កីឡា និងបច្ចេកវិទ្យាបាល់ទាត់

«សំដីរើសអើង»របស់អាជ្ញាកណ្ដាល​ទី៤​ផ្អាកការប្រកួតរវាង ប៉ារីស-​អ៊ីស្តាំប៊ូល

អាជ្ញាកណ្ដាលទី៤ រងការចោទប្រកាន់ថា បានប្រើ«សំដីរើសអើង»ពណ៌សម្បុរ ទៅលើ​ជំនួយការ​គ្រូបង្វឹក របស់ក្រុម អ៊ីស្ដាំប៊ូល (Istanbul Basaksehir – ទួរគី) ដែលធ្វើឲ្យ​ការប្រកួតរវាងក្រុមនេះ ទល់នឹងក្រុម ប៉ារីស (Paris Saint Germain – បារាំង) ត្រូវបាន​ផ្អាក និងលើកពេលប្រកួត ទៅថ្ងៃពុធ ទី៩ ខែធ្នូស្អែកវិញ។

ហេតុការណ៍ដ៏ហួសចិត្ត បានកើតឡើង នៅខណៈការប្រកួតរវាងក្រុមទាំងពីរ បានប្រព្រឹត្តិ​ទៅ នៅនាទីទី១៣ ក្នុងកីឡាដ្ឋាន«Parc des Princes» (របស់ក្រុមប៉ារីស) នៃក្របខណ្ឌ «Champions League» (ក្នុងពូលជំរុះ ជុំទី៦) យប់ថ្ងៃអង្គារទី៨ ខែធ្នូនេះ។

នៅពេលនោះ លោក «Ovidiu Hategan» ដែលជាអាជ្ញាកណ្ដាល​នៅលើទីលាន ត្រូវបានហៅ​ដោយអាជ្ញាកណ្ដាលទី៤ នៅក្រៅទីលានប្រកួត ដើម្បីពិន័យសមាជិកម្នាក់ របស់ក្រុមការងារ នៃក្រុមអ៊ីស្ដាំប៊ូល។ លោក «Ovidiu Hategan» បានសួរអាជ្ញាកណ្ដាល​ទី៤ គឺលោក «Sebastian Coltescu» ដើម្បីចង់ដឹងពីបុគ្គល ដែលលោកត្រូវពិន័យ។

តាមរយៈរូបភាពផ្សាយផ្ទាល់ នៅលើកញ្ចាក់ទូរទស្សន៍ លោក «Sebastian Coltescu» បាននិយាយ​ជាភាសារ៉ូម៉ានី (ក្រុមអាជ្ញាកណ្ដាល សុទ្ធសឹងជាជនជាតិរ៉ូម៉ានី) ឆ្លើយតបទៅអាជ្ញាកណ្ដាល​លើទីលានថា៖

«គឺម្នាក់ ដែលមានសម្បុរខ្មៅ (Ala negru)

«សំដីរើសអើង»ពីរម៉ាត់នេះ ត្រូវបានក្រុមការងារ នៃក្រុមអ៊ីស្ដាំប៊ូលស្ដាប់ឮ ជាពិសេស លោក «Pierre-Achille Webo» ដែលទទួលបានកាត់ក្រហម ពីអាជ្ញាកណ្ដាល ផ្ទាល់ តែម្ដង។ លោក «Pierre-Achille Webo» ដែលជាជំនួយការគ្រូបង្វឹក ក្រុមអ៊ីស្ដាំប៊ូល បានស្រែកសួរ ទៅកាន់​អាជ្ញាកណ្ដាល​ទី៤ថា៖

«ហេតុអ្វី បានជាអ្នកឯងនិយាយថា អាខ្មៅ?»

នៅក្នុងពេលបន្ទាប់មក ក្រុមកីឡាករទាំងសងខាង បានសម្រេចនាំគ្នាផ្អាកការប្រកួត ដើម្បីបង្ហាញពីសាមគ្គីភាព ចំពោះជំនួយការគ្រូបង្វឹក ក្រុមអ៊ីស្ដាំប៊ូល។

ព័ត៌មានដែលទស្សនាវដ្ដីមនោរម្យ.អាំងហ្វូ ទើបនឹងទទួលបាននៅមុននេះ បានបញ្ជាក់​ថា សហភាពបាល់ទាត់អ៊ឺរ៉ុប «UEFA» បានសម្រេចលើកពេល នៃការប្រកួតខាងលើ ទៅថ្ងៃពុធ​ស្អែក នៅវេលាម៉ោង១៨ និង៥៥នាទី និងបានសន្យាថា នឹងធ្វើការស៊ើបអង្កេត ពីករណី​នេះ ឲ្យបានស៊ីជម្រៅ៕



You may also like

ក្រុមជូវេនទូស អបអរជ័យជំនះខ្លួន បន្ទាប់ពីយកឈ្នះក្រុមអាត្លេទីកូម៉ាឌ្រីត។ (រូបថត UEFA)
កីឡា និងបច្ចេកវិទ្យា

បីគ្រាប់​របស់ រ៉ូណាល់ដូ ជួយ​ក្រុម​សេះបង្កង់ឲ្យ​បំបាក់​ក្រុម​អាត្លេទីកូ

កំពូលខ្សែប្រយុទ្ធរបស់ក្រុម ជូវេនទូស (Juventus – អ៊ីតាលី) កីឡាករ គ្រីស្យាណូ រ៉ូណាល់ដូ (Cristiano Ronaldo) បានព្រមានជាមុនរួចហើយ នៅមុនជំនួបជាមួយក្រុម អាត្លេទីកូ ...
កីឡា និងបច្ចេកវិទ្យា

អតីតគ្រូបង្វឹក​«Tuchel»​ចាកចេញ ជាមួយ​នឹងប្រាក់​​ពី៦​ទៅ៨លានអ៊ឺរ៉ូ

បើប្រព័ន្ធផ្សព្វផ្សាយ បានអះអាង​ពីការបណ្ដេញគ្រូបង្វឹកចេញ តាំងពីសប្ដាហ៍កន្លងទៅនោះ ក្រុមប៉ារីស (Paris Saint-Garmain – បារាំង) ទើបនឹងប្រកាសជាផ្លូវការ អំពីការចាកចេញនេះ នៅថ្ងៃអង្គារទី២៩ ខែធ្នូ ឆ្នាំ២០២០នេះប៉ុណ្ណោះ។ ...
កីឡា និងបច្ចេកវិទ្យា

រៀលម៉ាឌ្រីដ ឈប់ចរចាជាមួយ ប៉ារីស ជុំវិញ​ការផ្ទេរ​កីឡាករ អឹមបាពេ

ក្រុមបាល់ទាត់យក្ស រៀលម៉ាឌ្រីដ (Real Madrid) និងក្រុម ប៉ារីស (Paris Saint Germain) បានសម្រេចបញ្ឈប់«ការចរចា» ជុំវិញ​ការផ្ទេរ​កីឡាករ ល្បឿនផ្លេកបន្ទោរ គីលីយ៉ាន ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...