កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។

ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ឆ្នាំ២០១៨ ក្នុងព្រៃឧទ្យាន «Boulogne» ភាគនារតី​នៃ​រដ្ឋធានីប៉ារីស។ ជនជាប់ចោទអាយុ២៨ឆ្នាំ ត្រូវបានរកឃើញ ថាបានប្រព្រឹត្តិកំហុស មិនត្រឹមតែដូចបទចោទ​ខាងលើ​ទេ តែនៅមាន​បទចោទផ្សេងទៀត ក្នុងនោះ បទចោរកម្ម – និងបទជំរុញឲ្យប្រព្រឹត្តិពេស្យាកម្ម ដែលទោសសរុប អាចជាប់​ក្នុង​ពន្ធនាគារ រហូតដល់២០ឆ្នាំ។

តែនៅក្នុងសវនាការ ដែលត្រូវបានបើកធ្វើ តាំងពីថ្ងៃអង្គារទី១៦ ខែមីនា ឆ្នាំ២០២១ យុវជនដៃដល់​បាន​ទទួល​ស្គាល់​ថា ខ្លួនពិតជាបាន​រំលោភនាង «Cristina T.» ដែលបានប្ដូរភេទ និងមានអាយុ៣៩ឆ្នាំ ដោយប្រើកាំបិតគម្រាម។

បន្ទាប់ពីចេញពីពន្ធនាគារ ជនជាប់ចោទ នៅត្រូវបានតុលាការបង្គាប់បន្ថែម ដាក់ឲ្យស្ថិតក្រោមការតាមដាន តាមផ្លូវ​តុលាការ​ចំនួន៥ឆ្នាំ ក្នុងនោះជនជាប់ចោទ ចាំបាច់ត្រូវមានការងារធ្វើ ឬត្រូវទទួលការបណ្ដុះបណ្ដាល ដើម្បី​ទទួលបាន​ជំនាញ-វិជ្ជាជីវៈ​ណាមួយ​ជាដើម។

នាង «Cristina T.» ដែលជាជនរងគ្រោះ ជាជនជាតិប៉េរូ និងគ្មានក្រដាសស្នាមរស់នៅស្របច្បាប់ នៅក្នុង​ប្រទេស​បារាំងទេ។ ក្នុងសវនាការ ដែលបន្តធ្វើក្នុងថ្ងៃពុធ ទី១៧ ខែមីនា នាងបានរំឮកឡើងវិញ ពីហេតុការណ៍ចាប់រំលោភ ប្រាប់តុលាការថា៖

«គាត់នេះ (ជនជាប់ចោទ) បានដើរមកជិតខ្ញុំ រួចសួរខ្ញុំថា ថ្លៃប៉ុន្មាន (សម្រាប់សេវារួមភេទ ជាមួយនាង)? នាងខ្ញុំ​ឆ្លើយថា ៥០អ៊ឺរ៉ូ។ គាត់បានតបវិញថា ថ្លៃណាស់ […] និងសុំឲ្យចុះថ្លៃ តែនាងខ្ញុំមិនព្រម។»

ស្ត្រីប្ដូរភេទរូបនេះ បានបន្តថា បន្ទាប់មក យុវជនដៃដល់បានដកកាំបិតចេញ រួចគម្រាមនាង «Cristina T.» ឲ្យ​បៀមលិង្គ និងប្រព្រឹត្តិការរួមភេទ តាមរន្ធគូថ ដោយគ្មានដាក់ស្រោម​ការពារអ្វីឡើយ។ មុននឹងចាកចេញទៅវិញ ជននេះ​បានលួច​ប្រាក់នាង ចំនួន១៥០អ៊ឺរ៉ូថែមទៀត។

ផ្ទុយពីស្ត្រីពេស្យាទាំងឡាយ ដែលគ្មានក្រដាសស្នាមត្រឹមត្រូវ និងដែលមិនហ៊ានប្ដឹងផ្ដល់ ឡើងទៅអាជ្ញាធរនោះ នាង «Cristina T.» មានសេចក្ដីក្លាហាន ដោយបានដាក់ពាក្យបណ្ដឹង ទៅកាន់អាជ្ញាធរ ហើយសំនុំរឿងត្រូវបាន​ដោះស្រាយ យ៉ាងឆាប់រហ័ស ដោយហេតុថា នាង «Cristina T.» បានកត់ត្រាទុក នូវលេខឡានរបស់​ជនជាប់ចោទ។

លោកមេធាវី «Olivier Auferil» តំណាងឲ្យស្ថាប័នអយ្យការ បានថ្លែងឡើងថា៖

«ជនរកទទួលទាន ផ្នែកផ្លូវភេទ គឺជាមុខសញ្ញា​ដ៏ងាយ និងដ៏ពិសេស សម្រាប់ជនល្មោភកាមទាំងឡាយ […] ជន​ល្មោភកាមទាំងនោះ ដឹងយ៉ាងច្បាស់ថា ស្ត្រីរកស៊ីខាងផ្លូវភេទ ដែលគ្មានក្រដាសស្នាមត្រឹមត្រូវ មិនហ៊ានជួប ឬទាក់ទង​នគរបាលទេ។»

