មនុស្ស​ភពក្រៅ មាននៅលើផែនដីយើងមែនឬទេ? ពិបាកឆ្លើយបន្តិច… តែបុរសជាតិបារាំង​ម្នាក់នេះ អាចឆ្លើយនឹង​សំនួរខាងលើបាន៖ មនុស្ស​ភពក្រៅ គឺជារូបគាត់នេះតែម្ដង។ លោក «Anthony Loffredo» ទើបនឹងបានកាត់ច្រមុះ និងបបូរមាត់​ខាងលើ របស់លោក ដើម្បីសម្រេចបំណងប្រាថ្នា នៅក្នុងគម្រោងដ៏ពិសេសមួយ ហៅថា «The black alien project»។

នៅក្នុងប្រទេសបារាំង និងនៅបណ្ដាប្រទេសភាគច្រើន ក្នុងទ្វីបអ៊ឺរ៉ុបខាងលិច ការកាត់អវយវៈ ឬផ្នែកណាមួយ នៅលើរាងកាយ មិនត្រូវបានអនុញ្ញាតទេ លើកលែងតែនៅក្នុងប្រទេសអេស្ប៉ាញ។

ហេតុដូច្នេះហើយ ទើបបុរសវ័យ៣២ឆ្នាំ ដែលមានរាងកាយ សាក់រូបពណ៌ខ្មៅទាំងស្រុង (រួមទាំងភ្នែកទាំងគូ) រួចហើយនេះ បានធ្វើដំណើរ​ទៅកាន់ប្រទេសអេស្ប៉ាញ កាលពីខែកញ្ញាកន្លងទៅ ដើម្បីកាត់ផ្នែកចុងច្រមុះរបស់លោក ដែលមានទាំងសាច់ និងឆ្អឹងចេញ។ បន្ទាប់មក កាលពីដើមខែមករា លោកបានកាត់បបូរមាត់ខាងលើ ចេញបន្ថែមទៀត។

មិនត្រឹមតែប៉ុណ្ណឹងទេ តែលោក «Anthony Loffredo» នៅមានចំណុចពិសេសផ្សេងទៀត នោះគឺអណ្ដាតលោក ត្រូវបានកាត់ញែក​ជាពីរ (ដូចអណ្តាតពស់) និងដាក់ដាំនៅពេញទាំងខ្លួន នូវដុំសាច់កំពីកកំពត ក៏ដូចជាគ្រឿងអលង្កា​​ធ្វើពីដែកជាច្រើន។

គម្រោងទាំងអស់ខាងលើ ត្រូវបានលោកបញ្ជាក់ថា ទើបនឹងសម្រេចបាន ត្រឹមតែ២០% នៃគម្រោង «The Black Alien Project» ប៉ុណ្ណោះ។ លោកបានប្រកាសបន្ថែម ប្រាប់សារព័ត៌មាន​ក្នុងប្រទេសបារាំងថា លោកសុបិន្ដ​ចង់ជំនួស​ស្បែក​របស់លោក ដោយស្បែក ធ្វើពីលោហៈ​​ទាំងស្រុង និងប៉ងធ្វើការផ្លាស់ប្ដូរដៃ ជើង ម្រាមដៃ និងផ្នែកខាងក្រោយ នៃក្បាលរបស់លោក។

កាលពីឆ្នាំ២០១៧ លោកត្រូវបានសារព័ត៌មានតំបន់ ឈ្មោះ «Midi Libre» ស្រង់សំដីមកផ្សាយថា៖

«តាំងពីខ្ញុំនៅតូចម្លេះ ខ្ញុំឈ្លក់វង្វេងនឹងការប្រែរូប និងការផ្លាស់ប្ដូរ នៃរាងកាយមនុស្ស។»

