អុកឡុក​ការប្រកួត​ផ្ដាច់ព្រ័ត្រ ដើម្បី​ផ្សាយពាណិជ្ជកម្ម​ឲ្យ​គេហទំព័រ​«កូនជ្រូក»

Loading...

ខណៈការប្រកួតផ្ដាច់ព្រ័ត្រ ក្របខណ្ឌ«Champions League»កំពុងប្រព្រឹត្តិទៅ ក្នុងយប់ថ្ងៃសៅរ៍នេះ រវាងក្រុម លីវើភូល (Liverpool FC) និងក្រុម ថូថែមហាម (Tottenham FC) ស្ត្រីម្នាក់ដែលស្លៀកពាក់បិទបាំង តែបន្តិចបន្តួច បានរត់ចូលទីលាន បណ្ដាលឲ្យអាជ្ញាកណ្ដាល ចាំបាច់ត្រូវផ្អាកការប្រកួត។ តើគោលបំណងរបស់ស្ត្រីខាងលើ ជាអ្វី? គឺផ្សាយពាណិជ្ជកម្ម ឲ្យគេហទំព័រ«កូនជ្រូក»មួយ។

https://twitter.com/WistIes_/status/1134905312316669954

ការរត់ចូលទៅរំខានការប្រកួតនេះ បើទោះត្រូវបានភ្នាក់ងារសន្តិសុខពីរនាក់ ធ្វើអន្តរាគមន៍ចាប់ចេញ ពីទីលានប្រកួតភ្លាមៗក្ដី តែវត្តមានដ៏ខ្លីនិងបន្តិចរបស់នាង នៅលើទីលានប្រកួត គ្រប់គ្រាន់នឹងមានរូបថត ឬវីដេអូសម្រាប់ផ្សព្វផ្សាយ នៅពាសពេញបណ្ដាញសង្គម។

ស្ត្រីរូបនេះមានឈ្មោះ «Kinsey Wolanski» មានបំណងធ្វើពាណិជ្ជកម្ម សម្រាប់គេហទំព័រ«កូនជ្រូក»មួយ ដែលបង្កើតឡើងដោយមិត្តប្រុសរបស់នាង ឈ្មោះ «Vitaly Zdorovetskiy»។ បុរសម្នាក់នេះ មានសញ្ជាតិរ៉ុស្ស៊ី-អាមេរិកាំង និងធ្លាប់គេស្គាល់រួចហើយ នៅលើបណ្ដាញចែករំលែកវីដេអូ «YouTube»៕



Loading...

មតិយោបល់