ក្នុងកីឡដ្ឋាន​«Camp Nou»​​របស់ក្រុម បាសឺឡូន (FC Barcelone – អេស្ប៉ាញ) យប់ថ្ងៃអង្គារទី១៦ ខែកុម្ភៈនេះ ក្រុម ប៉ារីស (Paris Saint-Germain – បារាំង) បានលត់ក្រុមម្ចាស់ផ្ទះ យ៉ាងចាស់ដៃ ដោយគ្រាប់បាល់ ៤-១ ក្នុងការប្រកួតជុំទីមួយ នៃវគ្គ១ភាគ៨  ក្របខណ្ឌ «Champions League»។

ជ័យជំនះរបស់ក្រុមជើងឯកបារាំង ទទួលបានដោយសារ​គ្រាប់បាល់​«បីគ្រាប់» (នៅនាទីទី៣២/ ៦៥/ ៨៥) របស់កំពូលខ្សែប្រយុទ្ធ ល្បឿនផ្លេកបន្ទោរ កីឡាករ គីលីយ៉ាន អ៊ឹមបាពេ (Kylian Mbappé) និងមួយគ្រាប់ទៀត (នៅនាទីទី៧០) របស់ខ្សែប្រយុទ្ធជាតិអ៊ីតាលី កីឡាករ ម៉ូស គីន (Moise Kean)។

កីឡាករ គីលីយ៉ាន អ៊ឹមបាពេ ជាប់ឈ្មោះជា«Man of the Match»។

សម្រាប់ក្រុម«បាសឺឡូន»វិញ បើទោះជាក្រុមសម្បូរដោយកីឡាករកម្រិតពិភពលោក ដូចយ៉ាងកំពូលខ្សែប្រយុទ្ធ ម្ចាស់បាល់មាស ៦ជំនាន់ កីឡាករ លីយ៉ូនែល ម៉េស៊ី (Lionel Messi) ក៏ដោយ តែក្រុមអ្នកមានបុណ្យ បានលេងបាល់​ក្នុងភាពស្ទាក់ស្ទើរ និងរកគ្រាប់បាល់ បានតែ១គ្រាប់ប៉ុណ្ណោះ ដែលជាគ្រាប់បាល់ពិន័យ១១ម៉ែត្រ នៅនាទីទី២៧។

យ៉ាងណា ក្រុមរបស់កីឡាករ ម៉េស៊ី នៅមានក្ដីសង្ឃឹម ក្នុងការប្រកួតជុំទីពីរ ដែលនឹងប្រព្រឹត្តិទៅ នៅកីឡដ្ឋាន«Parc de Princes»របស់ក្រុមប៉ារីស នៅយប់ថ្ងៃទី១០ ខែមីនាខាងមុខ។ ប៉ុន្តែ៤គ្រាប់​ដែលក្រុម ប៉ារីស រកបាននៅខាងក្រៅផ្ទះ តម្រូវឲ្យក្រុមបាសឺឡូន ត្រូវរកគ្រាប់បាល់ ឲ្យបាន៥គ្រាប់លើសក្រុមប៉ារីសវិញ នៅក្នុងការប្រកួតជុំទី២នោះ៕

កីឡាករ ម៉ូស គីន ខ្សែប្រយុទ្ធក្រុមប៉ារីស បន្ទាប់ពីរកគ្រាប់បាល់បាន នៅនាទីទី៧០។


You may also like

កីឡា និងបច្ចេកវិទ្យា

តុលាការ​ប្រេស៊ីល​សម្រេច​មិនចាត់ការ​បណ្ដឹង​ប្រឆាំង ណីម៉ា ពីបទ​រំលោភ

ចៅក្រមមួយរូបនៃតុលាការក្រុង សាវប៉ាវឡូ (Sao Paulo – ប្រេស៊ីល) បានសម្រេចបិទសំណុំរឿង មិនចាត់ការតាមបណ្ដឹងរបស់ស្ត្រីបង្ហាញម៉ូដ ដែលបានប្ដឹងកំពូលខ្សែប្រយុទ្ធ កីឡាករ ណីម៉ា (Neymar) ពីបទរំលោភ ...
កីឡា និងបច្ចេកវិទ្យា

ស៊ែរជោ រ៉ាម៉ូស នឹងចុះកិច្ចសន្យា​ទាត់ឲ្យក្រុម ប៉ារីស

កំពូលខ្សែការពារជាតិអេស្ប៉ាញ កីឡាករ ស៊ែរជោ រ៉ាម៉ូស (Sergio Ramos) កំពុងត្រៀមចុះកិច្ចសន្យា លេងឲ្យក្រុម ប៉ារីស (Paris Saint-Germain) បន្ទាប់ពីបានព្រមព្រៀងគ្នារួចរាល់ ក្នុងរសៀលថ្ងៃចន្ទនេះ។ ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...