កម្រមានដំណឹង

Covid-19៖ តម្រូវ​ឲ្យ​សំងំ​ក្នុង​ផ្ទះ និស្សិត​ស្រី​អ៊ីតាលី​ម្នាក់​ត្រូវ​សង្សា​ខ្លួន​សម្លាប់

និស្សិតស្រីមួយរូប ត្រូវបានសង្សារបស់នាង ច្របាច់កសម្លាប់ កាលពីថ្ងៃអង្គារ នៅលើកោះ «Sicile» ភាគខាងត្បូងនៃប្រទេសអ៊ីតាលី ខណៈពលរដ្ឋទូទាំងប្រទេស ជាប់បម្រាមរបស់រដ្ឋាភិបាល ដែល តម្រូវ​ឲ្យ​សំងំ​ក្នុង​ផ្ទះ ដើម្បីទប់ទល់​នឹងការរាលដាល នៃជំង«Covid-19»។

តែ វាជាឧក្រិដ្ឋកម្មមួយ ដែលបង្កការព្រួយបារម្ភទ្វេឡើង សម្រាប់ស្ត្រីរងគ្រោះដោយអំពើហិង្សាទាំងឡាយ ដែលត្រូវជាប់បម្រាម ឲ្យសំងំនៅក្នុងផ្ទះ ទាំងបង្ខំចិត្ត។

ហេតុការណ៍ដ៏អាណោចអាធម បានកើតឡើង ក្នុងក្រុង «Furci Siculo» នៃតំបន់ឆ្នេរខាងកើត របស់កោះ«Sicile»។ ស្ត្រីរងគ្រោះ មានអាយុ២៧ឆ្នាំ រៀនជាមួយជនដៃដល់ នៅក្នុងមហាវិទ្យាល័យវេជ្ជសាស្ត្រ នៅលើកោះ។

សារព័ត៌មានអ៊ីតាលី បានរាយការណ៍ថា គឺជនដៃដល់ខ្លួនឯង ដែលបានរាយការណ៍ អំពីទង្វើរបស់ខ្លួន ប្រាប់ដល់កងកម្លាំងយោធា ដែលកំពុងគ្រប់គ្រងតំបន់នោះ។ ជនដៃដល់ បានព្យាយាមសម្លាប់ខ្លួន តែមិនបានសម្រេច ព្រោះក្រុមទាហានបានមកដល់ទាន់។

បើតាមព្រឹទ្ធបុរស នៃសាកលវិទ្យាល័យ «Salvatore Cuzzocrea» ដែលគូសង្សារទាំងពីរ កំពុងសិក្សាររៀនសូត្រ បានពន្យល់ថា រឿងរ៉ាវដ៏អកុសលនេះ មានជាប់ទាក់ទង នឹងវិបត្តិជំងឺ «Covid-19» ដែលពិភពលោក កំពុងឆ្លងកាត់។ លោកថា៖

«យើងបាននិយាយមុនហើយថា ការបង្ខំឲ្យរស់នៅជាមួយគ្នា ដោយសំងំតែក្នុងផ្ទះ​យូរថ្ងៃដូច្នេះ នឹងមានហនិភ័យខ្លាំង ហើយបង្កើនជម្លោះ ក្នុងគ្រួសារកាន់តែច្រើន។»

បទពិសោធន៍ នៃអំពើហិង្សាក្នុងគ្រួសារ ក្នុងរយៈពេលនេះ បានតម្រូវឲ្យរដ្ឋាភិបាលអ៊ីតាលី ចេញវិធានការ ដើម្បីបំបែកស្ត្រីទាំងឡាយ ដែលរងគ្រោះព្រោះអំពើហិង្សា ពីសំណាក់សង្សា ឬប្ដីរបស់ខ្លួននោះ ទៅកាន់លំនៅដ្ឋានពិសេសមួយ ដើម្បីឲ្យពួកនាង អាចធ្វើការសំងំខ្លួន នៅទីនោះ រហូតដល់ចប់វិបត្តិ«Covid-10»៕



លំអិតបន្ថែមទៀត

ដំណឹង

នគរបាលអន្តរជាតិ​រឹបអូស​​វ៉ាក់សាំង​ក្លែងក្លាយ នៅចិន​និងអាហ្វ្រិក​ខាងត្បូង

នគរបាលអន្តរជាតិ (Interpol) បានអះអាងថា បានកម្ទេច​បណ្ដេញវ៉ាក់សាំងក្លែងក្លាយ ក្នុងប្រទេសដ៏សំខាន់ពីរគឺ នៅចិន​និងអាហ្វ្រិក​ខាងត្បូង ។ នេះ បើតាមការសេចក្ដីប្រកាសព័ត៌មាន របស់ស្ថាប័នអន្តរជាតិ ដែលមានស្នាក់ការធំ នៅក្រុងលីយ៉ុង (Lyon ...
ដំណឹង

Covid-19 ៖ បូរីស ចនសុន ចេញពីប្លុក«សង្គ្រោះបន្ទាន់»

នាយករដ្ឋមន្ត្រីអង់គ្លេស លោក បូរីស ចនសុន (Boris Johnson) ត្រូវបានយកចេញ ពីប្លុក«សង្គ្រោះបន្ទាន់»ហើយ នៅល្ងាចថ្ងៃព្រហស្បត្តិ៍នេះ។ លោកត្រូវបានបញ្ជូនបន្តរ ទៅកាន់សេវាព្យាបាលផ្សេងទៀត នៃមន្ទីរពេទ្យ «St ...
កម្ពុជា

សម្លាប់​មិត្ត​រួចកាប់សពជា​កង់ៗ ព្រោះ​ប្រាក់ជំពាក់​«៧០០​ដុល្លារ»?

ខណៈកូនស្រីជនរងគ្រោះ បានអះអាងថា ជនសង្ស័យជំពាក់ប្រាក់ម្ដាយខ្លួន ៤លាន​រៀល ជនសង្ស័យវិញ បានប្រកាសប្រាប់អាជ្ញាធរថា គឺខ្លួនជំពាក់ប្រាក់ជនរងគ្រោះ ចំនួន​«៧០០​ដុល្លារ» និងមិនទាន់មានបំណងសង ឲ្យគ្រប់ចំនួនក្នុងពេលនេះទេ។ នេះ បើតាមចម្លើយសារភាពរបស់ជនសង្ស័យ ដែលបាននាំក្រុមអាជ្ញាធរ ...

Comments are closed.

យល់ស៊ីជម្រៅផ្នែក កម្រមាន

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...