កីឡា និងបច្ចេកវិទ្យាបាល់ទាត់

អាជ្ញាធរ​ប្រេស៊ីល​ប្ដឹង​«ស្ត្រី​ម្ចាស់​បណ្ដឹង»​ប្រឆាំង ណីម៉ា ពីបទ​បរិហារកេរ្តិ៍

រឿងរ៉ាវចាប់រំលោភ ទាក់ទងនឹងកីឡាករ ណីម៉ា នៅមានភាគបន្តវែងឆ្ងាយ ទៅមុខទៀត។ ភាគបន្តលើកនេះ មិនទាក់ទងផ្ទាល់ នឹងកំពូលខ្សែប្រយុទ្ធ​ជាតិប្រេស៊ីលទេ តែទាក់ទងនឹង«ស្ត្រី​ម្ចាស់​បណ្ដឹង» ដែលបានចោទកីឡាករ ពីបទរំលោភបំពានខ្លួន។

គឺអាជ្ញាធរក្រុង សាវប៉ាវឡូ (São Paulo) ជាអ្នកដាក់ពាក្យបណ្ដឹង កាលពីថ្ងៃពុធ ឡើងទៅតុលាការ ប្រឆាំងនឹងនាង «Najila Trindade» ពីបទបរិហារកេរ្តិ៍ បន្ទាប់ស្ត្រីបង្ហាញម៉ូដ អាយុ២៦ឆ្នាំរូបនេះ បានលើកឡើងថា កងកម្លាំងនគរបាល ដែលធ្វើការក្នុងសំនុំរឿង ទំនងជាត្រូវបាន​«ទិញក្បាល»​អស់ហើយ។

បើតាមស្ថាប័ននគរបាល នៃក្រុង សាវប៉ាវឡូ បានបញ្ជាក់ថា ការលើកឡើងរបស់ស្ត្រីម្ចាស់បណ្ដឹង ដែលចោទកីឡាករ ណីម៉ា ពីបទរំលោភរូបនេះ បានប៉ះពាល់ដល់ «កិត្តិយសនៃស្ថាប័នរដ្ឋ» ជាពិសេដល់ភ្នាក់ងារនគរបាលច្រើននាក់ ដែលកំពុងធ្វើការងារ របស់ពួកគេ។

តាមរយៈកិច្ចសម្ភាសមួយ ជាមួយនឹងស្ថានីយ៍ទូរទស្សន៍ប្រេស៊ីល «SBT» ពិធីកររបស់កម្មវិធី បានលើកឡើង ពីការចូលទៅស្រាវជ្រាវ របស់ភ្នាក់ងារនគរបាល នៅក្នុងគេហដ្ឋានរបស់នាង «Najila Trindade» បន្ទាប់ពីនាងខ្លួនឯង បានប្រកាសថា គេហដ្ឋានរបស់នាង ត្រូវបានចោរគាស់ ចូលលួចកំព្យូទ័របន្ទះមួយគ្រឿង ដែលក្នុងនោះ មានវីដេអូដ៏សំខាន់ ដែលអាចដាក់បន្ទុកបន្ថែម លើកីឡាករ ណីម៉ា

ប៉ុន្តែបើតាមពិធីករ បានស្រង់សំដីរបស់អ្នកស៊ើបអង្កេត មកបញ្ជាក់ថា នៅក្នុងគេហដ្ឋានរបស់«ស្ត្រី​ម្ចាស់​បណ្ដឹង»រូបនេះ មិនមានស្នាមម្រាមដៃ គួរឲ្យសង្ស័យណាផ្សេង ក្រៅតែពីស្នាមម្រាមដៃ របស់នាង «Najila Trindade» ខ្លួនឯង និងស្ត្រីអ្នកបម្រើការម្នាក់ទៀត នៅក្នុងផ្ទះនោះឡើយ។

តបនឹងការលើកឡើងនេះ នាង «Najila Trindade» បានឧទានឡើងថា៖

«ច៎ា ! តែភ្នាក់ងារនគរបាលទាំងនោះ ត្រូវបានទិញក្បាល អស់ហើយឬ? ឬក៏មិនមែនទេ? ឬក៏ខ្ញុំឆ្កួត តែម្នាក់ឯង?»

