កីឡា និងបច្ចេកវិទ្យាបាល់ទាត់

Champions League៖ ប៉ារីស បំបាក់ អាតាឡង់តា ឡើងទៅ«១/២»

កីឡាករ ណីម៉ា និង អ៊ឹមបាពេ ខ្សែប្រយុទ្ធរបស់ក្រុម ប៉ារីស។ (រូបថត UEFA)
កីឡាករ ណីម៉ា និង អ៊ឹមបាពេ ខ្សែប្រយុទ្ធរបស់ក្រុម ប៉ារីស។ (រូបថត UEFA)

បន្ទាប់ពីរង់ចាំអស់ជាច្រើនទសវត្សរ៍ ក្រុម ប៉ារីស (Paris Saint-Germain – បារាំង) បានឡើងដល់វគ្គ«១/២» ក្របខណ្ឌ «Champions League» ដោយបំបាក់ក្រុម អាតាឡង់តា (Atalanta – អ៊ីតាលី) នៅបីនាទីចុងក្រោយ នៃការប្រកួតក្នុងវគ្គ«១/៤» ក្នុងយប់ថ្ងៃពុធ​នេះ។

ជាសេណារីយ៉ូ ដែលមិនគួរឲ្យជឿបាន។ ក្រុម អាតាឡង់តា ដែលបាននាំមុន បានមួយ​គ្រាប់​មុន តាំងពីនាទីទី២៧ បានជឿជាក់រហូតដល់​នាទីចុងក្រោយ ថាខ្លួនបានទប់​បាន​ហើយ ទល់នឹងក្រុមប៉ារីស ដើម្បីដណ្ដើម​យកជ័យជំនះ។

តែនៅទីបំផុត ការបញ្ចូលកីឡាករ គីលីយ៉ាន អ៊ឹមបាពេ (Kylian Mbappé) ឲ្យចូលទាត់​នៅ​នាទីទី៦០ បានផ្ដល់សន្ទុះបាល់យ៉ាងខ្លាំង រួមជាមួយកីឡាករ ណីម៉ា (Neymar) សម្រាប់​ក្រុមប៉ារីស។ កម្លាំងបាល់នេះ បានផ្ដល់ឲ្យក្រុម មានឱកាសជាច្រើន ក្នុងការទាត់បញ្ចូលទី តែមិនបានលទ្ធផល។

គេត្រូវរង់ចាំរហូតដល់ នាទីទី៩០ ទើបកីឡាករ ណីម៉ា បានបញ្ជូនបាល់មកកណ្ដាល ឲ្យកីឡាករ ម៉ាគីញ៉ូស (Marquinhos) គ្រាន់តែប្រើជើងរុញបាល់ រកបានគ្រាប់បាល់ស្មើ ១-១។

នៅប៉ុន្មាននាទីក្រោយមក (នាទីទី៩០+៣) កីឡាករ អ៊ឹមបាពេ ទទួលបានពីកីឡាករ ណីម៉ា រួចទាត់មកកណ្ដាល ទុកឲ្យខ្សែប្រយុទ្ធក្រុមប៉ារីសម្នាក់ទៀត កីឡាករ «Eric Maxim Choupo-Moting» គ្រាន់តែយកជើងឆ្កឹះ ដាក់បញ្ចូលទីមួយគ្រាប់ទៀត ១-២។ មកដល់​នាទី​​ចុងក្រោយ​ដូច្នេះ ក្រុម អាតាឡង់តា គ្មានសង្ឃឹមនឹងរកគ្រាប់បាល់បានវិញទេ នៅចំពោះ​ខ្សែការពារ​ដ៏រឹងមាំ របស់ក្រុមប៉ារីស។

ឆ្លងផុតវគ្គ១/៤ ក្រុមប៉ារីស នឹងត្រូវរង់ចាំលទ្ធផល នៃការប្រកួតក្នុងយប់ស្អែក រវាងក្រុម ឡេបហ្សីង (RB Leipzig – អាល្លឺម៉ង់) និងក្រុម អាត្លងទីកូ (Atlético Madrid – អេស្ប៉ាញ)៕



លំអិតបន្ថែមទៀត

កីឡា និងបច្ចេកវិទ្យា

សារព័ត៌មានអេស្ប៉ាញថា លីយ៉ូនែល ម៉េស៊ី នឹងទៅទាត់​ឲ្យក្រុម ប៉ារីស

បន្ទាប់ពីចាកចេញ ពីក្រុមបាសឺឡូន (FC Barcelone) កំពូលកីឡាករ លីយ៉ូនែល ម៉េស៊ី (Lionel Messi) ម្ចាស់​បាល់មាស​៦ជំនាន់ អាចនឹង​បង្ហាញខ្លួន នៅក្រុមបាល់ទាត់​នៃរដ្ឋធានី ប៉ារីស ...
កីឡា និងបច្ចេកវិទ្យា

អធិរាជអាវស ម្ចាស់​ជើងឯក​អ៊ឺរ៉ុប​បីជំនាន់ ហាវអាវ​ព្រោះ​ត្រូវ​អាហ្សាក់​បំបាក់

ផែនដីក្រឡាប់ចាក់ នៅរាជធានីម៉ាឌ្រីត! ក្រុមរៀលម៉ាឌ្រីត (Real Madrid – អេស្ប៉ាញ) ហៅ អធិរាជអាវស និងជាម្ចាស់ជើងឯកអ៊ឺរ៉ុប បីជំនាន់ជាប់គ្នា បានដួលបះជើងក្នុងយប់ថ្ងៃអង្គារនេះ ទល់នឹងក្រុមអាហ្សាក់អាមស្ទែដាម ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.