បន្ទាប់ពីក្រុម ដ័រមូន និងក្រុម ព័រតូ ដែលទទួលសំបុត្រ បានឡើងវគ្គ១/៤ (វគ្គ៨ក្រុម) កាលពីម្សិលម៉ិញរួច នៅយប់​ថ្ងៃពុធ ទី១០ ខែមីនានេះ ក្រុមបាល់ទាត់យក្សពីរទៀត ក៏បានដឹកដៃគ្នា​ ចាកចេញពីវគ្គ១/៨ផ្ដាច់ព្រ័ត្រ នៃការប្រកួត​ដណ្ដើមជើងឯកអ៊ឺរ៉ុប ក្របខណ្ឌ​«Chmapions League» សម្រាប់រដូវកាល២០២០-២០២១នេះដែរ។

ក្រុមទាំងពីរនោះ គឺក្រុមបារីស (Paris Saint-Germain បារាំង) និងក្រុមលីវើភូល (Liverpool អង់គ្លេស) បន្ទាប់ពី​ការប្រកួត​ជុំទី២ ត្រូវបានបញ្ចប់ ខណៈក្រុមបាល់ទាត់ពីរទៀត បាន«ហាលអាវ»ជាស្ថាពរ នៅត្រឹមវគ្គ១/៨នេះ។

ខាងក្រោមនេះ ជាលទ្ធផលនៃការប្រកួតទាំងពីរ៖

  • ក្រុមប៉ារីស VS ក្រុមបាសឺឡូន (Barcelona អេស្ប៉ាញ)៖ ១-១។ គ្រាប់បាល់របស់ក្រុមប៉ារីស រកបាន​ដោយ​កីឡាករ គីលីយ៉ាន អ៊ឹមបាពេ (Kylian Mbappé) នៅនាទី៣១ ខណៈគ្រាប់បាល់របស់ក្រុម​បាសឺឡូន រកបាន​ដោយកីឡាករ លីយ៉ូនែល ម៉េស៊ី (Lionel Messi) នៅនាទីទី៣៧។

ក្នុងការប្រកួតជុំទី១ ក្រុមប៉ារីសបានបំបាក់ក្រុមបាសឺឡូន ៤-១។

  • ក្រុមលីវើភូល VS ក្រុមលីពហ្សីង (Leipzig អាល្លឺម៉ង់)៖ ២-០។ គ្រាប់បាល់ទាំងពីររបស់ក្រុមហង្សក្រហម រកបាន​ដោយកីឡាករ មហាមេដ សាឡា (Mohamed Salah) នៅនាទីទី៧០ និងកីឡាករ សាឌីយ៉ូ ម៉ាណេ (Sadio Mané) នៅនាទីទី៧៤។

ក្នុងការប្រកួតជុំទី១ ក្រុមលីវើភូល​ក៏បានឈ្នះ​ក្រុមគោជល់អាល្លឺម៉ង់ ២-០ ដែរ។

ជាការកត់សម្គាល់ រដូវកាលនេះជារដូវកាលដំបូងហើយ ដែលក្រុមបាល់ទាត់ ដែលមានកីឡាករម្ចាស់​បាល់មាស​ច្រើនជំនាន់ កីឡាករ លីយ៉ូនែល ម៉េស៊ី និងកីឡាករ គ្រីស្យាណូ រ៉ូណាល់ដូ (Cristiano Ronaldo) មិនបានឡើង​ដល់វគ្គ១/៤ រាប់ចាប់ពីឆ្នាំ២០០៥មក។

រីឯក្រុមបាល់ទាត់ដែលសម្រេច បានឡើងវគ្គ១/៤ ត្រូវរង់ចាំការប្រកួតវគ្គ១/៨ រហូតសប្ដាហ៍ក្រោម រវាង៨ក្រុម​ផ្សេងទៀត មុននឹងដឹងពីគូប្រកួត​របស់ខ្លួន ដោយការចាប់ឆ្នោត រៀបចំឡើងដោយសហភាពបាល់ទាត់អ៊ឺរ៉ុប (UEFA)៕



លំអិតបន្ថែមទៀត

កីឡា និងបច្ចេកវិទ្យា

កំពូលកីឡាករច្រើននាក់ ​របស់ក្រុម ប៉ារីស កំពុងវិល​ចូលប្រកួតវិញ

បន្ទាប់ពីអវត្តមាន តាំងពីចុងខែវិច្ឆិកា ដោយសាររងរបួសនោះមក ខ្សែប្រយុទ្ធជាតិអាហ្សង់ទីន ​របស់ក្រុម ប៉ារីស (Paris Saint-Germain – បារាំង) កីឡាករ ម៉ូរូ អ៊ីកាឌី ...
កីឡា និងបច្ចេកវិទ្យា

ម៉េស៊ី បានសម្រេចចាកចេញ ពីក្រុម​អ្នកមានបុណ្យ

ជាដំណឹងដែលធ្លាក់ចុះមក ដូចផ្ទុះភ្នំភ្លើង ក្នុងពិភពបាល់ទាត់។ កំពូលខ្សែប្រយុទ្ធ កីឡាករ លីយ៉ូនែល ម៉េស៊ី (Lionel Messi) បានសម្រេចចាកចេញ ពីក្រុម​អ្នកមានបុណ្យ (FC Barcelone ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...