នៅចំពោះការរាតត្បាត ដែលត្រូវបានកំណត់ថា ជា«រលកទី៣» រដ្ឋាភិបាលបារាំងបានសម្រេចបិទជាថ្មី ចំពោះ​តំបន់​ភាគខាងជើង ចាប់ពីអាធ្រាត​​យប់ថ្ងៃសុក្រ ទី១៩ ខែមីនា ឆ្នាំ២០២១ និងមានរយៈពេល១ខែ។ តំបន់ភាគ​ខាងជើង រាប់ទាំងរដ្ឋធានីប៉ារីសផង មានចំនួនសរុប១៦តំបន់ (16 Départements) ធំៗ និងមានចំនួនពលរដ្ឋសរុប ចំនួន​២១លាននាក់។

លោកនាយករដ្ឋមន្ត្រី ហ្សង់ កាស្ដិក (Jean Castex) បានប្រកាសដូច្នេះ កាលពីយប់ថ្ងៃព្រហស្បត្តិ៍ ដោយអះអាងថា វិធានការណ៍ទាំងនេះ ពិតជាចាំបាច់ និងមានតុល្យភាព ហើយមានគោលបំណងទប់ស្កាត់មេរោគកូវីដ-១៩ (Covid-19) ដោយគ្មានការបង្ខាំងពលរដ្ឋ ឲ្យនៅតែក្នុងផ្ទះ ខុសគ្នាពីចំណាត់ការបិទប្រទេសទាំងស្រុង នៅក្នុងរលកទី១។

ខាងក្រោមនេះ ជាវិធានការណ៍ត្រួសៗ នៃបម្រាម«រលកទី៣» ដែលទស្សនាវដ្ដីមនោរម្យ.អាំងហ្វូ សូមសង្ខេបជូន៖

  • ការដាក់បម្រាមគោចរ ត្រូវបានបន្តធ្វើ តែបន្ធូរពេលជាងមុន គឺចាប់ពីម៉ោង១៩យប់ រហូតដល់ម៉ោង៦ភ្លឺស្អែកឡើង (កាលពីពេលមុននេះ បម្រាមគោចរ ត្រូវបានដាក់ចាប់ពីម៉ោង១៨ល្ងាច រហូតដល់ម៉ោង៦ភ្លឺ)។
  • សាលាមតេយ្យ បឋមសិក្សា និងអនុវិទ្យាល័យ បន្តបើកទ្វាដើម្បីទទួលកូនសិស្ស ឲ្យមករៀនធម្មតា ខណៈវិទ្យាល័យនានា អាចទទួលកូនសិស្សបានពាក់កណ្ដាល ដោយផ្លាស់វេន។ ម៉ោងធ្វើកីឡា និងការបំប៉នរាងកាយ អាចបើកដំណើរការឡើងវិញ ដូចធម្មតា។
  • ពលរដ្ឋទាំងអស់អាចចេញដើរនៅខាងក្រៅ នៅពេលថ្ងៃ ដើម្បីយកខ្យល់ ឬធ្វើកីឡា ដោយគ្មានការកំណត់ពេល តែមិនត្រូវឲ្យលើសពីចំងាយ១០គីឡូម៉ែត្រ (ធៀបនឹងផ្ទះខ្លួនឯង) និងត្រូវមានលិខិតបញ្ជាក់ជាប់ខ្លួន។
  • ការធ្វើដំណើរឆ្លងតំបន់ ត្រូវបានហាមឃាត់ លើកលែងតែធ្វើឡើង ក្រោមមូលហេតុដ៏ចាំបាច់បំផុត និងធ្វើឡើងក្នុងក្របខណ្ឌការងារ។
  • ហាងលក់ទំនិញ ផ្សារទំនើប និងមជ្ឈមណ្ឌលពាណិជ្ជកម្ម ដែលមិនលក់ដូរទំនិញ ដ៏ចាំបាច់ (ដូចជាចំណីអាហារ សម្លៀកបំពាក់ ផលិតផលដុសសំអាត ឬសៀវភៅអានជាដើម) ត្រូវបិទទ្វា។
  • បើមានលទ្ធភាព ស្ថាប័នរដ្ឋ និងក្រុមហ៊ុនឯកជនទាំងអស់ ត្រូវបានជំរុញឲ្យរៀបចំប្រព័ន្ធ ធ្វើការងារពីចំងាយ (ឬពីផ្ទះ) សម្រាប់មន្ត្រីរដ្ឋការ និងបុគ្គលិករបស់ខ្លួន។