យ៉ាងណា ចៅក្រមបានបញ្ជាក់ដែរ នៅក្នុងសាលក្រមថា ជនជាប់ចោទ មានបញ្ហាខាងផ្លូវចិត្ត ជាពិសេសបន្ទាប់​ពីបាន​រត់ចេញ ពីសង្គ្រាម​ស៊ីវិល នៅក្នុងប្រទេសកុងហ្គោ (ទ្វីបអាហ្វ្រិកខាងលិច) តាំងពីនៅកុមារ។ ក្នុង​រយៈពេល​នៃការជាប់ឃុំ (តាំងពីខែវិច្ឆិកា ឆ្នាំ២០១៨) ជននេះបានបង្ហាញ​​ការស្ដាយក្រោយ ចំពោះទង្វើ«ដ៏ឃោឃៅ»​របស់​ខ្លួន៕



លំអិតបន្ថែមទៀត

លោក សាម៉ុយអែល ប៉ាទី (Samuel Paty) សាស្ត្រាចារ្យបារាំងដែលរងការធ្វើឃាត ដោយភេរវជន កាលពីថ្ងៃសុក្រ ទី១៧ ខែតុលា ឆ្នាំ២០២០។ (រូបថតសាលាក្រុង Conflans)
ដំណឹង

បារាំង៖ សាស្ត្រាចារ្យ​ដែលរង​ការធ្វើឃាត ទទួលបាន​មេដាយកិត្តិយសជាតិ

លោក «Samuel Paty» សាស្ត្រាចារ្យ​ភូមិសាស្ត្រ-ប្រវត្តិវិទ្យា ដែលរងការធ្វើឃាត​ដោយ​«កាត់ក» ពីសំណាងភេរវជន កាលពីថ្ងៃសុក្រសប្ដាហ៍មុន ទទួលបាន​មេដាយកិត្តិយសជាតិ ជុំវិញភាពក្លាហាន ក្នុងការបំពេញភារកិច្ច ជាគ្រូបង្រៀន​របស់លោក កាលពីពេលលោក​នៅមានជីវិត។ បើទោះជាលោក ...
ដំណឹង

ខណៈនេះ អគ្គិភ័យកំពុង​កម្ទេច​ព្រះវិហារ Notre Dame de Paris

អគ្គិភ័យដ៏សន្ធោសន្ធៅ កំពុងឆេះកម្ទេចព្រះវិហារដ៏ល្បី «Notre Dame» នៃរដ្ឋធានីប៉ារីស ខណៈក្រុមអ្នកលត់អគ្គិភ័យ កំពុងព្យាយាមគ្រប់គ្រងស្ថានការណ៍។
ដំណឹង

បាតុកម្មអាវកាក់លឿង៖ ឃាត់ខ្លួនជាង១៣០០នាក់ និងឃុំខ្លួនជិត១០០០នាក់

គ្រាន់តែនៅក្នុងរដ្ឋធានីប៉ារីស អាជ្ញាធរបារាំងបានឃាត់ខ្លួន បណ្ដាជនគួរឲ្យសង្ស័យ ចំនួនច្រើនជាង ១១៥០នាក់ ខណៈក្នុងប្រទេសបារាំងទាំងមូល តួលេខឃាត់ខ្លួន មានចំនួនយ៉ាងហោច ១៣៨៥នាក់។ នេះ បើតាមការអះអាង​របស់លោក គ្រីស្តូហ្វ៍ កាស្ដាណេរ ...

Comments are closed.

យល់ស៊ីជម្រៅផ្នែក កម្រមាន

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

ឥណ្ឌា៖ ប្រកាសថាស្លាប់ ស្រាប់តែរស់ឡើងវិញ​ ពេលធ្វើ​កោសល្យវិច្ច័យ

ក្នុងរដ្ឋ​«Karnataka» (ភាគខាងត្បូងឥណ្ឌា) បុរសម្នាក់អាយុ២៧ឆ្នាំ ដែលត្រូវបានគ្រូពេទ្យ ប្រកាសថាស្លាប់ បន្ទាប់​ពីបានរងរបួសធ្ងន់ធ្ងរ នៅក្នុងគ្រោះថ្នាក់ដួលម៉ូតូ បានភ្ញាក់ដឹងខ្លួនមកវិញ នៅខណៈពេលសាកសព ត្រូវបានយកទៅ​ធ្វើកោសល្យវិច្ច័យ។ នេះ បើតាមមន្ត្រី​សុខាភិបាល​ឥណ្ឌា ដែលត្រូវបានស្រង់សំដី ...