អាជ្ញាធរជាតិផ្នែកឱសថ របស់ប្រទេសបារាំង ហៅកាត់ថា «ANSM» បានបញ្ជាក់នៅថ្ងៃសុក្រទី២៦ ខែមីនានេះថា វ៉ាក់សាំងបង្ការ​ជំងឺកូវីដ-១៩ របស់សហគ្រាសផលិតឱសថ «AstraZeneca» ពិតជា​មានហានិភ័យ ក្នុងការបង្ក​ឲ្យមានជំងឺ​ស្ទះសរសៃ​ឈាម បើទោះជាហានិភ័យ មានចំនួនដ៏តិចតួចក៏ដោយ។ ការអះអាងនេះ ធ្វើឡើងបន្ទាប់​ពីករណីជំងឺស្ទះសរសៃឈាម បានកើតឡើង​ជាបន្តបន្ទាប់ នៅក្នុងប្រទេសបារាំង ក្នុងនោះមានអ្នកជំងឺពីរនាក់ បាន​ទទួលមរណភាព។

ស្ថាប័នជាតិមួយនេះ ដែលជំនាញខាងថ្នាំសង្កូវ និងការឃ្លាំមើលប្រសិទ្ធិភាព នៃបណ្ដាថ្នាំវ៉ាក់សាំង បង្ការជំងឺកូវីដ-១៩ (Covid-19) បានប្រកាសឲ្យដឹង ក្នុងយប់ថ្ងៃសុក្រនេះថា៖

«ករណីចំនួន៩ ត្រូវបានរកឃើញ ទាក់ទងនឹងជំងឺស្ទះសរសៃឈាមធំ ដោយមិនកំណត់ទីតាំង (កើតភាគច្រើន ក្នុង​ប្រព័ន្ធសរសៃឈាម​ខួរក្បាល ប៉ុន្តែក៏មានកើតមានផងដែរ ក្នុងប្រព័ន្ធរំលាយអាហារ) ដែលអាចជាប់ទាក់ទង ជាមួយ​នឹង​អាការៈកកឈាម​ក្នុងខួរក្បាល ឬអាការៈដែលឈាន ទៅធ្វើឲ្យឈាមកក។»

«ANSM» បានបន្ថែមថា ចំនួនករណីថ្មី ដែលត្រូវបានរកឃើញក្នុងសប្ដាហ៍នេះ បានកើនឡើង៦ករណី លើស​សប្ដាហ៍​​មុន។ ក្នុងចំណោមករណីទាំងនេះ អ្នកជំងឺពីរនាក់បានទទួលមរណភាព កាលពីថ្ងៃទី១២ និងថ្ងៃទី១៨ ខែមីនា។ អ្នកជំងឺដែលបានស្លាប់ នៅថ្ងៃទី១៨ ខែមីនា ជានិស្សិតពេទ្យមួយរូប ដែលបានចាក់ថ្នាំវ៉ាក់សាំងខាងលើ កាលពីច្រើន​ថ្ងៃមុន។

អាជ្ញាធរជាតិបានបន្តថា៖

«សភាពដ៏ចម្លែក (ពិបាកកំណត់) នៃជំងឺស្ទះសរសៃឈាមទាំងនេះ រួមផ្សំនឹងស្ថានភាពជំងឺស្រដៀងគ្នា និងអំឡុង​ពេល​​ដែលបង្ក​ឲ្យមានជំងឺ ក្នុងរយៈពេល​ប្រហាក់ប្រហែលគ្នា បានអនុញ្ញាតឲ្យគណៈកម្មការឃ្លាំមើល បញ្ជាក់ពី​វត្តមាន ទោះជាកម្រកើតមានក្ដី នូវហានិភ័យនៃជំងឺស្ទះសរសៃឈាម សម្រាប់អ្នកដែលទទួលវ៉ាក់សាំង “AstraZeneca”។»

បើតាមស្ថាប័នជាតិបារាំងដដែល បានបញ្ជាក់ថា អាការៈអាចកើតឡើង ក្នុងរយៈពេលប្រមាណជា ៨ថ្ងៃកន្លះ បន្ទាប់ពីទទួលបានថ្នាំវ៉ាក់សាំងរួច។ ពីក្នុងករណីទាំង៩ អ្នកជំងឺ៧នាក់ មានអាយុក្រោម៥៥ឆ្នាំ និង២នាក់ទៀត ច្រើនជាង៥៥ឆ្នាំ។

រាប់ចាប់ពីថ្ងៃទី១៥ ខែមីនាកន្លងមក ប្រទេសជាច្រើននៅក្នុងសហភាពអ៊ឺរ៉ុប បានប្រកាសផ្អាកយុទ្ធនាការ​ចាក់ថ្​នាំវ៉ាក់សាំង របស់សហគ្រាស «AstraZeneca» បន្ទាប់ពីករណីឈាមកក បានផ្ទុះឡើងជាបន្តបន្ទាប់ រហូតបណ្ដាល​ឲ្យមានមនុស្សស្លាប់។