សម្រាប់ក្រុមអាជ្ញាធរ ពាក្យសំដីខាងលើ ធ្វើឡើងជ្រុលហួស និងជាការមិនអាចទទួលយកបាន ហើយសំនុំរឿងមួយទៀត នឹងត្រូវបង្កើតឡើង ដើម្បីអង្កេតប្រឆាំងនាង «Najila Trindade»។

តែមុននឹងសំនុំរឿងនេះ ត្រូវបានបើកជាផ្លូវការ ក្រុមអ្នកទទួលខុសត្រូវ ត្រូវបញ្ជាក់ឲ្យច្បាស់ថា តើពាក្យសំដី​របស់​ស្ត្រី​បង្ហាញម៉ូដ​រូបនេះ បានធ្វើឲ្យ«របួសដល់ផ្លូវចិត្ត» នៃបណ្ដាភ្នាក់ងារនគរបាល ដែលធ្វើការងាររបស់ពួកគេ ឬយ៉ាងណា។

ពាក្យបណ្ដឹងរបស់អាជ្ញាធរ បានបន្ថែមបញ្ហាមួយ ជាថ្មីទៀត សម្រាប់នាង «Najila Trindade» បន្ទាប់ពីមេធាវីទីបីរបស់នាង បានប្រកាសដកខ្លួន ចេញពីសំនុំរឿង កាលពីដើមសប្ដាហ៍។ មកដល់ម៉ោងនេះ មេធាវីថ្មីការពារក្ដីឲ្យនាង នៅមិនទាន់បង្ហាញខ្លួន បង្ហាញឈ្មោះជាសាធារណៈ នៅឡើយ៕



You may also like

វប្បធម៌ និងជីវិត

បុរសកម្ពុជាជាប់ឈ្មោះថា មានលិង្គតូចជាងគេ បន្ទាប់ពីកូរ៉េ

បើ«មានលិង្គតូចជាងគេ» ចូរបុរសកម្ពុជាទាំងឡាយ​កុំតូចចិត្ត ព្រោះវាជាខ្នាត​គិតជាមធ្យម សិក្សាដោយ​បណ្ណាល័យ​វេជ្ជសាស្ត្រជាតិមួយ របស់សហរដ្ឋអាមេរិក មានឈ្មោះ​«National Library of Medicine» ដែលបានចាត់​ចំណាត់ថ្នាក់ ទៅលើបណ្ដាប្រដាប់ភេទ របស់បុរស​សឹងតែគ្រប់ប្រទេស នៅលើពិភពលោក។ ...
កីឡា និងបច្ចេកវិទ្យា

កំពូលកីឡាករច្រើននាក់ ​របស់ក្រុម ប៉ារីស កំពុងវិល​ចូលប្រកួតវិញ

បន្ទាប់ពីអវត្តមាន តាំងពីចុងខែវិច្ឆិកា ដោយសាររងរបួសនោះមក ខ្សែប្រយុទ្ធជាតិអាហ្សង់ទីន ​របស់ក្រុម ប៉ារីស (Paris Saint-Germain – បារាំង) កីឡាករ ម៉ូរូ អ៊ីកាឌី ...
កម្រមាន

វីដេអូ​រួមភេទ​ក្នុង​រថយន្ដ​ការងារ បង្ក​រឿងអាស្រូវ​​ដល់ អ.ស.ប

អង្គការសហប្រជាជាតិ «អ.ស.ប» បានសម្រេចព្យួរមន្ត្រីពីររូប ពីការងារ នៅក្នុងប្រទេស​អ៊ីស្ត្រាអែល បន្ទាប់​ពី​«វីដេអូ​រួមភេទ​ក្នុង​រថយន្ដ​ការងារ»មួយ ត្រូវបានបង្ហោះ យ៉ាង​គគ្រឹកគគ្រេង នៅតាមបណ្ដាញសង្គម។ អ្នកនាំពាក្យ​អង្គការពិភពលោក បានថ្លែង​កាលពីយប់ថ្ងៃព្រហស្បត្តិ៍ថា ចំណាត់ការព្យួរ​បុគ្គលិក ទាំងពីររូប ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...