើង នៃការរីករាលដាល នៃអ្នកជំងឺ«Covid-19» នៅក្នុងប្រទេស​កម្ពុជា ការិយាល័យទទួលបន្ទុកសិទ្ធិមនុស្ស នៃអង្គការសហប្រជាជាតិ (អ.ស.ប) ប្រចាំ​នៅរាជធានីភ្នំពេញ បានបង្ហោះសារមួយបញ្ជាក់ថា មិនត្រូវបញ្ឆេះ​​ឲ្យមានការរើសអើង​ក្នុងសង្គម ជុំវិញជំងឺ«Covid-19»នេះឡើយ។ សាររបស់ការិយាល័យ តំណាងអង្គការសហប្រជាជាតិ ...
កម្ពុជា

សម រង្ស៊ី អះអាង​នឹង​ត្រឡប់​ចូល​ស្រុក​វិញ ក្នុងពេល​ដ៏ខ្លី​ខាង​មុខ

បន្ទាប់ពីប្រកាសដោយខ្លួនលោក ជាច្រើនដង ជុំវិញថ្ងៃវិលត្រឡប់ចូលស្រុកវិញ ក្នុងពេលកន្លងមកនោះ នៅចុងសប្ដាហ៍កន្លងមកនេះ ប្រធានស្ដីទីគណបក្សសង្គ្រោះជាតិ លោក សម រង្ស៊ី បានអះអាងជាថ្មីទៀត ថាលោកនឹងវិលត្រឡប់ ចូលប្រទេសកម្ពុជាវិញ នៅក្នុងពេលដ៏ខ្លី ...
កម្ពុជា

អ្នកវិភាគថា ក្រោយយួន«ដកទ័ព» កម្ពុជាមិនអាចដួលរលំបានទេ

នៅចំពោះការអះអាង របស់នាយករដ្ឋមន្ត្រីចាស់វស្សា នៅកម្ពុជា ដែលថ្លែងអួតអាង ដោយមោទនភាព អំពីការដឹកនាំជិត៤០ឆ្នាំរបស់ខ្លួននោះ អ្នកឃ្លាំមើលស្ថានការណ៍នយោបាយ និងសង្គមកម្ពុជា បានប្រតិកម្មយ៉ាងសាមញ្ញថា គឺស្ថានការណ៍ភូមិសាស្ត្រនយោបាយតំបន់ និងពិភពលោក បង្ខំឲ្យយួនត្រូវ«ដកទ័ព» ចេញពីកម្ពុជា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...
កម្ពុជា

ហ៊ុន សែន ឲ្យប្រគល់​«សត្វតោ»​ទៅម្ចាស់វិញ ខណៈ​មន្ត្រីថា​អនុវត្តច្បាប់

ប្រសិនជាមន្ត្រីក្រសួងកសិកម្ម និងបរិស្ថាន ខិតខំពន្យល់ថា ទង្វើរឹបអូស«សត្វតោ» ជាការអនុវត្តច្បាប់នោះ ទីបំផុតទៅ លោក ហ៊ុន សែន បានចេញបញ្ជាឲ្យប្រគល់សត្វតោនេះ ត្រឡប់ទៅឲ្យម្ចាស់ដើម ដែលជាជនជាតិចិនវិញ។ បុរសខ្លាំងនៅកម្ពុជា ...