ក្រុមយក្សពីរនៅអ៊ឺរ៉ុប​បានបញ្ចប់ការប្រកួត វគ្គពាក់កណ្ដាលផ្ដាច់ព្រ័ត្រ ជុំទី១ ដោយលទ្ធផលស្មើ ១-១ ក្នុងយប់​ថ្ងៃអង្គារ​​ទី២៧ ខែមេសា ឆ្នាំ២០២១នេះ។ ជាការប្រកួតរវាងក្រុម រៀលម៉ាឌ្រីត (Real Madrid – អេស្ប៉ាញ) និងក្រុម ឆែលស៊ី (Chelsea – អង់គ្លេស) នៃក្របខណ្ឌ​ដណ្ដើមជើងឯកអ៊ឺរ៉ុប​«Champions League»​ប្រចាំរដូវកាល​ឆ្នាំ២០២០-២០២១។

បើនិយាយពីសាច់បាល់ ដែលក្រុមទាំងពីរបានលេង គេមើលឃើញថា ក្រុម ឆែលស៊ី ដែលបង្វឹកដោយគ្រូបង្វឹកថ្មី លោក ថូម៉ាស់ ធូហែល (Thomas Tuchel) មានប្រៀបជាងក្រុម រៀល តាមរយៈខ្សែបម្រើទាំងបីនាក់ ដែលក្រុម​តោខៀវ បានដាក់ពង្រាយ ដើម្បីដណ្ដើមបាល់ (ឬឃាំងខ្ទប់ការបញ្ចូលបាល់) យ៉ាងមានប្រសិទ្ធិភាព ពីក្រុមគូប្រជែង។

ដោយហេតុនេះហើយ ទើបកីឡាករ «Christian Pulisi» ខ្សែបម្រើជាតិអាមេរិកាំង​របស់ក្រុម ឆែលស៊ី រកបាន​គ្រាប់បាល់​មួយមុន នៅនាទីទី១៤។

យ៉ាងណា ក្រុម រៀល នៅមានកំពូល​កីឡាករ​កម្រិតពិភពលោក ដែលអាចផ្លាស់ប្ដូរលទ្ធផល នៃការប្រកួតបាន។ នោះគឺ​ខ្សែប្រយុទ្ធជាតិបារាំង កីឡាករ​«Karim Benzema» ដែលបានទាត់ផ្កាប់ចាន បញ្ជូលបាល់ចូលទីក្រុម ឆែលស៊ី នៅនាទីទី២៩ បានមួយគ្រាប់ស្មើមកវិញ។

តែមួយគ្រាប់នេះ នៅមិនគ្រប់គ្រាន់ទេ ក្នុងការបញ្ជាក់ពីមហិទ្ធិរិទ្ធរបស់ក្រុម អធិរាជជិះសេះស នៃរាជធានី ម៉ាឌ្រីត ដោយហេតុថា វាគ្រាន់តែជា​លទ្ធផលស្មើ ខណៈការប្រកួតបានប្រព្រឹត្តិទៅ ក្នុងផ្ទះរបស់ខ្លួនឯងប៉ុណ្ណោះ។

បើទោះជាមួយគ្រាប់នៅក្រៅផ្ទះ​របស់ក្រុម ឆែលស៊ី បានផ្ដល់ប្រៀបឲ្យក្រុមនេះ សម្រាប់ការប្រកួតជុំទី២ ដែលនឹង​ប្រព្រឹត្តិទៅ នៅសប្ដាហ៍ខាងមុខ ក្នុងកីឡដ្ឋាន«Stamford Bridge»​នៃរាជធានី ឡូងដ៍ ក្ដី ក៏ក្រុមបាល់ទាត់​យក្ស​ទាំងពីរ នៅមានឱកាសយ៉ាងច្រើននៅឡើយ ដើម្បីដណ្ដើមកៅអី សម្រាប់ឈានទៅប្រកួត​នៅវគ្គផ្ដាច់ព្រ័ត្រ ដែលនឹង​ប្រព្រឹត្តិទៅ នៅក្នុងកីឡដ្ឋាន«Atatürk»​នៃក្រុង អ៊ីស្ដាមប៊ូល (ទួរគី) នៅថ្ងៃសៅរ៍ទី២៩ ខែឧសភា ឆ្នាំ២០២១​ខាងមុខ៕



