កំពូលខ្សែប្រយុទ្ធវ័យក្មេង របស់ក្រុម ដ័រមូន (Borussia Dortmund អាល្លឺម៉ង់) កីឡាករ អឺលីង ហាឡេន (Erling Haaland) កំពុងបន្តធ្វើឲ្យពិភពបាល់ទាត់ភ្ញាក់ផ្អើល ជាមួយនឹងថ្វីជើងរបស់ខ្លួន។

បន្ទាប់ពីបាន់បំបាក់ក្រុម សេវីល (FC Séville អេស្ប៉ាញ) ក្នុងការប្រកួតជុំទី១ វគ្គ១/៨ផ្ដាច់ព្រ័ត្រ ក្របខណ្ឌ​«Champions League» ក្នុងគ្រាប់បាល់ ២-៣ រួច នៅយប់ថ្ងៃអង្គារនេះ កីឡាករវ័យ២០ឆ្នាំ ជាតិណ័រវេស បានបន្ត​រកគ្រាប់បាល់ ឲ្យក្រុមបាល់ទាត់​របស់ខ្លួន ក្នុងការប្រកួតជុំទី២ និងបានទម្លាក់ក្រុមសេវីល ឲ្យជ្រុះចេញជាស្ថាពរ។

ជាលទ្ធផលសម្រាប់យប់ថ្ងៃអង្គារនេះ ក្រុម ដ័រមូន នៃប្រទេសអាល្លឺម៉ង់ មានគ្រាប់បាល់ស្មើ ២-២ ជាមួយក្រុម សេវីល។ តែជ័យជំនះរបស់ក្រុម ដ័រមូន នៅខាងក្រៅផ្ទះ (ក្នុងការប្រកួតជុំទី១ កាលពីមួយខែមុន) បានផ្ដល់ជ័យជំនះ ឲ្យក្រុម​ពាក់អាវលឿង ដើម្បីបន្តឡើងទៅប្រកួត ក្នុងវគ្គ១/៤ (ឬវគ្គ៨ក្រុម) បន្តទៀត។

បើគិតជា​សាច់បាល់វិញ ក្រុម សេវីល បានលេង និងគ្រប់គ្រងបាល់ បានច្រើនជាងក្រុម ដ័រមូន តែមិនមានលទ្ធភាព ទាត់បញ្ចូលទី​របស់គូប្រកួត​បានភ្លាមៗទេ។ ផ្ទុយទៅវិញ ក្រុម ដ័រមូន បង្កគ្រោះថ្នាក់បានខ្លាំងជាង និងជាពិសេស ថ្វីជើង​​របស់កីឡាករ អឺលីង ហាឡេន បានធ្វើឲ្យក្រុមអាល្លឺម៉ង់នាំមុខបានពីរគ្រាប់ (ក្នុងនោះ មួយគ្រាប់​ជាបាល់​ពិន័យ)។

ក្រុម ដ័រមូន ត្រូវរង់ចាំការប្រកួតក្នុងជុំទី២ វគ្គ១/៨ផ្ដាច់ព្រ័ត្រ ដែលនឹងត្រូវបញ្ចប់ទាំងស្រុង នៅសប្ដាហ៍ក្រោយ (រវាង​ក្រុមបាល់ទាត់​ទាំង១៤ផ្សេងទៀត) ទើបក្រុមនេះអាចដឹង ពីគូប្រជែងរបស់ខ្លួន នៅក្នុងវគ្គ១/៤ ដោយ​ការចាប់ឆ្នោត ដែលជាការរៀបចំ របស់សហភាពបាល់ទាត់អ៊ឺរ៉ុប (UEFA)៕



You may also like

កីឡា និងបច្ចេកវិទ្យា

នាគខៀវ ទាញទម្លាក់ រមាសក្រហម ទោះចាញ់​ក្នុង​ការប្រកួត​លើកមុន

ក្នុងយប់នេះ បន្ទាប់ពីក្រុមអ្នកមានថ្មី របស់ប្រទេសបារាំង នៅមានក្រុម រមាសក្រហម របស់ប្រទេសអ៊ីតាលីទៀត ក៏ត្រូវបានទម្លាក់ចេញ ដោយក្រុម នាគខៀវ ពីការប្រកួតដណ្ដើមជើងឯកអ៊ឺរ៉ុប «Champions League» ឆ្នាំ២០១៨-២០១៩នេះ ...
កីឡា និងបច្ចេកវិទ្យា

ប៉ារីស​ធ្លាក់​ពីលើ​មេឃ នៅក្នុង​ផ្ទះ​ខ្លួនឯង ទល់នឹង​បីសាចក្រហម

ក្រុមអ្នកមានថ្មី របស់ប្រទេសបារាំង បានយកក្ដីសង្ឃឹមរបស់ខ្លួន ទៅក្រវាត់ចោលក្នុងធុងសម្រាមជាថ្មីទៀត ក្នុងយប់ថ្ងៃទី៦ ខែមិនា ឆ្នាំ២០១៩ បន្ទាប់ពីបានប្រកួតចាញ់ក្រុម មែនឆេស្ទ័រយូណាយធីន (Manchester United – អង់គ្លេស) ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...