យ៉ាងណា វិធានការណ៍របស់រដ្ឋាភិបាលបារាំង មិនទទួលបានការស្វាគមន៍ ពីក្រុមអ្នកនយោបាយប្រឆាំង និងពី​ក្រុម​អាជីវករនោះទេ។ ពួកគេបានលើកឡើង ពីអសមត្ថភាពរបស់រដ្ឋាភិបាល ក្នុងការទប់ស្កាត់ជំងឺរាតត្បាត ដ៏ចង្រៃ ដែល​បណ្ដាលឲ្យរលកឆ្លង ងើបត្រឡប់មកវិញ ម្ដងហើយម្ដងទៀតដូច្នេះ៕



លំអិតបន្ថែមទៀត

ដំណឹង

Covid-19 ៖ បូរីស ចនសុន ចេញពីប្លុក«សង្គ្រោះបន្ទាន់»

នាយករដ្ឋមន្ត្រីអង់គ្លេស លោក បូរីស ចនសុន (Boris Johnson) ត្រូវបានយកចេញ ពីប្លុក«សង្គ្រោះបន្ទាន់»ហើយ នៅល្ងាចថ្ងៃព្រហស្បត្តិ៍នេះ។ លោកត្រូវបានបញ្ជូនបន្តរ ទៅកាន់សេវាព្យាបាលផ្សេងទៀត នៃមន្ទីរពេទ្យ «St ...
ដំណឹង

បាតុករ​បារាំង​ម្នាក់​ដែល​ដាល់​ភ្នាក់ងារ​នគរបាល ជា«កីឡាករ​អាជីព»

កីឡាករ​អាជីព – ជារូបភាពគួរឲ្យកត់សម្គាល់ សម្រាប់រលកទី៨ នៃបាតុកម្មអាវកាក់លឿង នៅថ្ងៃសៅរ៍ទី៥ ខែមករា ឆ្នាំ២០១៩នេះ នៅពេលបាតុករម្នាក់ បានដាល់នគរបាល។ ហេតុការណ៍កើតឡើង នៅលើស្ពាន «Leopold-Sédar-Senghor» ...
ដំណឹង

បាតុករ​ប្រដាល់​បានពាក់«ស្នាប់ដៃ​សំណរ» ដើម្បី​ដាល់​នគរបាល

ប្រភពមួយស្និតនឹងសំនុំរឿង បានអះអាងថា បាតុករដែលគេស្គាល់​ក្រោយមក ថាជា «អ្នកប្រដាល់អាជីព» បានពាក់ស្រោមដៃ ដែលមានបំពាក់ដោយផ្ទាំងសំណរ (មានលក្ខណៈជា ស្នាប់ដៃ​សំណរ) នៅពេលដែលជននេះ បាន«ដាល់»ភ្នាក់ងារនគរបាល កាលពីរសៀល​ថ្ងៃសៅរ៍។ ជននេះ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

ដំណឹង

អាហ្វហ្គានីស្ដង់៖ ISIS ទទួលស្គាល់​ភេរវកម្ម​៧ដង ក្នុងក្រុង​«ភាគខាងកើត»

អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS ) បានចេញមុខមកទទួលស្គាល់ ភេរវកម្មបំផ្ទុះគ្រាប់បែក ច្រើនដងកាលពីថ្ងៃសៅរ៍ និងថ្ងៃអាទិត្យ ...
ដំណឹង

កំពូល​អ្នកប្រដាល់​ហ្វីលីពីន ប្រកាសបេក្ខភាព​ប្រជែងប្រធានាធិបតី ឌូតែតេ

កំពូល​អ្នកប្រដាល់​ហ្វីលីពីន ដ៏មានប្រជាប្រិយភាព លោក មានី ផាគីអៅ (Manny Pacquiao) បានប្រកាសបេក្ខភាពរបស់លោក ក្នុងថ្ងៃអាទិត្យនេះ ដើម្បីឈានទៅប្រកួតប្រជែង ក្នុងការបោះឆ្នោតប្រធានាធិបតី នៅឆ្នាំ២០២២ខាងមុខ។ លោក ...