លំអិតបន្ថែមទៀត

កីឡា និងបច្ចេកវិទ្យា

Champions League៖ ប៉ារីស ផ្ដល់​មេរៀន​ឲ្យ មេនញ៉ូ​ ដល់ផ្ទះ ២-០

យប់ថ្ងៃទី១២ ខែកុម្ភៈ ឆ្នាំ២០១៩នេះ ទោះបីក្រុម ប៉ារីស (Paris Saint-Germain – បារាំង) មិនមានវត្តមានរបស់ខ្សែប្រយុទ្ធធំៗទាំងពីរ គឺកីឡាករ ណីម៉ា (Neymar) ...
កីឡា និងបច្ចេកវិទ្យា

មេនស៊ីធី លត់ សាលកេ០៤ យ៉ាង​ជូរចត់ និងដើរឆ្លងវគ្គយ៉ាងងាយ

ក្រុមមេនឆេស្ទ័រស៊ីធី (Manchester City – អង់គ្លេស) ខ្លាំងជាក្រុម សាលកេ០៤ (Schalke 04 – អាល្លឺម៉ង់) ឆ្ងាយណាស់។ ក្រុមបាល់ទាត់ ...
កីឡា និងបច្ចេកវិទ្យា

Champions League៖ ៨ក្រុមចុងក្រោយ ដែលត្រូវប្រកួតវគ្គ១ភាគ៤

៨ក្រុមចុងក្រោយ មកពី៥ប្រទេស ក្នុងទ្វីបអ៊ឺរ៉ុបខាងលិច បានឈ្នះសំបុត្រឆ្លងវគ្គ ឡើងទៅដណ្ដើម​ពានត្រជៀកធំ ជាម្ចាស់ជើងឯកអ៊ឺរ៉ុប «Champions League» សម្រាប់ឆ្នាំ​២០១៨-​២០១៩នេះ។  ជាការកត់សម្គាល់ ប្រទេសដែលមានក្រុមបាល់ទាត់ជោគជ័យបំផុត គឺចក្រភពអង់គ្លេស ដែលឆ្នាំនេះ ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

រ៉ូណាល់ដូ និងក្រុម មែនយូ ឈានដល់ផ្លូវបំបែកជាថ្មី

កីឡា និងបច្ចេកវិទ្យា

[ដំណឹងផ្លូវការ] អ៊ឹមបាពេ បន្ត​កិច្ចសន្យា​៣ឆ្នាំ ជាមួយក្រុម ប៉ារីស

ខ្សែប្រយុទ្ធល្បឿនផ្លេកបន្ទោរជាតិ​បារាំង កីឡាករ គីលីយ៉ាន អ៊ឹមបាពេ (Kylian Mbappé) បានសម្រេចនៅទីបំផុត បន្ត​កិច្ចសន្យា​៣ឆ្នាំ ជាមួយក្រុម ប៉ារីស – ស៊ាំងហ្សែរម៉ាំង (Paris ...
កីឡា និងបច្ចេកវិទ្យា

ក្រុមអតីត​កីឡាករបាល់ទាត់​នៅបារាំង ប្រកួតគ្នា​ដើម្បីជួយ​កុមារ​អ៊ុយក្រែន

ជាការជួប«ប្រកួតគ្នា​ដើម្បីជួយ​កុមារ​អ៊ុយក្រែន» ធ្វើឡើងដោយក្រុមអតីតកីឡាករ-កីឡាការិនី ដែលធ្លាប់លេង​ឲ្យក្រុមបាល់ទាត់អាជីព នៅក្នុងប្រទេសបារាំង។ ជាជំនួប«មិត្តភាព» ដែលរៀបចំឡើងជាលើកទី២ ដោយអង្គការ«UNICEF» ដើម្បីចូលរួមក្នុងបុព្វហេតុ របស់អង្គការដ៏ធំមួយនេះ (UNICEF ជាផ្នែកមួយ របស់អង្គការសហប្រជាជាតិ ទទួលបន្ទុកខាងកុមារ)។ ...