បើទោះជាលោក​​មានរូបរាង​ចម្លែក​បែបនេះក្ដី (មិនត្រូវវិនិច្ឆ័យថា រូបរាងអាក្រក់ទេ) លោក «Anthony Loffredo» បានថ្លែងដោយ​អំនួតថា លោកនៅតែអាចប្រលោមស្នេហ៍ ជាមួយនាងៗទាំងឡាយ ដែលលោកគិតថា មានចិត្តចង់៕



លំអិតបន្ថែមទៀត

របាយការណ៍

បុណ្យ​«១៤កក្កដា»​៖ បដិវត្ត​ប្រជាជន​ដើម្បី​​សេរីភាព​និង​ប្រជាធិបតេយ្យ

នៅប្រទេសបារាំង ថ្ងៃ«១៤កក្កដា»នេះ ត្រូវបានដាក់ជាបុណ្យជាតិរបស់ប្រទេស តាំងពីឆ្នាំ១៨៨០ ក្នុង​ខណៈ ដែល​ប្រទេសនេះ បានបង្កើតឡើង​នូវរបបសារធារណរដ្ឋ ជាលើកទី៣។ រដ្ឋសភាបារាំងក្នុងសម័យនោះ បាន​អនុម័ត​យក​ថ្ងៃនេះ ជាថ្ងៃបុណ្យជាតិជាផ្លូវការ ដោយយោងទៅលើ​ព្រឹត្តការណ«ពីរ» ដែលបានកើតឡើង ...
បណ្ដាជនជាច្រើនសិបនាក់ បានចូលរួមគោរព និងឧទ្ទិសដល់វិញ្ញាណក្ខន្ធសាសាស្ត្រាចារ្យ ដែលត្រូវបានភេរវជន«កាត់ក» ក្នុងក្រុង«Conflans-Sainte-Honorine» ស្ថិតក្នុងតំបន់ជាយក្រុង ភាគពាយ័ព្យ​នៃរដ្ឋធានីប៉ារីស។។ (រូបថតលើ Twitter)
ដំណឹង

បារាំង៖ «កាត់ក»​គ្រូបង្រៀនម្នាក់ បន្ទាប់ពី​បង្ហាញរូបត្លុក​«មហាមេដ»

គ្រូបង្រៀន«ភូមិសាស្ត្រ-ប្រវត្តិវិជ្ជា»ម្នាក់ ត្រូវបានសម្លាប់ ដោយ«កាត់ក» កាលពីថ្ងៃសុក្រ បន្ទាប់ពីបាន​បង្ហាញ​រូបត្លុក «មហាមេដ (Mahomet – ព្យាការីសាសនាអ៊ីស្លាម)» ទៅដល់​កូនសិស្ស ក្នុងថ្នាក់របស់ខ្លួន កាលពីជាង១០ថ្ងៃមុន។ ហេតុការណ៍បានកើតឡើង ...
ដំណឹង

អគ្គិភ័យ Notre-Dame៖ ការសង្ស័យ​ព្រហ្មទណ្ឌ ត្រូវបានទម្លាក់ចោល

ការសង្ស័យផ្នែកព្រហ្មទណ្ឌ ដែលនិយាយពីទង្វើឧក្រិដ្ឋ នៅពីក្រោយ«អគ្គិភ័យ» ឆេះកម្ទេចដំបូលព្រះវិហារ «Notre-Dame» នៃរដ្ឋធានីប៉ារីស កាលពីថ្ងៃទី១៥ ខែមេសាកន្លងទៅ ត្រូវបានស្ថាប័នអយ្យការទម្លាក់ចោល និងមិនត្រូវបានយកមកស្រាវជ្រាវទៀតទេ។ ស្ថាប័នអយ្យការនៃរដ្ឋធានីប៉ារីស ដែលជំនាញខាងការស៊ើបអង្កេត សំនុំរឿងឧក្រិដ្ឋកម្មធំៗ ...

យល់ស៊ីជម្រៅផ្នែក កំសាន្ដ

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...

Comments are closed.