លោក អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង បានកោះប្រជុំ ក្នុងរសៀលថ្ងៃចន្ទទី៤​ ខែមករានេះ ដើម្បីផ្ដោតលើ​យុទ្ធនាការ​ចាក់វ៉ាក់សាំង បង្ការជំងឺកូវីដ-១៩ (Covid-19) ដែលរងការរិះគន់ថា មាន«ភាពយឺតយ៉ាវ» ក្នុងប្រទេស​បារាំង។

យ៉ាងណា ប្រភពដែលស្ថិតនឹងកិច្ចប្រជុំនោះ បានបង្ហើបប្រាប់សារព័ត៌មាន ក្នុងប្រទេសបារាំងថា នោះជាការប្រជុំការងារ ជាមួយលោក​នាយករដ្ឋមន្ត្រី ហ្សង់ កាស្តិក (Jean Castex) និងរដ្ឋមន្ត្រីពាក់ព័ន្ធដទៃទៀត ដើម្បីតាមដានមើល ទៅលើយុទ្ធនាការមួយនេះ។

ប្រភពដដែល បានបញ្ជាក់ទៀតថា កិច្ចប្រជុំផ្សេងទៀត ក្នុងក្របខណ្ឌក្រុមប្រឹក្សាខឿនសុខាភិបាល និងកិច្ចប្រជុំគណៈរដ្ឋមន្ត្រី នឹងត្រូវគ្រោងធ្វើ នៅថ្ងៃពុធទី៦ ខែមករាខាងមុខ។

មកទល់នឹងថ្ងៃទី១ ខែមករា រដ្ឋមន្ត្រីសុខាភិបាលបារាំង បានបញ្ចេញតួលេខផ្លូវការ ថាមនុស្ស៥១៦នាក់ បានទទួលការចាក់ថ្នាំ​វ៉ាក់សាំង។

តួលេខដ៏តិចតួចខាងលើ បានបង្កឲ្យផ្ទុះឡើង នូវការរិះគន់យ៉ាងសន្ធឹកសន្ធាប់ ដោយចោទប្រកាន់​រដ្ឋាភិបាលបារាំង ថាមាន​«ភាពយឺតយ៉ាវ» ក្នុងការបង្កើតយុទ្ធសាស្ត្រចាក់ថ្នាំវ៉ាក់សាំង និងធ្វើការប្រយ័ត្នប្រយែង​«ជ្រុល» បើធៀបនឹងប្រទេសជិតខាង ក្នុងសហភាពអ៊ឺរ៉ុប៕



You may also like

កម្ពុជា

កម្ពុជា​រកឃើញ​ករណី​អ្នកជំងឺ «Covid-19» ចំនួន​៤នាក់​បន្ថែម

កម្ពុជាបានបញ្ចេញតួលេខផ្លូវការ នៃករណីឆ្លងមេរោគ «កូរូណា» ឬ «Covid-19» ចំនួន​៤នាក់​បន្ថែម ក្នុងយប់ថ្ងៃទី២៤ ខែមីនានេះ ដែលធ្វើឲ្យតួលេខអ្នកឆ្លងមេរោគ សរុបមានចំនួន ៩១នាក់។ សេចក្ដីប្រកាសព័ត៌មាន របស់ក្រសួងសុខាភិបាលកម្ពុជា ...
កំសាន្ដ

នៅអេស្ប៉ាញ មនុស្សយន្ដ​​«Beer Cart»​ចាក់​ស្រាបៀរ​បម្រើភ្ញៀវ

នៅក្នុងហាង «La Gitana Loca» នៃក្រុងសេវីល (Séville) ប្រទេសអេស្ប៉ាញ មនុស្ស​យន្ដឈ្មោះ «Beer Cart» បានក្លាយជាអ្នកចាក់ស្រាបៀរ ជំនួសឲ្យមនុស្ស។ មនុស្សយន្ដ ...
ដំណឹង

បាតុកម្ម​អាវ​កាក់​លឿង៖ បាតុករ​​ថយ​​ចំនួន​ខ្លាំង បើ​ធៀប​នឹងសប្ដាហ៍​មុន

នៅរដ្ឋធានីប៉ារីស ការប្រមូលផ្ដុំគ្នា របស់ក្រុមបាតុករ អាវកាក់លឿង មានចំនួនតិចជាងច្រើន បើធៀបនឹងចំនួនបាតុករ ក្នុងសប្ដាហ៍កន្លងទៅ។ សេចក្ដីរាយការណ៍ ពីតាមបណ្ដាខេត្តនានា ក្នុងប្រទេសបារាំង ក៏អះអាងដែរថា ចំនួនបាតុករចូលក្នុងរលកទី៥ សម្រាប់ថ្ងៃសៅរ៍នេះ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...