កីឡា និងបច្ចេកវិទ្យាបាល់ទាត់

នាគខៀវ ទាញទម្លាក់ រមាសក្រហម ទោះចាញ់​ក្នុង​ការប្រកួត​លើកមុន

ក្នុងយប់នេះ បន្ទាប់ពីក្រុមអ្នកមានថ្មី របស់ប្រទេសបារាំង នៅមានក្រុម រមាសក្រហម របស់ប្រទេសអ៊ីតាលីទៀត ក៏ត្រូវបានទម្លាក់ចេញ ដោយក្រុម នាគខៀវ ពីការប្រកួតដណ្ដើមជើងឯកអ៊ឺរ៉ុប «Champions League» ឆ្នាំ២០១៨-២០១៩នេះ បន្ទាប់ពីខ្លួនរកបានជ័យជំនះ ក្នុងការប្រកួត«ទៅ»​កាលពីបីសប្ដាហ៍មុនដែរ។

ក្រុមរ៉ូម៉ា (AS Roma – អ៊ីតាលី) ហៅ«រមាសក្រហម» ត្រូវបានក្រុម ព័រតូ (FC Porto – ព័រទុយហ្គាល់) ហៅ«នាគខៀវ»ទាញឲ្យហាវអាវ នៅក្នុងកីឡាដ្ឋានរបស់ក្រុង ព័រតូ ប្រទេសព័រទុយហ្គាល់។

ក្នុងការប្រកួត«ជុំទីមួយ» ឬការប្រកួត«ទៅ» សម្រាប់វគ្គ១ភាគ៨ផ្ដាច់ព្រ័ត្រដដែល កាលពីបីសប្ដាហ៍មុន ក្រុម ព័រតូ បានចាញ់ក្រុម រ៉ូម៉ា ដោយពិន្ទុ ១-២។ តែនៅក្នុងការប្រកួត«ជុំទីពីរ» ឬការប្រកួត«ត្រឡប់» ក្នងយប់ទី៦ ខែមិនា ឆ្នាំ២០១៩នេះ ក្រុមនាគខៀវបានរកបានពិន្ទុ ២-១ វិញ សម្រាប់រយៈពេលប្រកួត៩០នាទី។

ជាគ្រាប់បាល់សរុប ៣-៣ ទាំងទៅទាំងមក ដែលចាំបាច់ឲ្យក្រុមទាំងពីរធ្វើការបន្ថែមម៉ោង។ ហើយលទ្ធផលនៅទីបំផុត គឺក្រុម ព័រតូ រកបានមួយគ្រាប់បន្ថែម ដែលជាបាល់ពិន័យនៅនាទីទី ៩០+១៧នាទី ដែលធ្វើឲ្យក្រុមរមាសក្រហម យំមិនចេញ និងត្រូវវេចបង្វិចមកផ្ទះវិញ ជាមួយនឹងការសោកស្ដាយ៕



You may also like

កីឡា និងបច្ចេកវិទ្យា

ប៉ារីស​ធ្លាក់​ពីលើ​មេឃ នៅក្នុង​ផ្ទះ​ខ្លួនឯង ទល់នឹង​បីសាចក្រហម

ក្រុមអ្នកមានថ្មី របស់ប្រទេសបារាំង បានយកក្ដីសង្ឃឹមរបស់ខ្លួន ទៅក្រវាត់ចោលក្នុងធុងសម្រាមជាថ្មីទៀត ក្នុងយប់ថ្ងៃទី៦ ខែមិនា ឆ្នាំ២០១៩ បន្ទាប់ពីបានប្រកួតចាញ់ក្រុម មែនឆេស្ទ័រយូណាយធីន (Manchester United – អង់គ្លេស) ...
កីឡា និងបច្ចេកវិទ្យា

Europa League៖ បីសាចក្រហម លត់​ រមាស​អុីតាលី ​ផ្ទុយពី​​ កាំភ្លើងធំ

ក្រុមមេនយូ (Manchester United) ឬ«បីសាចក្រហម» បានលត់ក្រុមរ៉ូម៉ា (AS Roma) ឬ«រមាស​អុីតាលី» យ៉ាងចាស់ដៃ ដោយគ្រាប់បាល់​៦-២ នៅក្នុងប្រកួតជុំទី១ វគ្គពាក់កណ្ដាលផ្ដាច់ព្រ័ត្រ ក្របខណ្ឌ«Europa ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...