ប្រទេសបារាំងក៏ស្ថិតក្នុងចំណោមប្រទេសទាំងនោះ ដែលផ្អាកការចាក់ថ្នាំវ៉ាក់សាំងនេះដែរ តែបានសម្រេច​ឲ្យចាក់​ឡើងវិញ ដោយអនុលោមតាមអនុសាសន៍ របស់ភ្នាក់ងារអ៊ឺរ៉ុបទទួលបន្ទុកឱសថ ហៅកាត់ថា «EMA» ដែលបាន​វាយតម្លៃថា វ៉ាក់សាំង​«AstraZeneca» មាន«សុវត្ថិភាព និងប្រសិទ្ធិភាព»៕



លំអិតបន្ថែមទៀត

កម្ពុជា

Covid-19៖ កម្ពុជា​មាន​តួលេខ​ឆ្លង​សរុបថ្មី កើនឡើង​ជិត​២០០​នាក់

អ្នកឆ្លងជំងឺ «Covid-19» នៅក្នុងប្រទេសកម្ពុជា មានចំនួនសរុប កើនឡើងជិត២០០នាក់ បន្ទាប់ពីបានរកឃើញករណីថ្មី ចំនួន២៦នាក់បន្ថែមទៀត នៅថ្ងៃទី២១ ខែកក្កដានេះ ដែលសុទ្ធសឹងជាករណីនាំចូល។ សេចក្តីប្រកាសព័ត៌មាន របស់ក្រសួងសុខាភិបាល ដែលចេញផ្សាយ ...
លោក អេម៉ានុយអែល ម៉ាក្រុង ប្រធានាធិបតីបារាំង នៅក្នុងវិមានប្រធានាធិបតី។ (រូបថតផ្លូវការរបស់វិមានប្រធានាធិបតី)
ដំណឹង

២០២១៖ ម៉ាក្រុង ជូនពរឆ្នាំថ្មីជុំវិញ«Covid-19 វ៉ាក់សាំង Brexit…»

លោក អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង បានប្រើប្រាស់ឱកាស នៃប្រពៃណីជូនពរឆ្នាំថ្មី នៅយប់​ថ្ងៃទី៣១ ខែឆ្នូ ឆ្នាំ២០២០ ដើម្បីលើកឡើង អំពីជំងឺរាតត្បាត ...
ដំណឹង

បារាំង-អាល្លឺម៉ង់ រួមគ្នា​ប្រាប់​មហាអំណាច​ចិន ឲ្យ​គោរព​គុណតម្លៃ EU

មហាយក្សពីររបស់សហភាពអ៊ឺរ៉ុប បារាំង-អាល្លឺម៉ង់ បានរំលឹកប្រទេសចិន អំពីគុណតម្លៃរបស់សហភាពអ៊ឺរ៉ុប (EU) ដើម្បីអាចឲ្យចំណងទាក់ទង ផ្នែកពាណិជ្ជកម្ម មានភាពកាន់តែប្រសើរឡើង។ នៅក្នុងដំណើរទស្សនកិច្ច នៅប្រទេសបារាំង លោក ស៊ី ជិនពីង ...

Comments are closed.

យល់ស៊ីជម្រៅផ្នែក ដំណឹង

ដំណឹង

អាហ្វហ្គានីស្ដង់៖ ISIS ទទួលស្គាល់​ភេរវកម្ម​៧ដង ក្នុងក្រុង​«ភាគខាងកើត»

ដំណឹង

កំពូល​អ្នកប្រដាល់​ហ្វីលីពីន ប្រកាសបេក្ខភាព​ប្រជែងប្រធានាធិបតី ឌូតែតេ

កំពូល​អ្នកប្រដាល់​ហ្វីលីពីន ដ៏មានប្រជាប្រិយភាព លោក មានី ផាគីអៅ (Manny Pacquiao) បានប្រកាសបេក្ខភាពរបស់លោក ក្នុងថ្ងៃអាទិត្យនេះ ដើម្បីឈានទៅប្រកួតប្រជែង ក្នុងការបោះឆ្នោតប្រធានាធិបតី នៅឆ្នាំ២០២២ខាងមុខ។ លោក ...
ដំណឹង

អាហ្វហ្គានីស្ដង់៖ និស្សិតស្ត្រី​ត្រូវកំហិត ឲ្យពាក់ស្បៃ​បិទមុខ

ចាប់ពីថ្ងៃចន្ទនេះតទៅ និស្សិតស្ត្រីទាំងឡាយ នៅក្នុងប្រទេសអាហ្វហ្គានីស្ដង់ ត្រូវកំហិត ឲ្យពាក់ស្បៃ​បិទមុខ (ទុកប្រឡោះភ្នែក) និងគ្របបាំងកាយ «Abaya / Niqab» ដើម្បីទៅរៀន។ នេះ បើតាមក្រឹត្យមួយ ...