កីឡា និងបច្ចេកវិទ្យាបាល់ទាត់

ណីម៉ា រងបណ្ដឹងមួយពីបទ​រើសអើង ប្រឆាំង​ជន​ស្រឡាញ់​ភេទដូច នៅ​ប្រេស៊ីល

តារារបស់ក្រុមប៉ារីស (Paris Saint-Germain – បារាំង) កីឡាករ ណីម៉ា (Neymar) កំពុង​រងបណ្ដឹងមួយ ពីបទរើសអើង ប្រឆាំង​ជន​ស្រឡាញ់​ភេទដូច នៅក្នុង​ប្រទេស​ប្រេស៊ីល។

បណ្ដឹងដែលដាក់ឡើង ទៅស្ថាប័នអយ្យការ​ក្រុង «Sao Paulo» ដោយសកម្មជន​ការពារ​សិទ្ធិ អ្នក​ស្រឡាញ់ភេទដូច ធ្វើឡើងក្រោយការបែកធ្លាយ សារសម្លេងមួយ ​របស់​ខ្សែ​ប្រយុទ្ធ​រូបនេះ ដែលបាន​ហៅបុរសម្នាក់ ដែលជាសង្សារបស់ម្ដាយខ្លួន ថាជា​«ប្រុសខ្ទើយ»។

ស្រង់សំដី ដោយសារព័ត៌មានក្នុងស្រុក ស្ថាប័នអយ្យការ នៃក្រុង«Sao Paulo» អះអាង​កំពុង​ត្រូវបានរដ្ឋអាជ្ញា ធ្វើការពិនិត្យ តែនៅមិនទាន់អះអាងថា ខ្លួននឹងសម្រេច​បើក​ការស៊ើបអង្កេត ឬយ៉ាងណានៅឡើយ។

សកម្មជនការពារសិទ្ធិ អ្នកស្រឡាញ់ភេទដូច លោក «Agripino Magalhaes» បាន​ប្រកាស​ឲ្យដឹងថា លោកបានដាក់បណ្ដឹង ប្រឆាំងនឹងកីឡាករ ណីម៉ា ពីបទចោទ ចំនួនពីរករណី គឺ«ឧក្រិតដ្ឋកម្ម ប្រឆាំង​ជន​ស្រឡាញ់​ភេទដូច និងការញុះញង់ ឲ្យមាន​ការស្អប់ខ្ពើម»។

លោក «Agripino Magalhaes» បានបន្ថែមថា លោកកំពុងស្នើឲ្យ​មេធាវី ទាមទារ​ទៅតុលាការ ដើម្បី​ដកហូត​លិខិតឆ្លងដែន របស់កីឡាករ ដើម្បីអ្វីមួយ ដែល​សកម្មជនរូបនេះ អះអាងថា ខ្លាចកីឡាករ​​ខ្សែប្រយុទ្ធ គេចចេញ​ពីការផ្ដន្ទាទោស របស់​ប្រព័ន្ធ​យុត្តិធម៌​ប្រេស៊ីល។

ការជេបញ្ចោរ​ជាលក្ខណៈឯកជន របស់កីឡាករ ណីម៉ា បានបែកធ្លាយ នៅក្នុងរយៈពេល​ចុង​ក្រោយ​នេះ នៅតាមបណ្ដាញផ្សព្វផ្សាយ។

ពាក្យសំដីនោះ ជាការជជែក​ជាមួយ​មិត្តភ័ក្រ ហើយត្រូវបានគេស្ដាប់ឮថា ខ្សែប្រយុទ្ធ​ដ៏ល្បីឈ្មោះ បានហៅលោក «Tiago Ramos» ដែលជាសង្សាអាយុ២៣ឆ្នាំ របស់ម្ដាយខ្លួន អាយុ៥២ឆ្នាំ ថាជា«ប្រុសខ្ទើយ» និងជា«Bugger (ដែលចូលចិត្តសេពកាម តាមរន្ធគូទ)។

ក្នុងសារដដែល គេឮសូរមិត្តភ័ក្រម្នាក់ របស់កីឡាករ ណីម៉ា បាននិយាយបន្ថែមថា ត្រូវយក​​«អំបោស បុកប្រហោងគូទ»របស់បុរស ដែលជាសង្សាវ័យក្មេងរូបនោះ។

អ្នកស្រី «Nadine Gonçalves» ម្ដាយអាយុ៥២ឆ្នាំ របស់កីឡាករ ណីម៉ា បានប្រកាស​ជា​សាធារណៈ  កាលពីខែមេសា ឲ្យដឹងអំពី​ទំនាក់ទំនងស្នេហា របស់អ្នកស្រី ជាមួយលោក «Tiago Ramos» ដែលមានអាយុ២៣ឆ្នាំ។

នៅបន្តិចក្រោយមក បណ្ដាញសារព័ត៌មាន បានរកឃើញថា បុរសសង្សាវ័យក្មេង ជាមនុស្សស្រឡាញ់ភេទទាំងពីរ (រួមភេទ ទាំងជាមួយ​មនុស្សប្រុស និងស្ត្រី)៕



លំអិតបន្ថែមទៀត

កីឡា និងបច្ចេកវិទ្យា

Champions League៖ ប៉ារីស និងលីវើភូល បានឡើងវគ្គ១/៤

បន្ទាប់ពីក្រុម ដ័រមូន និងក្រុម ព័រតូ ដែលទទួលសំបុត្រ បានឡើងវគ្គ១/៤ (វគ្គ៨ក្រុម) កាលពីម្សិលម៉ិញរួច នៅយប់​ថ្ងៃពុធ ទី១០ ខែមីនានេះ ក្រុមបាល់ទាត់យក្សពីរទៀត ក៏បានដឹកដៃគ្នា​ ...
កីឡា និងបច្ចេកវិទ្យា

អាជ្ញាធរ​ប្រេស៊ីល​ប្ដឹង​«ស្ត្រី​ម្ចាស់​បណ្ដឹង»​ប្រឆាំង ណីម៉ា ពីបទ​បរិហារកេរ្តិ៍

រឿងរ៉ាវចាប់រំលោភ ទាក់ទងនឹងកីឡាករ ណីម៉ា នៅមានភាគបន្តវែងឆ្ងាយ ទៅមុខទៀត។ ភាគបន្តលើកនេះ មិនទាក់ទងផ្ទាល់ នឹងកំពូលខ្សែប្រយុទ្ធ​ជាតិប្រេស៊ីលទេ តែទាក់ទងនឹង«ស្ត្រី​ម្ចាស់​បណ្ដឹង» ដែលបានចោទកីឡាករ ពីបទរំលោភបំពានខ្លួន។ គឺអាជ្ញាធរក្រុង សាវប៉ាវឡូ ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...