ដំណឹងដែលលេចឮ តាំងពី១-២សប្ដាហ៍មុន ត្រូវបានក្រុម ប៉ារីស (Paris Saint Germain – បារាំង) ប្រកាសជាផ្លូវការ នៅមុននេះបន្តិច។ ខ្សែប្រយុទ្ធជាតិប្រេស៊ីលដ៏ល្បី កីឡាករ ណីម៉ា (Neymar Jr) បានចាកចេញពីក្រុមបាល់ទាត់ នៃរដ្ឋធានីរបស់ប្រទេសបារាំង និងទៅចុះហត្ថលេខាលេងឲ្យក្រុម «Al-Hilal» នៃប្រទេស អារ៉ាប៊ីសាអ៊ូឌីត។

នៅប៉ុន្មាននាទីក្រោយមក ក្រុមបាល់ទាត់​«Al Hilal»​នៃរាជធានី «Riyad» របស់ប្រទេសអារ៉ាប៊ីសាអ៊ូឌីត ក៏បានប្រកាស​ជាផ្លូវការដែរថា ណីម៉ា គឺជាកីឡាកររបស់ខ្លួន សម្រាប់រយៈពេល២ឆ្នាំ ឬ២រដូវកាល។

សារព័ត៌មានកីឡា​ក្នុងប្រទេសបារាំង «L’Equipe» បានរាយការណ៍ថា ការផ្ទេរកីឡាកររូបនេះ ធ្វើឡើងក្រោមទឹកប្រាក់ ប្រមាណជិត១០០លានអ៊ឺរ៉ូ រាប់ទាំងកម្រៃបន្ថែមផង។

ក្រុម ប៉ារីស បានលើកសរសើរអតីតខ្សែប្រយុទ្ធរបស់ខ្លួន ថាជា«អតីតជើងឯក» ដែលបានចូលរួមលេង ១៧៣ប្រកួត និងទាត់បញ្ចូលទី បាន១១៨គ្រាប់ ក្នុងរយៈពេល៦រដូវកាលកន្លងមក ជាមួយក្រុម។

នៅជាមួយក្រុមបាល់ទាត់យក្ស របស់ប្រទេសបារាំង កីឡាករ ណីម៉ា បានលើកពានជាច្រើន រួមមាន៖ ៥ x Ligue 1 – ៣ x France Cup – ២ x League Cup និង ៣ x Champion Trophées។

ប៉ុន្តែជាមួយក្រុម ប៉ារីស កំពូលខ្សែប្រយុទ្ធជាតិ ប្រេស៊ីល អាយុ៣១ឆ្នាំ មិនមានភាពជោគជ័យសោះឡើយ ក្នុងការឈ្នះពានអ៊ឺរ៉ុប «Champions League»។ កីឡាករគ្រាន់តែបានឡើងទៅប្រកួត ដល់វគ្គផ្ដាច់ព្រ័ត្រម្ដងគត់ នៅឆ្នាំ២០២០ ទល់នឹងក្រុម បាយ៉ើន (Bayern Munich – អាល្លឺម៉ង់) និងបានចាញ់ក្រុមនេះ ០-១៕



You may also like

កីឡា និងបច្ចេកវិទ្យា

ក្រុមប៉ារីស​នឹងចាត់ការ​​តប​ក្រុម​រៀល បើនៅ​​បង្អើល ណីម៉ា និង អ៊ឹមបាពេ

កាលពីដើមសប្ដាហ៍មុន លោក ផ្លរ៉ង់ទីណូ ប៉េរេស (Florentino Pérez) ប្រធានក្រុមរៀល បានបង្អើលពាក្យប៉ុន្មានម៉ាត់ ថាលោកត្រៀមខ្លួន ទិញកំពូលកីឡាករពីររូប ពីក្រុមប៉ារីស គឺកីឡាករ ណីម៉ា ...
កីឡា និងបច្ចេកវិទ្យា

លីយ៉ូនែល ម៉េស៊ី នឹងមកដល់​រដ្ឋធានី ប៉ារីស ក្នុងល្ងាច​ថ្ងៃអាទិត្យ​នេះ

បន្ទាប់ពីបាន«លា»ក្រុមបាសឺឡូន (FC Barcelone) នៅក្នុងសន្និសីទសារព័ត៌មាន កាលពីវេលាថ្ងៃត្រង់នេះរួច កំពូលខ្សែប្រយុទ្ធជាតិអាហ្សង់ទីន កីឡាករ លីយ៉ូនែល ម៉េស៊ី (Lionel Messi) នឹងធ្វើដំណើរមកដល់រដ្ឋធានី ប៉ារីស ...
កីឡា និងបច្ចេកវិទ្យា

សារព័ត៌មានអេស្ប៉ាញថា លីយ៉ូនែល ម៉េស៊ី នឹងទៅទាត់​ឲ្យក្រុម ប៉ារីស

បន្ទាប់ពីចាកចេញ ពីក្រុមបាសឺឡូន (FC Barcelone) កំពូលកីឡាករ លីយ៉ូនែល ម៉េស៊ី (Lionel Messi) ម្ចាស់​បាល់មាស​៦ជំនាន់ អាចនឹង​បង្ហាញខ្លួន នៅក្រុមបាល់ទាត់​នៃរដ្ឋធានី ប៉ារីស ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...