កីឡា និងបច្ចេកវិទ្យាបាល់ទាត់

ណីម៉ា រង​បណ្ដឹង​ពី​«បទរំលោភ»​យុវតី​​ម្នាក់ ក្នុង​សណ្ឋាគារ​កណ្ដាល​​ប៉ារីស

ណីម៉ា (Neymar Jr) កំពូលខ្សែប្រយុទ្ធ និងជាតារាបាល់ទាត់ របស់ក្រុមប៉ារីសសាំងហ្សែរម៉ាំង (Paris Saint-Germain) បានរងបណ្ដឹងមួយ ពី«បទរំលោភ»សេពសន្ធវៈ។ បណ្ដឹងនេះ ត្រូវបានដាក់ឡើងទៅប្រព័ន្ធយុត្តិធម៌ នៃក្រុង សាវប៉ាវឡូ (Sao Paulo) ប្រទេសប្រេស៊ីល ដោយយុវតីម្នាក់​ដែលអះអាងថា ខ្លួនជាជនរងគ្រោះ នៅក្នុងហេតុការណ៍ នៅការចាប់រំលោភសេពសន្ធវៈ ក្នុងសណ្ឋាគារមួយ កណ្ដាលរដ្ឋធានីប៉ារីស ប្រទេសបារាំង។

ប៉ុន្តែឪពុករបស់កីឡាករ បានចេញមុខ មកបដិសេធការលើកឡើងនេះ និងបានបរិហារបណ្ដឹងនេះ ថាជាឆាកល្ខោនប្រឌិតឡើង ដើម្បីបង្ខូចឈ្មោះកូនរបស់លោក។

ពាក្យបណ្ដឹងនោះ ត្រូវបានទម្លាយចេញជាសាធារណៈ ដោយសារព័ត៌មានប្រេស៊ីល «UOL Sport – Globo Esporte» កាលពីប៉ុន្មានម៉ោងមុន ដោយអះអាងបន្ថែមថា វាជាពាក្យបណ្ដឹងដែលដើមបណ្ដឹង បានដាក់កាលពីថ្ងៃសុក្រនេះ នៅចំពោះស្នងការនគរបាលក្រុង ខណៈហេតុការណ៍ចាប់រំលោភនោះ ត្រូវបានអះអាងថា កើតឡើងតាំងពីថ្ងៃទី១៥ ខែឧសភា។

សារព័ត៌មានប្រេស៊ីល បានស្រង់បណ្ដឹងរបស់យុវតី ដែលមិនត្រូវបានបញ្ចេញឈ្មោះ មករៀបរាប់ថា ដំបូងឡើយ យុវតីដែលរស់នៅប្រទេសប្រេស៊ីល និងកីឡាករ ណីម៉ា ដែលកំពុងទាត់ឲ្យក្រុមប៉ារីស បានឆ្លើយឆ្លងគ្នា តាមបណ្ដាញសង្គមអ៊ិនស្ដាហ្គ្រាម (Instagram)។ បន្ទាប់មក យុវតីរូបនោះ ត្រូវបានតារាបាល់ទាត់​អញ្ជើញ ឲ្យធ្វើដំណើរ មកកាន់រដ្ឋធានីប៉ារីស។

នៅថ្ងៃទី១៥ ខែឧសភា យុវតីបានមកដល់សណ្ឋាគារ សូហ្វីតែល (Sofitel) ក្នុងសង្កាត់ «Arc de Triomphe» ដ៏ល្បី នៃរដ្ឋធានីប៉ារីស។ នាងបានសរសេរថា កីឡាករ ណីម៉ា បានមកជួបនាងដល់ក្នុងបន្ទប់ និងមានអាការៈ«ស្រវឹង»។ ម្ចាស់បណ្ដឹងបន្តថា បន្ទាប់ពី​«បបោសអង្អែល»​មួយសន្ទុះ ស្រាប់តែ ណីម៉ា បានប្ដូរប្រើ«កម្លាំង» និងបាន«បង្ខំរួមរ័ក» ដោយគ្មានការយល់ព្រមពីនាង។

យុវតីបានអះអាងទៀតថា ខ្លួនបានវិលត្រឡប់ ទៅប្រទេសប្រេស៊ីលវិញ នៅថ្ងៃទី១៧ ខែឧសភា និងថា នាងភ័យខ្លាចមិនហ៊ានប្ដឹងកីឡាករ នៅក្នុងប្រទេសបារាំងទេ។

«អន្ទាក់» ដើម្បីប្ដឹងពី«បទរំលោភ»

នៅចំពោះពាក្យបណ្ដឹងខាងលើ លោក ណីម៉ា (Neymar Sr) ជាឪពុករបស់កីឡាករ បានប្រតិកម្មតាមបណ្ដាញទូរទស្សន៍ប្រេស៊ីល «TV Bandeirantes» ថាការពិតនៅក្នុងរឿងរ៉ាវនេះ ត្រូវបានបំភ្លៃទាំងអស់។ លោកថា៖

«កិច្ចសន្ទនាឆ្លើយឆ្លង រវាងស្ត្រីម្នាក់នេះ និងកូនប្រុសខ្ញុំ បង្ហាញច្បាស់ថា គឺជាអន្ទាក់។ ណីម៉ា បានទុកកិច្ចសន្ទនានោះទាំងអស់។ ខ្ញុំដឹងថា កូនខ្ញុំអាចត្រូវបានចោទប្រកាន់ ដោយរឿងរ៉ាវជាច្រើន តែខ្ញុំស្គាល់កូនខ្ញុំច្បាស់ ពីចរិតឫកពាររបស់វាយ៉ាងម៉េច (…) យើងនឹងធ្វើអ្វីគ្រប់យ៉ាង ដើម្បីកូនខ្ញុំទទួលបានយុត្តិធម៌ ក្នុងពេលឆាប់ៗខាងមុខ៕»



លំអិតបន្ថែមទៀត

កីឡា និងបច្ចេកវិទ្យា

[ផ្លូវការ] លីយ៉ូនែល ម៉េស៊ី ក្លាយជាកីឡាករ​របស់ក្រុម ប៉ារីស

ម្ចាស់បាល់មាស៦ជំនាន់ កីឡាករ លីយ៉ូនែល ម៉េស៊ី (Lionel Messi) បាន«ក្លាយជាកីឡាករ​របស់ក្រុម ប៉ារីស ជា​ផ្លូវការ»​ហើយ។ នេះបើតាមសេចក្ដី​ប្រកាស​ព័ត៌មានរបស់ក្រុមបាល់ទាត់យក្ស របស់ប្រទេសបារាំង ដែលចេញផ្សាយ​ឲ្យដឹង នៅមុននេះប៉ុន្មាននាទី។ ...
កីឡា និងបច្ចេកវិទ្យា

មេធាវី​ទីបី​របស់​ស្ត្រី​ម្ចាស់បណ្ដឹង​ប្រឆាំង ណីម៉ា ប្រកាស​«ដកខ្លួន»

លោក «Danilo Garcia de Andrade» មេធាវីថ្មី របស់ស្ត្រីម្ចាស់បណ្ដឹង ប្រឆាំងកីឡាករ ណីម៉ា (Neymar) បានប្រកាស«ដកខ្លួន» ឈប់ការពារកូនក្ដីខ្លួន តទៅទៀត ...
កីឡា និងបច្ចេកវិទ្យា

គេហដ្ឋាន​កីឡាករ ទីចាហ្គោ ស៊ីលវ៉ា រង​ការចូលលួច ខណៈ​កំពុង​ប្រកួត

ការប្រកួត ក្នុងយប់ថ្ងៃសៅរ៍ទី ២២ ខែធ្នូ ជាការប្រកួតចុងក្រោយបំផុត នៃឆ្នាំ២០១៨ សម្រាប់​ក្របខណ្ឌ បូកពិន្ទុដណ្ដើមជើងឯក «Ligue 1» ក្នុងប្រទេសបារាំង។ ហើយក្រុមប៉ារីស (Paris ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...